Shimbi 20:7 - MUKANDA USANDU WA ZAMBI 1975

⁷ Lunga muka hatenda pwo, kanda achimumbata? Ahiluke ku zuwo lienyi, kuchina mafwa ku jita mba lunga weka mamumbata.

Mukanda Wa Zambi 1970

⁷ Kuli umwe lunga yoze hambisa pwo, nyi? Nyi kwali, ahiluke ku mahienyi. Mumu, nyi wafwa mu jita, mutu weka makamumbata.’

Shimbi 20:7 Iomraidhean Croise

Mateu 1:18

Achi, kusemuka cha Yesu Kristu chapwile ngwe chino: Muze naye Maria hamulakenya kuli José, shimbu kanda alinunga, amuwanyine ni ufumba kuli Spiritu Musandu.

Shimbi 20:6

Lunga muka hatumba munda wa uva, kanda achilia mbuto yawo? Ahiluke ku zuwo lienyi, kuchina mafwa ku jita mba mutu weka malia mbuto yawo.

Shimbi 24:5

Lunga nyi hachimbata pwo, kanda atuhuka ni chizavu cha tujita, chipwe kanda amutwika milimo niyimwe, akatwame tuhu ku mahio mwaka umuwika, akawahise mukwo-pwo yoze hambata.

Shimbi 28:30

Munukatenda pwo, mba lunga weka makapomba nenyi. Munukatunga zuwo, mba kunuchi katwamamo. Munukatumba minda ya uva, mba kunuchi kalia mihuko yayo.

2 Timoteu 2:4

Swalale niumwe malilimba ni yuma ya mwono uno; hanga akapemene kuli yoze hanamusela ku uswalale.