Shimbi 18:9 - MUKANDA USANDU WA ZAMBI 1975

⁹ Muze munuheta mu chifuchi ananwehecho Yehova Zambi yenu, kanda nulilongesa kwimbulula yizelwokeso ya mavungu.

Mukanda Wa Zambi 1970

⁹ “Muze munuheta mu chifuchi chize Mwene Zambi, Zambi yenu, ananwehe, kanda nwimbulula ndako ja kuzelwokesa ja mavungu waze alimo.

Shimbi 18:9 Iomraidhean Croise

1 MIANANGANA 17:11

Henaho ochelele insensu ha manangamo eswe ngwe mavungu alingile aze Yehova wachijile kumeso jo. Alingile yuma ya ungulungulu akehie Yehova atenuke.

1 MIANANGANA 17:8

henda mu shimbi ja mavungu aze Yehova hahuma kumeso ja A-Izalele. Henda nawa mu shimbi jize mianangana ja Izalele akolesele.

2 Sango Ja Mianangana 28:3

Chikwo nawa wochelele insensu mu chikulo cha mwana Hinome, ni kwocha ana jenyi mu kahia, nikulita ni yizelwokeso ya akwa mavungu waze Yehova wambilile kumeso ja A-Izalele.

2 Sango Ja Mianangana 36:14

Chikwo nawa asasendote akwa lutwe eswe, ni e atu avulumwine chikolo nikulita ni yizelwokeso yeswe ya mavungu. Yachisa zuwo lia Yehova lize iye te hasela ku usandu mu Yerusaleme.

Jeremia 10:2

Yehova kanambe ngwenyi, Kanda nulilongesa ndako ja mavungu. Kanda nwivwa woma ha yilayi ya mwilu mumu mavungu kakuyivwila woma,

Alevi 18:30

Chocho fungenu shimbi yami ngwami, Nilimwe tangwa kanda nulinga ndako ja kuvwisa lwaji alingile waze atetekelele. Nilimwe tangwa kanda nulichisa najo. Yami Yehova Zambi yenu.

Shimbi 20:18

kuchina manulongesa kwimbulula yizelwokeso yo yeswe, o hanayilingi ku tuzambi two, chocho munuvulumuna Yehova Zambi yenu.

Shimbi 9:4

Ha kwahuma kumeso jenu kuli Yehova Zambi yenu, kanda nuhanjika mu mbunge jenu ngwenu, Mumu ha ululi wetu Yehova hanatuhetesamo mukuzuka chifuchi chino, alioze Yehova kanaahumu kumeso jenu mumu ha ungulungulu wa mavungu ano.

Shimbi 9:5

Hi ha ululi wenu ko, ka, hanji ha kululama cha mbunge jenu, nunahetemo, ni kuzuka chifuchi cho; alioze mumu ha ungulungulu wa mavungu ano, Yehova Zambi yenu anaahumu kumeso jenu, hanga akakolese liji lize alishingililelio Yehova kuli tulamba twenu, te kuli Apalahama, ni kuli Izake, ni kuli Yakomba.