Shimbi 2:34 - MUKANDA USANDU WA ZAMBI 1975

³⁴ Yitulwa membo jenyi eswe ha mwaka uze. Yitwonwona liakulu membo eswe, ni malunga, ni mapwo, ni ana akepe. Kutwalajhichikile niumwe, chipwe umuwika, ka.

Mukanda Wa Zambi 1970

³⁴ Ha shimbu lizeliene yitutambula chifuchi, yitwonona membo eswe, yitushiha atu eswe, malunga ni mapwo ni ana. Kutwahichikile ko niumwe ni mwono.

Shimbi 2:34 Iomraidhean Croise

Shimbi 3:6

Yetu yitwaonwona liakulu, ngwe twalingile ni Sahone mwanangana wa Heshebone, yitwonwona liakulu membo eswe, ni malunga, ni mapwo, ni ana akepe.

Shimbi 7:2

ha kwakunjika kumeso jenu kuli Yehova Zambi yenu munukaalamba, nukaakuwise liakulu, kanda nukakolesa no usendo niumwe, chipwe kanda nwavwila keke,

Shimbi 7:26

Kanda nunjisa mu mazuwo jenu chizelwokeso chimwe, kuchina munulifwa nacho mba munupwa ajila; nukachichine, nukachivwile lwaji lume; mumu kuchapwa chuma chajila.

Yoshua 10:28

Tangwa lioliene Yoshua yatambula chihunda cha Makeda nikulamba atu jako ni mwanangana wako ni katana. Yanongesa liakulu atu jamo eswe, niumwe wasala wakuhi. Kuli mwanangana wa Makeda yalinga chizechene ngwe halinga ni mwanangana wa Yeriku.

Yoshua 10:40

Chocho Yoshua yakumba chifuchi cheswe, ku milundu, ni ku Negeve, ni ku yana, ni ku mindundena, ni mianangana jako eswe. Niumwe wasala wakuhi, alioze wanongesene eswe akwa mwiku wa mwono, chizechene ngwe Yehova Zambi ya Izalele hamutuma.

Yoshua 11:14

Upite weswe wa yihunda yize hamwe ni yimuna A-Izalele yatambula yikapwe niyo. Alioze e atu aashihile eswe ni katana ndo haanongesa. Kukwasalile niumwe ni mwiku wa mwono.

Yoshua 6:21

Aho onwene liakulu waze eswe apwile mu chihunda, ni malunga ni mapwo, twanuke ni makulwana, ni ngombe, ni mapanga, ni yimbulu, eswe ni katana.

Yoshua 7:11

A-Izalele hanavulumuna. Hanatangula usendo wami uze naatumine. Hanande yimwe ya yuma yajila. Haneyi, hahanjika mahuza, hayisweka hakachi ka yuma yo.

Yoshua 9:24

O yakumbulula kuli Yoshua ngwo, Mumu atwambulwilile yetu ngamba jenu ni umwenemwene ngwo, Yehova Zambi yo hatuma kavumbi kenyi Mose akaahe chifuchi cheswe, akanongese akwa chifuchi eswe kumeso jo. Kashika mumu hali yenu tunakalinga chuma chino mumu ha woma wunji twevwile ha mwono wetu.

1 Samuel 15:3

Kashika yako haliapwila ukalambe Amaleke ukonwone yize yeswe ali nayo. Kanda uavwila keke alioze shiha malunga, ni mapwo, ni twanuke ni akwa kwamwa, ni ngombe, ni mapanga, ni tumelu, ni yimbulu.