Shimbi 2:11 - MUKANDA USANDU WA ZAMBI 1975

¹¹ Eno nawa anaavuluka ngwo, A-Refane ngwe A-Anake, alioze A-Moape yaavuluka ngwo, A-Emi.

Mukanda Wa Zambi 1970

¹¹ Aemime ni Aanake eswe aali kaakwavuluka ngwo Arefaime. Alioze Amoabe te kaakwavuluka ngwo: Aemime

Shimbi 2:11 Iomraidhean Croise

Ubutukilo 14:5

Ha mwaka kumi ni wamuchiwana wejile Chetoleome, ni mianangana aze apwile hamwe nenyi. Yalamba A-Refane mu Aseterote-Kanaime, ni A-Zuji mu chifuchi cha Hame, ni A-Emi mu chana cha Keriataime.

Ubutukilo 6:4

Kwapwile yindululu hashi ha matangwa aze. Mba kulutwe nawa muze ana a malunga a Zambi anjilile kuli ana ja atu a mapwo, o aasemenene ana. Ana aze apwile akwa ndundo a shakulu; akwa lufuma.

2 Samuel 21:16

Ishebi-Mbenobe umwe mwana wa mwe chindululu, pezu ya kunga lienyi te ya kulakaji atatu a shekele ja unengu, se kali ni katana mwaha mu zalilo, yanyonga ngwenyi, Mungushiha David.

Kwalula 13:22

O yakandukila ku Negeve, yaheta ku Heprone. Kwapwileko A-Ahimane, ni A-Sheshai, ni A-Talamai, eswe A-Anake. (Heprone te liatungiwile miaka shimbiali shimbu kanda achitunga Zoane mu Engitu.)

Kwalula 13:28

Hindu e atu atwama mu chifuchi yitakame, membo jacho akolo, anene chikolo. Chikwo nawa yitumonako A-Anake.

Kwalula 13:33

Momwene twamwene yindululu, A-Anake, ana a yindululu; twalimwene yetwene ngwe mapasu, ni chocho twapwile kumeso jo.

Shimbi 1:28

Tukandukile kulihi nyi? Akwetu hanatushihi mbunge jetu ngwo, Atu jako anene, atolomoka kuhiana yetu. Membo anene, yipanga yo yaheta ku malilu. Chikwo nawa, yitumonako ana ja A-Anake a malunga.

Shimbi 2:20

(Achi nawa anachivuluka ngwo, Chifuchi cha A-Refane, A-Refane atwamineko miaka kunyima, alioze A-Amone anaavuluka ngwo, Zamezumime,

Shimbi 3:11

Mumu Oge Mwanangana wa Mbashane wika ukawenyi wasalile wa ku masalilo ja A-Refane. Kutala! Muhela wenyi wapwile wa utale; uli mu Raba lia kuli A-Amone. Usuhe wawo te mbandu livwa, utohe wawo ngwe mbandu jiwana, nikulita ni cheseko cha mutu.

Shimbi 9:2

atu anene, atolomoka, ana ja Anake, nunaanyingika, ha kutwala kuli ayo, nwevwile ngwo, Iya mahasa kumana kumeso ja ana a Anake?