Shimbi 20:6 - MUKANDA USANDU WA ZAMBI 1975

⁶ Lunga muka hatumba munda wa uva, kanda achilia mbuto yawo? Ahiluke ku zuwo lienyi, kuchina mafwa ku jita mba mutu weka malia mbuto yawo.

Mukanda Wa Zambi 1970

⁶ Kuli umwe lunga yoze unakalima munda wa vinyu, alioze kanda achihela mo mihuko yawo, nyi? Nyi kwali, ahiluke ku mahienyi. Mumu, nyi wafwa mu jita, hi mutu weka makawahilila ni vinyu yize.

Shimbi 20:6 Iomraidhean Croise

Izaya 65:22

Kechi katunga hanga mukwo akatwamemo, kechi katumba hanga mukwo akalieko. Mumu matangwa ja atu jami mapwa ngwe matangwa ja mitondo; waze naatongwele makawahilila ni milimo ya moko jo.

Jeremia 31:5

Cheka nawa mukatumba minda ya miuva ha milundu ya Samaria. Akwa kutumba matumba, mba mayuka ni mihuko.

Zefania 1:13

Mapunda yikumba yo; menyeka mazuwo jo. Chipwe matunga mazuwo kechi katwamamo. Chipwe matumba miuva, kechi kanwa vinyu yayo.

1 Korintu 9:7

Swalale muka malingila ha kulifweta mwene? Iya matumba munda mba kechi kalia mihuko yawo? Hanji iya mafunga chendo cha yimuna mba keshi kunwa yamwa ya chendo?

Shimbi 20:5

Yilolo ahanjike ni atu ngwo, Lunga muka uliko hatunga zuwo liaha, kanda achilitumbikila? Ahiluke ku zuwo lienyi, kuchina mafwa ku jita, mba mutu weka malitumbikila.

Shimbi 20:7

Lunga muka hatenda pwo, kanda achimumbata? Ahiluke ku zuwo lienyi, kuchina mafwa ku jita mba lunga weka mamumbata.