Shimbi 21:18 - MUKANDA USANDU WA ZAMBI 1975

¹⁸ Kachi mutu mapwa ni mwana, mukwa upama, mwana wa kukolema, kazeyele ku liji lia tato, hanji ku liji lia naye, chipwe mamulamba kechi kupanjika kuli ayo.

Mukanda Wa Zambi 1970

¹⁸ “Nyi ngwe umwe mutu hanaseme mwana wa lunga chihulia, keshi kwononokena yisemi jenyi chibwe amumwese lamba,

Shimbi 21:18 Iomraidhean Croise

2 Samuel 7:14

Ami kumungukapwa tato; iye kumakapwa mwanami. Nyi malinga uhenge mungumufumba ni mbwechi ya atu ni mijiji ya ana ja atu.

Kutuhuka 20:12

Lemesa tatenu ni noko, hanga matangwa je akapwe anji mu chifuchi chize Yehova Zambi ye kanakwehe.

Kutuhuka 21:15

Yoze malamba tato hanji naye, akamushihe lume.

Kutuhuka 21:17

Yoze mashililika tato hanji naye, akamushihe lume.

Yishima 1:8

Mwanami, panjika ku kufumba cha tatenu; kanda ulituna longeso ha noko;

Yishima 13:24

Yoze matepulula mbwechi yenyi kakuvwila kole mwanenyi; alioze yoze wamuzanga mamufumba kanawa.

Yishima 15:5

Chihepuke kakulelesa longeso ha tato; ahoze yoze matá kumukanjisa malumuka chikanyame.

Yishima 19:18

Fumba mwané shimbu kutalatala kuchili; alioze kanda usa mbunge ye ha kumushiha.

Yishima 20:20

Mweswe matuka tato hanji naye, ndeya yenyi makayijimisa mu milima pwi.

Yishima 22:15

Uhepuke unakashiwila mu mbunge ya mwana; alioze mbwechi ya kufumba muyiuhuma kusuku nenyi.

Yishima 28:24

Yoze makeya kuli tato hanji naye nikwamba ngwenyi, Chavulumwine; iye kapwa ngwe sepa lia chonwonyi.

Yishima 29:17

Fumba mwané mba makuhwimisa, ewa mawahisa mbunge ye.

Yishima 30:11

Kuchili chisemuko chakutukana atato; keshi kuwahisa anaye.

Yishima 30:17

Liso lize liakuyunga tato, Kakulelesa lufumbo wa naye; yikwakwalo a mu chikulo makalitombongona; ana ja pupa makalilia.

Izaya 1:2

Malilu, panjikenu. Hashi, neha matwi je. Mumu Yehova hanahanjika. Hinalela ana ni kwahoka, alioze hanangukatukila.

Izaya 1:5

Kuchi te munulikoleza kukolema? Kuchi te manulambalamba nawa? Mutwe weswe unayiji, mbunge yeswe yinalezumuka.

Jeremia 31:18

Hinevwa A-Eframe nikutwa mikuma ngwenyi, Hiwangufumba mba nafumbiwa ngwe musamba wa ngombe yoze kanda amuhombwesa. Nguhilwise kama hanga ngukahuzuluke mumu uli Yehova Zambi yami.

Jeremia 5:23

Alioze akwa vungu lino kali ni mbunge ja pami ni kukolema. Hanapianguka, hanayi kusuku.

Jeremia 5:3

Yehova, ngwami, meso je kakufupa umwenemwene. Hiwaalamba, alioze kevwile kupiha. Hiwaonwona, alioze kasolo kutambula lufumbo. Hakalisa meso jo kuhiana yimawe. Kasolo kulikonyeka.

Ezekiel 22:7

Muli yena yisemi kakwalelesa; muli yena ngeji kakwafwetesa ni mbenga; ni ana-ashiwa ni tuliwa kakwavulumuna muli yena.

Ezekiel 24:13

Ngengeya yamo ayo usolo wenu wa luchisa. Ami nazangile kunupemesa, ni yenu kunwapemene ku luchisa wenu, kashika yenu kunuchi kapema nawa ndo mungukahwisa ufwatulo wami hali yenu.

Alevi 19:3

Enu eswe mutu ni mutu nukalemese noko ni tatenu. Nukafunge Sambata jami. Yami Yehova Zambi yenu.

Alevi 21:9

Nyi mwana wa pwo wa umwe sasendote malijilula ha kulinga ukoi, hajilula tato, akamwoche ni kahia.

Shimbi 21:19

Tato ni naye amukwate, amuhetese kuli makulwana a limbo lienyi, ndo ku chajilo cha chihela chenyi.

Shimbi 27:16

Kashingiwa mutu yoze malelesa tato hanji naye. Atu eswe até ngwo, Amene.

Shimbi 8:5

Nunyonge mu mbunge jenu ngwenu, Ngwe chisemi mafumba mwanenyi, chocho Yehova Zambi yenu kakunufumba yenu.

1 Samuel 3:13

Mumu hinamulweza, ngwami, Himungupatwila munyachi wenyi ndo ku miaka mumu ha uhenge uze iye wanyingikine, mumu te ana jenyi apwile nikushililika Zambi, alioze iye kaakanjishile.