Shimbi 20:1 - MUKANDA USANDU WA ZAMBI 1975

¹ Muze munutuhuka mukwasa jita ni akwa kole jenu, ha kumona tuvwalu, ni matemba, ni atu amwe ananuhiana ha kwoka, kanda nwavwila woma; mumu Yehova Zambi yenu kwali hamwe ni yenu, iye wanuchijile mu chifuchi cha Engitu.

Mukanda Wa Zambi 1970

¹ “Muze munukatuhuka ha kuya ni kwasa jita ni akwa kole jenu, muze munukamona matemba ni tuvwalu ni tujita anji kuhiana yenu, kanda nwevwila woma. Mumu Mwene Zambi, Zambi yenu, yoze wanutuhwishile mu chifuchi cha Egiptu makabwa hamwe ni yenu.

Shimbi 20:1 Iomraidhean Croise

Ubutukilo 26:3

Twama njize mu chifuchi chino mba mungupwa hamwe ni yena, mungukuwahisa. Mumu munguhana yifuchi yino yeswe kuli yena ni munyachi we. Mungukolesa shingo lize nalishingile nalio kuli tatenu Apalahama.

2 Sango Ja Mianangana 14:10

Asa yatuhuka kutakana nenyi, mba yalulika jita mu chana cha Zefata ku Maresa.

2 Sango Ja Mianangana 14:11

Asa yalemba kuli Yehova Zambi yenyi ngwenyi, Yehova, kukushi chikwashi shina yena hakachi ka mukwa ndundo ni yoze keshi tachi. Tukwase kama, Yehova Zambi yetu, mumu hali yena tunajikijila ni mu jina lie hitwatuhuka kulimika ni mbunga yino. Yehova, uli Zambi yetu, kanda utayiza atu kukukumba.

2 Sango Ja Mianangana 20:12

Zambi yetu! Kuchi kwapatwila? Mumu yetu kutushi ndundo ja kulitachika ni mbunga yino yinene yineza kulimika ni yetu. Kutwanyingikine chize mutulinga, alioze meso jetu anatale kuli yena.

2 Sango Ja Mianangana 20:15

Iye yamba ngwenyi, Panjikenu A-Yunda eswe, ni yenu A-Yerusaleme, ni yena mwanangana Yehosofate. Yehova kanambe kuli yenu ngwenyi, Kanda nwivwa woma, kanda nulishimwoka mumu ha chihuji chino chinene, mumu jita yino ya Zambi, hi ya yenu ko.

Miaso (Masamu) 118:6

Yehova kwali ku sali lia yami, chichi kwivwa woma. Atu yika mangulinga?

Miaso (Masamu) 20:7

Amwe kakufuliela matemba, amwe tuvwalu, alioze yetu mutuvulwoka jina lia Yehova Zambi yetu.

Miaso (Masamu) 23:4

Ewa, chipwe mungwenda ndusu mu chikulo cha Chizulie cha kufwa, chichi kwivwa woma wa chipi nichimwe; mumu yena uli hamwe ni yami; mulumbu we ni lukanda we muyingulembejeka.

Miaso (Masamu) 46:11

Yehova-wa-Tujita kwali hamwe ni yetu; Zambi ya Yakomba iye uchinyino wetu.(Litulike.) Kuli Njimba mukwa lutwe. Samu lia ana a Kora.

Miaso (Masamu) 46:7

Yehova-wa-Tujita kwali hamwe ni yetu; Zambi ya Yakomba iye uchinyino wetu.(Litulike.)

Miaso (Masamu) 46:8

Tweyenu nutale yitanga ya Yehova, kupupa chipwa haha halinga hano hashi.

Kutuhuka 20:2

Nakuchijile ku chifuchi cha Engitu, ku zuwo lia upinji, Yami Yehova Zambi ye.

Izaya 31:1

Lamba kuli waze akupalumuka ku Engitu kufupa yikwashi. Waze akujikijila hali tuvwalu, kakufuliela matemba-a-jita mumu ha kupwa anji, kakufuliela akwa tuvwalu ha kupwa ni tachi jinji. Alioze katalile kuli mwe Musandu wa Izalele; kahulile Yehova.

Izaya 41:10

ngwami, Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.

Izaya 43:2

Ha kupalika mu meya mungukapwa hamwe ni yena, ndusu mu njiji, kujichi kakukumba. Ha kwenda mu kahia kuchi kawema; mulengi wako kuuchi kakulalisa.

