Shimbi 20:5 - MUKANDA USANDU WA ZAMBI 1975

⁵ Yilolo ahanjike ni atu ngwo, Lunga muka uliko hatunga zuwo liaha, kanda achilitumbikila? Ahiluke ku zuwo lienyi, kuchina mafwa ku jita, mba mutu weka malitumbikila.

Mukanda Wa Zambi 1970

⁵ “Mba miata ja tujita maakahula malunga ngwo: ‘Kuli umwe lunga yoze unakatunga zuwo, alioze kanda achilikunjika kuli Zambi, nyi? Nyi kwali, ahiluke ku mahienyi. Mumu, nyi wafwa mu jita, hi mukwo weka makalikunjika.

Shimbi 20:5 Iomraidhean Croise

Nehemia 12:27

Ha kusela ku lisandu chipanga-cha-mawe cha Yerusaleme afupile A-Levi kweswako atwamine nikwaneha ku Yerusaleme akachisele ku usandu ni kulikwiza ni kusakwila, ni kwimba nawa ni sembalu, ni yisaji ya kusa, ni tulialia.

Miaso (Masamu) 30:1

Mungukwalakana, yena Yehova, mumu hiwanguzundula; kwatayijile akwa kole jami kunguseha.

Kwalula 31:14

Mose yatenuka ni yilolo ya chizavu cha tujita, tupitau twa tununu, ni tupitau twa kulakaji te anahiluka ha kukatuka ku jita.

Kwalula 31:48

Yilolo apwile helu lia tununu twa chizavu cha tujita, tupitau twa tununu ni tupitau twa kulakaji, yakundama kuli Mose.

Shimbi 1:15

Mba yinguchiza akwa lutwe ja minyachi yenu, akwa mana, akwa lufuma, hikwaapwisa akwa lutwe jenu, miata ja tununu, miata ja kulakaji, miata ja makumi atano, miata ja kumi, yilolo, nikulita ni minyachi yenu.

Shimbi 16:18

Ni ngaji ni yilolo nulisakwilo mu yihunda yenu yeswe, Yehova Zambi yenu ananweheyo, nikulita ni minyachi yenu, o akayule atu ni upatwilo wa ululi.

Shimbi 20:6

Lunga muka hatumba munda wa uva, kanda achilia mbuto yawo? Ahiluke ku zuwo lienyi, kuchina mafwa ku jita mba mutu weka malia mbuto yawo.

1 Samuel 17:18

Twala nawa kumi lia keju kuli kapitau ka kanunu ko, utale ayayenu chize atwama, ukatambule chifungo cho.