Shimbi 20:3 - MUKANDA USANDU WA ZAMBI 1975

³ ambe kuli ayo, ngwenyi, Enu A-Izalele, ivwenu, musono nunakundama mukwasa jita ni akwa kole jenu, mbunge jenu kanda jilezumuka, chipwe kwivwa woma ka, chipwe kanda nuchikima, chipwe kanda nususuka mumu hali ayo;

Mukanda Wa Zambi 1970

³ ‘Yenu malunga ja Aisraele, banjikenu! Musono nunayi mu jita. Kanda nuvwila akwa kole jenu woma hanji mwongo, kanda nulekumuka.

Shimbi 20:3 Iomraidhean Croise

2 Sango Ja Mianangana 32:8

Iye kali ni kwoko lia musunya, alioze yetu tuli ni Yehova Zambi yetu kutukwasa ni kutwashila jita. Ni e atu ajikijilile ha maliji a Hezekia mwanangana wa Yunda.

Jobe 23:16

Zambi halezumwisa mbunge yami; Mukwa-Ndundo-Jeswe hangukolesa mwongo.

Miaso (Masamu) 3:6

Chishi kwivwa woma wa tununu twa atu aze akunguseleka.

Kutuhuka 14:13

Mba Mose yamba kuli e atu ngwenyi, Kanda nwivwa woma, manenu, numone ulamwino wa Yehova, manulingilawo musono. Mumu A-Engitu nwamona musono, kunuchi kwiza kwamona nawa nilimwe tangwa.

Izaya 28:16

Kashika Mwene Yehova kanambe ngwenyi, Talenu, ngunase yimwe fundamentu mu Zaione, liwe, liwe lia kweseka, liwe lilemu lia ha mbango, fundamentu ya ngú. Mweswe mafuliela kechi kalipupula.

Izaya 7:4

Amba kuli iye ngwe, Panjika uhwime, kanda wivwa woma, ni mbunge ye kanda yilezumuka mumu ha yimbunji yino yiali ya kufwinda, chipwe ha utenu usasu wa Rezine ni Seria, ni mwe mwana Remalia.

Kwalula 14:9

Chuma chimuwika, kanda nukolema Yehova, chipwe kanda nuvwila woma atu atwama mu chifuchi, o kanapu kulia chetu; chize malikwasa nacho hichaachina. Yehova hwali hamwe ni yetu. Kanda nwavwila woma.

Mateu 10:16

Nyingikenu, ngunanutumu ngwe mapanga hakachi ka tungunga: kanyamenu kashika ngwe tupela, alioze pwenu akwa kusamba ngwe tutele.

Mateu 10:28

Kanda nukavwila woma waze akushiha mujimba, hindu kahashile kushiha alma: alioze Shinaho muvwilenu woma yoze mahasa kwonwona ni alma ni mujimba mu Ngehena.

Mateu 10:31

Kanda nukevwa woma kashika: yenu kunwahiana tulujila tunji.

Mateu 8:26

Neye yamba kuli ayo ngwenyi, Kuchi te nunevu woma, yenu akwa Ufulielo ukepe? Hohene wakatukile, Wámbilile fuji ni meya, mba kwaholele kúlú.

Marku 16:18

O kumakanda tupela, nyi kachi manwa chuma chimwe cha kufwa, kuchichi kaalemeka nichimwe; kumakasayika moko jo hali mieji, o kumakahinduka.

Marku 16:6

Iye yamba kuli ayo ngwenyi, Kanda nukomoka: nunafupu Yesu, Ka-Nazare, yoze anakamuhachila ha kulusu: hahinduka; amuno keshimo: talenu, homa haze anakamusa!

Yilinga 27:24

ngwenyi, Paulu, kanda wivwa woma; Chakutamba kumana kumeso ja Sesare, ni chikwo nawa, Zambi hanakwehe waze eswe akwenda mu ulungu hamwe ni yena.

Shimbi 1:21

Kutala! Yehova Zambi yenu kanase kumeso jenu che chifuchi, nukanduke, nuchizuke ngwe Yehova Zambi ya tulamba twenu ambile kuli yenu. Kanda nwivwa woma, chipwe mwongo, ka.

Shimbi 20:1

Muze munutuhuka mukwasa jita ni akwa kole jenu, ha kumona tuvwalu, ni matemba, ni atu amwe ananuhiana ha kwoka, kanda nwavwila woma; mumu Yehova Zambi yenu kwali hamwe ni yenu, iye wanuchijile mu chifuchi cha Engitu.

Shimbi 20:2

Ha kuheta ku jita, sasendote akakundame, akahanjike ni atu,

1 Tesalonika 5:15

Kanyamenu niumwe kanda afwetesa kuli mukwo yipi ha yipi; alioze kaulenu yipema matangwa eswe, umwe kuli mukwo, ni kuli eswe.

1 Timoteu 6:12

Litachike kulitachika chipema cha Ufulielo, kwata ku mwono wa mutolo, uze akutambikilile, ni yena watayijile kutayiza chipema kumeso ja yela anji.

Hebreu 13:6

Chocho ni kuhamuka tunambe ngwetu, Mwene iye chikwashi chami; chichi kevwa woma. Atu yika mangulinga?

Yoshua 23:10

Umuwika hakachi kenu kakuhuma kanunu se Yehova Zambi yenu kakunwashila jita ngwe halakenya ni yenu.

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.

1 Samuel 17:32

David yamba kuli Saulu ngwenyi, Niumwe kanda alezumuka mu mbunge mumu hali yono. Yami kavumbi kenu munguya nikwasa jita ni yono Ka-Filistea.