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Jeremia 16:14

Kashika Yehova kanambe ngwenyi, Matangwa kaneza muze kechi kwamba ngwo, Ni mwono wa Yehova yoze wachijile atu a Izalele ku chifuchi cha Engitu,

Zakaria 10:5

Hamuwika makapwa ngwe yitakame mu jita, nikuliachila akwa kulinwa no mu malowa a ha matapalo. Makasa jita mumu Yehova hwali hamwe no, mba makakomwesa akwa kwenda hali tuvwalu.

Kwalula 10:9

Mu chifuchi chenu muze munwasa jita ni mukwa kole wa kunumwesa lamba, nukembe yitavwi ya kutoweza, mba makanwiwuluka kumeso ja Yehova Zambi yenu. Makanulamwina kuli akwa kole jenu.

Kwalula 23:21

Kamwene uhenge muli Yakomba, chipwe kumona uhuka mu Izalele, kaumweneko. Yehova Zambi yenyi hamuwika nenyi ali. Mutambi wa mwanangana uli hakachi ko.

A-ROMA 8:31

Kuchi mutwamba ku yino yuma? Ngwetu, Kachi Zambi mapwa hamwe ni yetu, iya malimika ni yetu?

Shimbi 1:29

Henaho yingwamba kuli yenu ngwami, Kanda nupwa ni mwongo, chipwe kwavwila woma, ka.

Shimbi 2:7

Mumu te Yehova Zambi yenu hananuwahisa ni milimo yeswe ya moko jenu, iye kananyingika kwendangana chenu mu puya yino yinene. Makumi aze awana a miaka Yehova wapwile hamwe ni yenu, kunwahonene nichimwe.

Shimbi 20:2

Ha kuheta ku jita, sasendote akakundame, akahanjike ni atu,

Shimbi 20:3

ambe kuli ayo, ngwenyi, Enu A-Izalele, ivwenu, musono nunakundama mukwasa jita ni akwa kole jenu, mbunge jenu kanda jilezumuka, chipwe kwivwa woma ka, chipwe kanda nuchikima, chipwe kanda nususuka mumu hali ayo;

Shimbi 31:6

Takamenu, hamukenu, kanda nwivwa woma, kanda nususamiana mumu hali ayo, mumu Yehova Zambi yenu iye kanayi hamwe ni yenu; kechi kanuhichika, chipwe kunwehuka, ka.

Shimbi 31:8

Yehova, iye kanayi kumeso je, kumakapwa hamwe ni yena; kechi kakuhichika, chipwe kukwehuka, ka; kanda wivwa woma, chipwe mwongo, ka.

Shimbi 7:1

Muze Yehova Zambi yenu manuhetesa mu chifuchi nunayi kuchizuka, ha kahuma mavungu anji kumeso jenu, A-Hete, ni A-Ngikashe, ni A-Amore, ni A-Kanana, ni A-Perize, ni A-Hevwe, ni A-Yepushe, mavungu shimbiali ananuhiana ni unene, ni ndundo,

Shimbi 7:18

Kanda nukaavwila woma. Iwulukenu kanawa yize alingile Yehova Zambi yenu kuli Falau, ni kuli A-Engitu eswe,

Shimbi 7:21

Kanda nususamiana mumu hali ayo, mumu Yehova Zambi yenu hwali hakachi kenu, Zambi munene, kole ni mwongo.

Shimbi 9:3

Kashika, nyingikenu musono ngwami, Yehova Zambi yenu, iye kanazauka kumeso jenu ngwe kahia ka kulesa, iye kumakaakuwisa, kumakaakumba kumeso jenu, chocho munukaahuma, nikwakuwisa washi, ngwe ambile Yehova kuli yenu.

Yoshua 1:5

Niumwe mahasa kulimika ni yena matangwa eswe a mwono we. Chizechene ngwe napwile ni Mose chocho mungupwa ni yena. Chichi kukuhichika hanji kukwehuka.

Yoshua 1:9

Te chakutumine nyi? Takama; hamuka; kanda wivwa woma hanji mwongo, mumu Yehova Zambi ye hwali hamwe ni yena kweswako muoya.

Yoshua 11:9

Yoshua yaalinga chize Yehova yamutuma. Yateta mijipa ya tuvwalu, yocha matemba ni kahia.

Akwa Kuyula 6:12

Mungelo wa Yehova yasoloka, yamba kuli iye ngwenyi, Yehova kwali hamwe ni yena, Uli lunga wa tachi ni hamu.

Akwa Kuyula 6:16

Yehova yamba kuli iye ngwenyi, Alioze yami mungukapwa hamwe ni yena mba mukalamba A-Mindiane ngwe mutu umuwika.

1 Samuel 17:32

David yamba kuli Saulu ngwenyi, Niumwe kanda alezumuka mu mbunge mumu hali yono. Yami kavumbi kenu munguya nikwasa jita ni yono Ka-Filistea.