Shimbi 2:23 - MUKANDA USANDU WA ZAMBI 1975

²³ A-Avimi atwamine mu yihunda ndo ku Ngeza, A-Kafetore yatuhuka ku Kafetore, yaakuwisa ni kwasalakana mu chifuchi cho.)

Mukanda Wa Zambi 1970

²³ Ku mbumbulu ya kalunga lwiji Mediterane te kwatwama atu waze akatukile ku hongo lia Krete. Ayo yoonona Aavime, waze te atwama ko hatangu, yaatambula chifuchi cho cheswe ku sali lia sude ndoo ku limbo lia Gaza.)

Shimbi 2:23 Iomraidhean Croise

Ubutukilo 10:14

Ni Perushimi, ni Kaluhime, (kwenako kwakatukile A-Filistea) ni Kafetore.

Ubutukilo 10:19

Njiza ya A-Kanana yachiza ku Sendone mu jila ya kutalikisa ku Ngerare, ndo ku Ngeza, mu jila ya kutalikisa ku Sondome ni Ngomora, ni Andama ni Zepoime ndo ku Lasha.

1 Yitanga Ya Mianangana 4:24

Mumu te kali ni chiyulo cha chifuchi cheswe sali lino lia mwe Lwiji chize ku Tifesahe ndo ku Ngeza, helu lia mianangana eswe sali lino lia mwe Lwiji. Kwapwile kuhwima kweswe kwa kumujingilika.

1 MIANANGANA 18:8

Walambile A-Filistea ndo ku Ngeza ni njiza jako, chize ku kaposhi ka tulayi ndo ku limbo lia chipanga-cha-mawe.

1 Sango Ja Mianangana 1:12

ni Perushimi, ni Kaluhime, (kwenako kwakatukile A-Filistea) ni Kafetore.

Jeremia 25:20

Ni yilambala waze eswe ali hakachi ko. Ni mianangana eswe a chifuchi cha Uze, ni mianangana eswe a mu chifuchi cha A-Filistea (Asekalone, ni Ngeza, ni Ekrone, ni waze asala ja Ashedode)

Jeremia 47:4

mumu ha tangwa lize lineza lia kwonwona A-Filistea eswe, kuteta ku Teru ni Sendone yikwashi waze eswe asala. Mumu Yehova kanonwona A-Filistea, ni e masalila a ku mbaka ya Kafetore.

Amose 9:7

Yehova kanambe ngwenyi, Enu A-Izalele kunwapwile ngwe A-Etiopia kuli yami? Te chachijile A-Izalele ku chifuchi cha Engitu? Ni A-Filistea ku Kafetore ni A-Seria ku Kiri?

Zefania 2:4

Mumu Ngeza muyipwa ya hululu; ni Asekalone muyalumuka ya kulungunga; akwa Ashedode ma: huma ha tangwa ha muchima; ni Ekrone mayitukula.

Zakaria 9:5

Asekalone makachimona; makevwa woma; ni Ngeza nawa mba makalifwita ni yikola. Ni Ekrone nawa mumu kutalatala chenyi hichafuwa. Mwanangana wa Ngeza makafwa; Asekalone makasala keshi ni atu.

Yilinga 17:26

iye watangile ku manyinga amuwika mavungu eswe a atu mukutwama ha kuzazuluka cheswe cha hashi, se afunjikile miaka yo yize waselele kushi, ni manjiza ja yihela yo:

Yoshua 10:41

Yoshua waakumbile chize ku Kandeshe-Mbania ndo ku Ngeza, ni chifuchi cheswe cha Ngoshone ndo ku Ngibeone.

Yoshua 11:22

Kukwasalile A-Anake niamwe mu chifuchi cheswe cha A-Izalele. Shina mu Ngeza ni mu Ngata, ni mu Ashedode, amwe asalile.

Yoshua 13:3

(Chize ku Shihore ku Chivumbuko cha Engitu ndo ku njiza ya Ekrone ku Norte cheswe, ngwo, cha A-Kanana. Mianangana atano a A-Filistea aliko; au wa Ngeza, au wa Ashedode, au wa Asekalone, au wa Ngate, au wa Ekrone) ni cha A-Avimi.

Yoshua 15:47

Ni Ashedode ni membo jako ni tuyihunda twako, ni Ngeza ni membo jako ni tuyihunda twako, ndo ku lwiji wa Engitu, ni Kalunga-lwiji Munene ni mbaka yenyi.

Akwa Kuyula 1:18

A-Yunda atambwile Ngeza nawa ni chifuchi chacho, ni Asekalone ni chifuchi chacho, ni Ekrone ni chifuchi chacho.