Shimbi 20:16 - MUKANDA USANDU WA ZAMBI 1975

¹⁶ Ahoze membo a atu ano Yehova Zambi yenu ananweho apwe chihinga, kanda nukafunga niumwe wa mwono wakuhwima mwiku,

Mukanda Wa Zambi 1970

¹⁶ “Alioze muze munukakumba akwa membo mu chifuchi chize Mwene Zambi makanwaha, nukashiha atu eswe.

Shimbi 20:16 Iomraidhean Croise

Kwalula 21:35

Chocho o yamushiha, ni ana jenyi a malunga, ni atu jenyi eswe; kukwasalile kuli iye niumwe. O yatambula chifuchi chenyi.

Kwalula 31:17

Kashika, haliapwila, shihenu malunga eswe hakachi ka ana akepe, shihenu mapwo eswe hapomba ni malunga.

Kwalula 33:52

henaho nukahume kumeso jenu atu eswe atwama mu chifuchi, nukonwone mawe jo a kutota, nukonwone tuponya two twa kuzuzulula, nukapuzule manangamo jo eswe.

Shimbi 20:15

Chocho nukalinge ku membo eswe ali kusuku chikolo ni yenu, hi membo ko a mavungu ano.

Shimbi 20:17

ahoze nukaakuwise liakulu, ni A-Hete, ni A-Amore, ni A-Kanana, ni A-Perize, ni A-Hevwe, ni A-Yepushe, ngwe anwambile Yehova Zambi yenu;

Shimbi 24:4

lunga lienyi mutangu, wamukatwishile, kanda akamumbata cheka nawa kupwa mukwo-pwo muze te halichisa, mumu acho chizelwokeso kumeso ja Yehova. Kanda nuvulumwisa chifuchi chize Yehova Zambi yenu ananwehecho chikapwe chihinga.

Shimbi 31:5

Yehova makaakunjika kumeso jenu, munukalinga kuli ayo nikulita ni liji lieswe lia shimbi hingunanwambelio.

Shimbi 4:21

Chikwo nawa, Yehova yatenuka ni yami mumu hali yenu, yalishinga ngwenyi, Kuchi kuzauka Yordau hanji kunjila mu chifuchi chize chipema, Yehova Zambi yenu ananwehecho, chikapwe chihinga.

Shimbi 7:16

Munukamanuna mavungu eswe Yehova Zambi yenu makakunjika kuli yenu, meso jenu kanda akaavwila keke. Kanda nukavumbika tuzambi two, mumu acho muchipwa kambwila kuli yenu.

Yoshua 10:20

Muze Yoshua ni malunga a A-Izalele hanamane kwashiha ni kwonwona chinene ndo hajimuka, mba waze asalile hanjila mu yihunda ya yipanga,

Yoshua 10:28

Tangwa lioliene Yoshua yatambula chihunda cha Makeda nikulamba atu jako ni mwanangana wako ni katana. Yanongesa liakulu atu jamo eswe, niumwe wasala wakuhi. Kuli mwanangana wa Makeda yalinga chizechene ngwe halinga ni mwanangana wa Yeriku.

Yoshua 10:40

Chocho Yoshua yakumba chifuchi cheswe, ku milundu, ni ku Negeve, ni ku yana, ni ku mindundena, ni mianangana jako eswe. Niumwe wasala wakuhi, alioze wanongesene eswe akwa mwiku wa mwono, chizechene ngwe Yehova Zambi ya Izalele hamutuma.

Yoshua 11:14

Upite weswe wa yihunda yize hamwe ni yimuna A-Izalele yatambula yikapwe niyo. Alioze e atu aashihile eswe ni katana ndo haanongesa. Kukwasalile niumwe ni mwiku wa mwono.

Yoshua 6:24

Ochele chihunda ni kahia ni yuma yeswe yapwilemo. Prata wika ni oru, ni yikwachilo ya unengu ni ya utale asele mu milambu ya zuwo lia Yehova.

Yoshua 8:25

Waze afwile tangwa lize, malunga ni mapwo apwile kumi lia tununu ni tununu aali, akwa Ayi eswe.

Yoshua 8:8

Muze hinwatambula chihunda munuchocha ni kahia chizechene ngwe Yehova hanwamba. Hinanutuma.

Yoshua 9:24

O yakumbulula kuli Yoshua ngwo, Mumu atwambulwilile yetu ngamba jenu ni umwenemwene ngwo, Yehova Zambi yo hatuma kavumbi kenyi Mose akaahe chifuchi cheswe, akanongese akwa chifuchi eswe kumeso jo. Kashika mumu hali yenu tunakalinga chuma chino mumu ha woma wunji twevwile ha mwono wetu.

Yoshua 9:27

Alioze tangwa lienalio Yoshua waapwishile akwa kuchá kunyi ni akwa kutaha meya ha chikungulwila ni ha chilumbilo cha Yehova, akachilinge ndo musono kuma kuze maatongwela.

Yoshua 9:7

Alioze malunga a Izalele yamba kuli A-Hevwe ngwo, Hanji nwatunga he hakachi ketu, nyi chocho kuchi mutukolesa usendo ni yenu?

1 Samuel 15:3

Kashika yako haliapwila ukalambe Amaleke ukonwone yize yeswe ali nayo. Kanda uavwila keke alioze shiha malunga, ni mapwo, ni twanuke ni akwa kwamwa, ni ngombe, ni mapanga, ni tumelu, ni yimbulu.