Shimbi 2:14 - MUKANDA USANDU WA ZAMBI 1975

¹⁴ Katuke ku Kandeshe-Mbania ndo twazaukile chitwetwe cha Zerede kwapwile makumi atatu a miaka ni miaka nake, ndo chisemuko cheswe cha tujita chakuwile ku chilombo, ngwe Yehova alishingile kuli ayo.

Mukanda Wa Zambi 1970

¹⁴ Chino chabwile ha mwaka wa makumi atatu ni nake chize haze twakatukile ku Kadeshe Barnea. Te tujita eswe a tachi a Chisemuko chize haafwafwa, ngwe chize Mwene Zambi aliangile kwalweza.

Shimbi 2:14 Iomraidhean Croise

Miaso (Masamu) 106:26

Kashika wazundwile kwoko lienyi hali ayo, akaanungwine mu puya;

Miaso (Masamu) 90:15

Utwehe kuwaha nikulita ni matangwa aze watulambile, nikulita ni miaka yize twamwene yipi.

Miaso (Masamu) 90:3

Wakuhilwisa mutu ku fufuta. Wakwamba ngwe, Hilukenu ana ja atu.

Miaso (Masamu) 90:9

Mumu matangwa jetu eswe hahwa ni ufwatulo we. Twakumanununa miaka yetu ngwe chishima.

Miaso (Masamu) 95:11

Kashika nalishingile mu ufwatulo wami ngwami, Kechi kanjila mu uhwimino wami.

Ezekiel 20:15

Chikwo nawa nalishingile kuli ayo mu puya ngwami, Chichi kanutwala ku chifuchi chize nanuhele, chifuchi chinokela yamwa ni wuchi, chifuchi chahiana yifuchi yeswe ni uhenya,

Kwalula 1:1

Ha tangwa litangu lia kakweji wamuchiali wa mwaka wamuchiali, muze te o hakatuka ku chifuchi cha Engitu, Yehova yamba kuli Mose mu puya ya Sinai, mu mbalaka ya chikungulwila, ngwenyi,

Kwalula 13:26

Yaheta kuli Mose ni kuli Arone ni ku chikungulwila cheswe cha A-Izalele, ku puya ya Parane, ku Kandeshe. Yatwa lusango kuli ayo, ni ku chikungulwila cheswe, yaalweza ye mihuko ya mu chifuchi.

Kwalula 32:11

Chamwenemwene niumwe wa kuli atu akatukile ku Engitu, chize kuli akwa makumi aali a miaka ndo kuli makulwana makamona chifuchi nalakenyene ni shingo kuhana kuli Apalahama ni kuli Izake ni kuli Yakomba, mumu te o kangukawile liakulu,

1 Korintu 10:5

Alioze anji ahiana a kuli ayo Zambi kawahile no: mumu aanungwine mu puya.

Shimbi 1:19

Yitukatuka ku Horepe, yitupalika ndusu puya yeswe yinene yakola woma, yenu nwayimwene, mu jila ya kuya ku chifuchi cha A-Amore ku milundu ngwe atwambile Yehova Zambi yetu. Yituheta ku Kandeshe-Mbania.

Shimbi 1:2

Katuke ku Horepe, kuchapwa wenyi wa kumi lia matangwa ni tangwa limuwika ku jila ya mulundu wa Sere kuheta ku Kandeshe-Mbania.

Shimbi 1:46

Chocho yinutwama matangwa anji ku Kandeshe, nikulita ni matangwa nwatwamineko.

Shimbi 2:13

Katukenu haliapwila, nuzauke chitwetwe cha Zerede. Yituzauka chitwetwe cha Zerede.

Shimbi 2:16

Chocho muze tujita eswe hakuwa, hafwa hakachi ka atu,

Shimbi 2:7

Mumu te Yehova Zambi yenu hananuwahisa ni milimo yeswe ya moko jenu, iye kananyingika kwendangana chenu mu puya yino yinene. Makumi aze awana a miaka Yehova wapwile hamwe ni yenu, kunwahonene nichimwe.

Yoshua 24:7

Muze atetele kuli Yehova iye wasele milima hakachi ka yenu ni A-Engitu, walundumwishine e meya hali ayo nikwafuka. Meso jenu amwene yize nalingile mu Engitu, mba nwatwamine shimbu linene mu puya.

Yoshua 5:4

Waapwishile ngalami mumu ha chikuma chino. Matanga eswe hakachi ka atu aze akatukile ku Engitu, matanga eswe a jita te hanafu mu jila ya mu puya muze te hakatuka kuta ku Engitu.

Yoshua 5:6

Mumu A-Izalele endele makumi awana a miaka mu puya ndo lie vungu lieswe, e matanga eswe a jita afwile, waze akatukile ku Engitu, mumu kapanjikile ku liji lia Yehova. Kuli ayo Yehova walishingile ngwenyi, Kunuchi kumona chifuchi chize Yehova walishingile kuli tulamba twenu kuhana kuli yenu, chifuchi kuze kunokela yamwa ni wuchi.

Yuda 1:5

Achi, ngunazange kunwiwulula, chipwe nunanyingika yuma yeswe kamuwika kunahu, Mwene se walamwinyine amwe atu ku Engitu, kulutwe lia chize wonwene waze kafulielele.