Shimbi 20:8 - MUKANDA USANDU WA ZAMBI 1975

⁸ E yilolo ahanjike ni atu nawa ngwo, Lunga muka unevu woma, mbunge yenyi yinalezumuka? Ahiluke ku zuwo lienyi, kuchina mbunge ja akwo mujilela ngwe mbunge yenyi.

Mukanda Wa Zambi 1970

⁸ “E miata ja tujita maakambila nawa malunga ngwo: ‘Kuli umwe lunga yoze mbunge yenyi yinalekumuka hanji Unevu woma, nyi? Nyi kwali, ahiluke ku mahienyi, mumu makalekumuna akwo.’

Shimbi 20:8 Iomraidhean Croise

Kutuhuka 15:15

Hohene miata ja A-Endome alishimwokene. Akwa ndundo ja A-Moape kuchikima hichaakwata. Eswe akutwama ku Kanana hanasangunuka.

Yishima 24:10

Nyi mulezumuka mu tangwa lia lamba, tachi je jikepe.

Kwalula 13:31

Alioze e malunga waze akandukile hamwe nenyi yamba ngwo, Kutwahashile kukanduka nikulimika ni aze atu, mumu o katakama, yetu, ka.

Kwalula 32:9

Mumu muze akandukile ku chikulo cha Esekole, atalile chifuchi, yahongesa mbunge ja A-Izalele nikwachinda kunjila mu chifuchi Yehova aahelecho.

Luka 9:62

Yesu wambile kuli iye ngwenyi, Niumwe se hanase kwoko henyi ku sharua, nyi matala kunyima, matela wanangana wa Zambi.

1 Korintu 15:33

Kanda nulionga, Usepa upi kuwakupihisa ndako jipema.

Shimbi 1:28

Tukandukile kulihi nyi? Akwetu hanatushihi mbunge jetu ngwo, Atu jako anene, atolomoka kuhiana yetu. Membo anene, yipanga yo yaheta ku malilu. Chikwo nawa, yitumonako ana ja A-Anake a malunga.

Shimbi 20:9

Ha kumanununa kuhanjika ni e atu, yilolo atongole miata a yizavu apwe helu lia atu.

Shimbi 23:9

Muze munutuhuka nikwasa jita ni akwa kole jenu, mba nukalifunge ku yuma yeswe yipi.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.

Usolwelo 3:16

aiioze se uli musaluka, ni hi mukekema ko, chipwe hi mufuluka ko, mungukusaza mu kanwa liami.

Akwa Kuyula 7:3

Kashika ambulula mu matwi ja atu ngwe, Mweswe kanachikima ni woma ahiluke ku zuwo lienyi. Ngideone yaeseka, mba makumi aali a tununu ni tununu aali ahilukile. Kwasalile kumi lia tununu.