Shimbi 21:21 - MUKANDA USANDU WA ZAMBI 1975

²¹ Malunga eswe a limbo lize amwase mawe afwe, chocho munukatwisa chipi mukachi kenu, A-Izalele eswe evwe, apwe ni woma.

Mukanda Wa Zambi 1970

²¹ Mba malunga a mu limbo amushihe ni mawe. Chenacho munuchiza chibi chize mukachi kenu. Aisraele eswe maachivwa, meevwa woma.”

Shimbi 21:21 Iomraidhean Croise

2 Samuel 18:17

O yanda Absalome, yamumbila mu wina umwe unene mu usaki, yamulumbika mulumba unene chikolo wa mawe, mba A-Izalele eswe yachinyina mutu ku zuwo lienyi, mutu ku zuwo lienyi.

Kutuhuka 21:17

Yoze mashililika tato hanji naye, akamushihe lume.

Yishima 30:17

Liso lize liakuyunga tato, Kakulelesa lufumbo wa naye; yikwakwalo a mu chikulo makalitombongona; ana ja pupa makalilia.

Alevi 20:2

Amba kuli A-Izalele ngwe, Mutu mweswawo wa A-Izalele, hanji wa njize waze atwama mu Izalele, mahana umwe mwanenyi kuli Moleke, akamushihe, akwa chifuchi akamwase mawe.

Alevi 20:27

Lunga hanji pwo mukwa mahamba, hanji mukwa tufutafuta, munushiha. Munumwasa mawe. Manyinga jo akapwe hali ene.

Alevi 24:14

Mukwa kutuka numunehe haze lia chilombo, waze eswe amuvwile kutukana akase moko jo ha mutwe wenyi, mba akwa chikungulwila eswe akamwase mawe.

Alevi 24:16

Yoze mashililika jina lia Yehova akamushihe. Akwa chikungulwila eswe akamwase mawe. Apwe njize, apwe mwenyembo, muze mashililika lie Jina, akamushihe.

Kwalula 15:25

Sasendote akatukile chikungulwila cheswe cha A-Izalele, mba makaakonekena; mumu te chapwa cha susumuku, o te haneha mulambu wo, mulambu wa kahia kuli Yehova, ni mulambu wo ha shili nawa kumeso ja Yehova, mumu ha kupiasuka cho.

Kwalula 15:35

Yehova yamba kuli Mose ngwenyi, Mwe mutu numushihe lume. Chikungulwila cheswe amwase mawe haze lia chilombo.

Kwalula 15:36

Chikungulwila cheswe amutwalile haze lia chilombo yamwasa mawe, yafwa; chizechene ngwe Yehova ambile Mose.

1 Korintu 5:13

Alioze waze ali haze Zambi kakwapatwila. Chizenu yoze chingulungulu hakachi kenu.

Shimbi 13:12

Kachi manwambulwila mu limbo Umwe hakachi ka membo aze Yehova Zambi yenu ananweho kutwamamo ngwo,

Shimbi 13:5

Yoze profeta, hanji yoze mukwa kulota yilota mushihenu, mumu te iye hahanjika maliji a kukolema Yehova Zambi yenu, yoze wanuchijile mu chifuchi cha Engitu, nikunukula ku zuwo lia upinji ngwenyi, Nuhambuluke ku jila yize Yehova Zambi yenu anwambileyo ngwenyi, Nwendemo. Chocho nukatwise che chipi hakachi kenu.

Shimbi 13:6

Kachi yayenu, hanji mwanakwenu, ana ja noko, hanji ana je a malunga, hanji ana je a mapwo, hanji pwo lie wamuzanga, hanji sepa lie wamuzanga ngwe mbunge ya yena mwene, makusongojola ku tenga ngwenyi, Tatuye, tuvumbike tuzambi tweka, yena kwatunyingikine, ni yena, chipwe akakenu;

Shimbi 17:5

nuhetese mwe lunga ku yikolo, hanji mwe pwo walinga chipi chino, numwase mawe, afwe.

Shimbi 17:7

Moko ja yela aliange kumukwata mukumushiha, mba ha kusula, moko ja atu eswe. Chocho munukatwisa che chipi hakachi kenu.

Shimbi 21:20

O ambe kuli makulwana a limbo lienyi ngwo, Yono mwanetu iye mukwa upama, wa kukolema, kazeyele ku liji lietu, iye chikuhukila, iye mukwa kuzengewa.

Shimbi 22:21

ahetese mwana-pwo ku chikolo cha zuwo lia tato, malunga a limbo lienyi amwase mawe, hanga afwe, mumu te iye hanalingi uhepuke mu Izalele, hapwa chikoi mu zuwo lia tato. Chocho munukatwisa che chipi mukachi kenu.

Shimbi 22:24

nuhetese eswe ni aali ku chikolo cha lie limbo, nwaase mawe hanga afwe, ni mwana-pwo mumu te katetele, se mu limbo ali, ni mwe lunga mumu te halelesa pwo lia mukwo. Chocho munukatwisa che chipi mukachi kenu.