Shimbi 20:11 - MUKANDA USANDU WA ZAMBI 1975

¹¹ Nyi manukumbulula ni sambukila nikunwazulwila, mba atu eswe alimo akapwe ngamba jenu akanuvumbike.

Mukanda Wa Zambi 1970

¹¹ Nyi maazulula yajilo ni kunulweza sambukila, ayo eswe maabwa ndungo jenu akunulimina minda.

Shimbi 20:11 Iomraidhean Croise

1 Yitanga Ya Mianangana 5:1

Hirame mwanangana wa Teru yatuma tunganda twenyi kuli Solomone; se hevwa chize hanamuwayisa ni maji akapwe mwanangana kusalakana tato. Mumu Hirame te sepa lia David matangwa eswe.

1 MIANANGANA 6:22

Aye yakumbulula ngwenyi, Kuchi kwalamba. Te mulamba waze wakwata ufunge ni katana ke ni uta we nyi? Ahenu kulia ni meya akalie, akanwe, akaye kuli mwata wo.

Miaso (Masamu) 120:7

Yami nakuzanga sambukila, alioze muze munguhanjika, o akuzanga jita.

Luka 19:14

Alioze enya chifuchi chenyi amuvwilile kole, atumine tunganda kunyima yenyi, ngwo, Kutusolo yono kutuyula.

Shimbi 20:10

Ha kukundama ku limbo limwe mukwasa jita nalio, nukalilweze sambukila.

Shimbi 20:12

Ahoze nyi kasolo kuwana ni yenu, ahoze mazanga kwasa jita ni yenu, nwaseleke.

Yoshua 16:10

Hindu kahumine A-Kanana waze atwama mu Ngezere. Chocho A-Kanana hanatwama hakachi ka A-Eframe ndo musono, alioze hapwa ndungo ja kulinga ungamba.

Yoshua 9:27

Alioze tangwa lienalio Yoshua waapwishile akwa kuchá kunyi ni akwa kutaha meya ha chikungulwila ni ha chilumbilo cha Yehova, akachilinge ndo musono kuma kuze maatongwela.

Yoshua 9:8

O yamba kuli Yoshua ngwo, Tuli ngamba jenu. Yoshua yamba kuli ayo ngwenyi, Yenu aya? Kulihi nunakatuka?

Yoshua 9:9

O yamukumbulula ngwo, Etu ngamba jenu ku chifuchi chisuku chikolo tunakatuka, mumu ha jina lia Yehova Zambi yenu. Mumu hitwevwa lufuma wenyi ni yuma yize yeswe alingile mu Engitu.

Akwa Kuyula 1:28

Muze A-Izalele hapwa ni tachi alingishile A-Kanana ungamba alioze kaahumine liakulu.