Shimbi 2:32 - MUKANDA USANDU WA ZAMBI 1975

³² Henaho kwejile mwe Sahone hamwe ni atu jenyi eswe mukwasa jita ni yetu ku Yahaze.

Mukanda Wa Zambi 1970

³² Hohene Sihone yatuhuka hamwe ni atu jenyi eswe, ha kwasa jita ni yetu hehi ni chihunda cha Jahaze.

Shimbi 2:32 Iomraidhean Croise

Nehemia 9:22

Chikwo nawa waahele yifuchi ni mavungu yize waapangilile nikulita ni yihanda yo. Chocho azukile chifuchi cha Sahone, chifuchi cha mwanangana wa Heshebone, ni chifuchi cha Oge mwanangana wa Mbashane.

Miaso (Masamu) 120:7

Yami nakuzanga sambukila, alioze muze munguhanjika, o akuzanga jita.

Miaso (Masamu) 135:11

Sahone mwanangana wa A-Amore, ni Oge mwanangana wa Mbashane, ni yifuchi yeswe ya mianangana a Kanana.

Miaso (Masamu) 136:19

Sahone mwanangana wa A-Amore; mumu utu wa zango lienyi wa mutolo.

Shimbi 2:31

Yehova yamba kuli yami ngwenyi, Kutala! Hinaputuka kukunjika kuli yenu Sahone ni chifuchi chenyi. Putukenu kutungamo hanga chifuchi chenyi chikapwe cha yenu.

Shimbi 2:33

Yehova Zambi yetu yamukunjika kumeso jetu, yitumulamba ni ana jenyi a malunga ni atu jenyi eswo

Shimbi 3:1

Henaho yitulikonda, yitukanduka ku jila yinayi ku Mbashane. Oge, mwanangana wa Mbashane, yatuhuka ni kulimika ni yetu, iye ni atu jenyi eswe, mukwasa jita ku Endreya.

Yoshua 12:1

Mianangana a chifuchi, waze A-Izalele akumbile nikuzuka chifuchi cho sali lize lia Yordau ku Chivumbuko, chize ku chikulo cha Arnone ndo ku mulundu wa Hermone, hamuwika ni Arapa kweswe ku Chivumbuko, majino jo wano;