Shimbi 2:7 - MUKANDA USANDU WA ZAMBI 1975

⁷ Mumu te Yehova Zambi yenu hananuwahisa ni milimo yeswe ya moko jenu, iye kananyingika kwendangana chenu mu puya yino yinene. Makumi aze awana a miaka Yehova wapwile hamwe ni yenu, kunwahonene nichimwe.

Mukanda Wa Zambi 1970

⁷ “Iwulukenu ngwe chize Mwene Zambi hananuwahisa mu milimo yeswe ya moko jenu. Hananufungu mu kwendangana chenu ndusu mu puya yino yinene. Hanabu hamwe ni yenu ha miaka yino yeswe makumi awana, kunwahonene nichimwe.

Shimbi 2:7 Iomraidhean Croise

Ubutukilo 12:2

Mba ku-mungukakupwisa vungu linene. Mungukuwahisa, mungufumanyisa jina lie, kumuopwa mukwa kuwahisa.

Ubutukilo 24:35

Yehova iye hanawahisa mwata wami chikolo, hapwa munene. Hanamwehe matanga a mapanga ni a ngombe, ni prata, ni oru, ni ndungo ja malunga, ni ja mapwo, ni tumelu ni yimbulu.

Ubutukilo 26:12

Izake yalima mu chifuchi chize, yacha mwaka uze wene ha chimuwika kulakaji, ha chimuwika kulakaji. Yehova yamuwahisa,

Ubutukilo 30:27

Lapane yamba ngwenyi, Nyi hinawana vumbi ku meso je, twama. Mumu hinamona ngwami, Yehova kakunguwahisa ha mukunda wa yena.

Ubutukilo 39:3

Kakó yamona ngwenyi, Yehova kwali hamwe ni yono. Cheswacho analingi Yehova kakuchiwahisa mu kwoko lienyi.

Ubutukilo 39:5

Kumanyi chize ku tangwa lize amupwishile kaselo nikumukunjika upite wenyi weswe Yehova wawahishile zuwo lia Ka-Engitu mumu ha mukunda wa José. Yehova wawahishile upite wenyi weswe ni mu zuwo ni yambu.

Nehemia 9:21

Ewa, makumi awana a miaka waahokele mu puya; kahonene nichimwe. Mazalo jo kafwile; ni molu jo kajimbile.

Jobe 23:10

Hindu kananyingika jila yize ngunendela; mba muze hangweseka mungutuhuka ngwe oru.

Miaso (Masamu) 1:6

Mumu Yehova kananyingika jila ya mukwa ululi, alioze jila ya chingulungulu muyikatoka.

Miaso (Masamu) 107:4

Endanganyine mu puya mu jila ya makango. Kawanyine chihunda cha kutwamamo.

Miaso (Masamu) 31:7

Munguwahilila ni chiseke mu utu wa zango lie, mumu hi wamona luyinda wami; hiwanyingika lamba lia mbunge yami.

Miaso (Masamu) 90:17

Upeme wa Yehova Zambi yetu ukapwe hali yetu, ukolese milimo ya moko jetu hali yetu. Ewa, milimo ya moko jetu uyikolese.

Kutuhuka 16:35

Ha makumi awana a miaka A-Izalele alile maná ndo ahetele ku chifuchi kuze kwatwama atu, o alile maná ndo ahetele ku njiza ja chifuchi cha Kanana.

Jeremia 2:2

Yako ukambe mu matwi ja A-Yerusaleme ngwe, Yehova kanambe ngwenyi, Ngunewuluka kulalaminya cha ukweze we ni zango lie lia ndungi, chize wangukawile mu puya mu chifuchi chize kakuwilemo mbuto.

Hosea 13:5

Yami nanunyingikine mu puya, mu chifuchi cha pwila.

Amose 2:10

Chikwo nawa nanuchijile mu chifuchi cha Engitu nikungongwela mu puya makumi awana a miaka hanga nukatunge chifuchi cha A-Amore.

Kwalula 1:1

Ha tangwa litangu lia kakweji wamuchiali wa mwaka wamuchiali, muze te o hakatuka ku chifuchi cha Engitu, Yehova yamba kuli Mose mu puya ya Sinai, mu mbalaka ya chikungulwila, ngwenyi,

Kwalula 14:33

Ana jenu makendangana mu puya makumi awana a miaka, makamona lamba mumu ha ukoi wenu, ndo mijimba yenu ya kufwa mayimanuna mu puya.

Kwalula 14:34

Nikulita ni kwalula cha matangwa nwasembwile chifuchi, te makumi awana, ha tangwa mwaka, ha tangwa mwaka, munukambata uhenge wenu, makumi awana a miaka. Munukanyingika kulimuna chami.

Kwalula 22:12

Zambi yamba kuli Mbalau ngwenyi, Kuchi kuya no. Kuchi kushinga e atu, mumu hanaawahisa.

Kwalula 32:13

Utenu wa Yehova yiukasumukina A-Izalele, yaendanganyisa mu puya makumi awana a miaka, ndo chisemuko chize chalingile chipi kumeso ja Yehova chakuwile.

Luka 22:35

Iye wambile kuli ayo ngwenyi, Muze nanutumine kunushi chikwama, chipwe chipakumuna, chipwe haku, nwahonene chuma chimwe, nyi? O ambile ngwo, Nichimwe.

Yoano 10:27

Mapanga jami kakwivwavwa liji liami, yami ngunaanyingika, no kakungukaula:

Shimbi 1:19

Yitukatuka ku Horepe, yitupalika ndusu puya yeswe yinene yakola woma, yenu nwayimwene, mu jila ya kuya ku chifuchi cha A-Amore ku milundu ngwe atwambile Yehova Zambi yetu. Yituheta ku Kandeshe-Mbania.

Shimbi 1:46

Chocho yinutwama matangwa anji ku Kandeshe, nikulita ni matangwa nwatwamineko.

Shimbi 2:14

Katuke ku Kandeshe-Mbania ndo twazaukile chitwetwe cha Zerede kwapwile makumi atatu a miaka ni miaka nake, ndo chisemuko cheswe cha tujita chakuwile ku chilombo, ngwe Yehova alishingile kuli ayo.

Shimbi 2:6

Munulanda kulia kuli ayo ni mbongo, nulie. Munulanda nawa meya kuli ayo, nunwe.

Shimbi 29:4

Alioze Yehova kanuhele mbunge ya kunyingika, ni meso a kumona, ni matwi a kwivwa, ndo ku tangwa lino.

Shimbi 29:5

Nanutwalile mu puya makumi awana a miaka; mazalo jenu kafwileko ha mijimba yenu, haku jenu kujafwile ha molu jenu.

Yoshua 5:6

Mumu A-Izalele endele makumi awana a miaka mu puya ndo lie vungu lieswe, e matanga eswe a jita afwile, waze akatukile ku Engitu, mumu kapanjikile ku liji lia Yehova. Kuli ayo Yehova walishingile ngwenyi, Kunuchi kumona chifuchi chize Yehova walishingile kuli tulamba twenu kuhana kuli yenu, chifuchi kuze kunokela yamwa ni wuchi.