Shimbi 22:9 - MUKANDA USANDU WA ZAMBI 1975

⁹ Kanda nukuwa mbuto jiali jeka mu minda yenu ya uva kuchina munuchisa mbuto yeswe, te ye mbuto nwakuwa hamwe ni kwoka chayo mu minda yenu ya uva.

Mukanda Wa Zambi 1970

⁹ “Kanda nukakuwa yimwe mbuto yikwo mu minda yenu ya vinyu. Nyi nwachilinga, kunuchi kuhasa kulia ye vinyu hanji ye mbuto.

Shimbi 22:9 Iomraidhean Croise

Alevi 19:19

Fungenu yiyulo yami. Kanda nutayiza yimuna jenu kusema ni vungu lieka. Kanda nukuwa mbuto jiali munda umuwika. Kanda nuzala mazalo a mahina aali alipwila.

Mateu 6:24

Niumwe mahasa kulingila miata aali: mumu hanji mavwila kole umwe, mazanga mukwo; hanji makakaminya kuli umwe, malelesa mukwo. Kunwahashile kulingila Zambi ni kulingila upite hamuwika.

Mateu 9:16

Mba niumwe masa chando cha hina lize kulishi kufunyisa ha hina likulu; mumu chando machipapulula lie hina, ni chitutulu chahiana muchipwa.

A-ROMA 11:6

Alioze kachi chinapu cha vumbi, mba kuchapwile cha yitanga: nyi chocho, vumbi hi vumbi ko nawa.

2 Korintu 1:12

Mumu kulisamba chetu chino ngwetu, Shindakenyo ya mbunge jetu, ngwe ni usandu ni kutuwika cha mbunge kumeso ja Zambi, hi ni mana ja musunya ko alioze ni vumbi lia Zambi, hitunende hano hashi, ni kuhiana kuli yenu.

2 Korintu 11:3

Alioze ngunevu woma, kuchina ku chuma chimwe, chizechene ngwe kapela wongele Eva ni kalimbavuli kenyi, chocho mapihisa manyonga jenu ku kutuwika cha mbunge ni kulinanga chize chili kuli Kristu.

Shimbi 22:8

Ha kutunga mazuwo aha, munutunga yisakala ha fulumba jenu, kuchina mununeha mutonga wa manyinga ha mazuwo jenu ha kuhotokaho mutu.

Tiangu (Jake) 3:10

Mu kanwa limuwika munatuhuka uwape ni kushinga. Mandumbu jami, kuchalitele yino yuma kupwa chocho.