Shimbi 21:23 - MUKANDA USANDU WA ZAMBI 1975

²³ mujimba wenyi kanda usala ku mutondo ufuku weswe. Numufunde tangwa lioliene, mumu mutu wasukama ku mutondo kapwa shingo lia Zambi, kuchina munuchisa chifuchi chenu Yehova Zambi yenu ananwehecho chikapwe chihinga.

Mukanda Wa Zambi 1970

²³ kanda asala ha mutondo ufuku weswe. Chatamba kumufunda tangwa lizeliene, mumu mujimba wa kusukika ha mutondo kuwakuneha Shingo lia Zambi mu chifuchi. Fundenu mutu yoze hanga kunuchi kubihisa chi fuchi chize Mwene Zambi, Zambi yenu, hananwehe.

Shimbi 21:23 Iomraidhean Croise

2 Samuel 21:10

Rizipa mwana wa Aya wa pwo yanda chikeleyi. Yalizazulwilacho ha liwe chize ha kuputuka cha kucha ndo vula wanokene munji. Katayijile tujila a mu tetela kupwila hali ayo ha mwalwa, chipwe tushitu a mu yambu ha ufuku.

2 Samuel 21:6

atwehe shimbiali a ana jenyi a malunga mba mutwasukika kumeso ja Yehova mu Ngibia ya Saulu yoze amutongwele kuli Yehova. Mwanangana ngwenyi, Mungunwaho.

1 MIANANGANA 10:8

Kwejile umwe mukeji yamwambulwila ngwenyi, Haneha mitwe ya ana ja mwanangana. Aye ngwenyi, Ayilumbike milumba yiali ku unjililo wa chikolo ndo hamene.

Ezekiel 39:12

Akwa munyachi wa Izalele makapwa tukweji shimbiali ha kwafunda hanga akapemese chifuchi.

Alevi 18:25

Chocho chifuchi hachichisa mba hinaalambila uhenge wacho. Chifuchi hichasaza waze atwamamo.

Kwalula 25:4

Yehova yamba kuli Mose ngwenyi, Utwale akwa lutwe eswe a atu, wasukike kumeso ja Yehova ha mwalwa, hanga utenu usasu wa Yehova ukakatuke kuli A-Izalele.

Yoano 19:31

Kashika A-Yunda, hanga mijimba kuyichi kasala ha makulusu ha tangwa lia Sambata, mumu chapwile Kululika, (mumu tangwa lia Sambata lize liapwile tangwa linene,) alembele kuli Pilatu, hanga akamakune molu jo, akaachizeho.

A-ROMA 9:3

Mumu ngunahase kulemba yami mwene ngushingiwe kuli Kristu mumu hali mandumbu jami, usoko wami nikulita ni musunya;

1 Korintu 16:22

Kachi umwe keshi kufwila Mwene, akashingiwe. Mwe Mwene kaneza.

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

Galashia 3:13

Kristu hanatukula ku shingo lia shimbi, se a amupwishile shingo hali yetu; mumu chinasonewa ngwo, Kashingiwa mweswe hamuzezeleka ha mutondo.

Shimbi 25:19

Kashika ngwami, Muze hanuhwimisa kuli Yehova Zambi yenu kuli akwa kole jenu eswe ananujingilika, mu chifuchi Yehova Zambi yenu ananwehecho, chikapwe chihinga, nukachizuke, kanda nuvulama kujimuna jina lia Amaleke kwishi lia lilu.

Shimbi 4:21

Chikwo nawa, Yehova yatenuka ni yami mumu hali yenu, yalishinga ngwenyi, Kuchi kuzauka Yordau hanji kunjila mu chifuchi chize chipema, Yehova Zambi yenu ananwehecho, chikapwe chihinga.

Shimbi 7:26

Kanda nunjisa mu mazuwo jenu chizelwokeso chimwe, kuchina munulifwa nacho mba munupwa ajila; nukachichine, nukachivwile lwaji lume; mumu kuchapwa chuma chajila.

Yoshua 7:12

Kashika A-Izalele kahashile kumana kumeso ja akwa kole jo. Anachina kumeso ja akwa kole jo mumu halipwisa atu a kukunjika ku kwonwona. Chichi kupwa ni yenu nawa shina munwonwona yuma yajila hakachi kenu.

Yoshua 8:29

Yasukika mwanangana wa Ayi ha mutondo ndo chingoloshi. Ha kutoka cha tangwa Yoshua yatuma, yachiza mujimba wenyi ku mutondo, yaumbila mu chikolo cha chihunda nikulumbikilaho mulumba wa mawe. Kokwene kuuli ndo musono.