Shimbi 18:3 - MUKANDA USANDU WA ZAMBI 1975

³ Atu chatamba kuhana kuli sasendote yuma yino, te ya kuli akwa kulambula yitapo, apwe ngombe, apwe panga, ahane kuli sasendote chilama, ni mbangachi jeswe ni jiali ni lufu.

Mukanda Wa Zambi 1970

³ “Mweswe ngombe hanji panga yoze hinwalambula, mahako chatamba kwaaha chilama, ni mbangachi, ni lufu.

Shimbi 18:3 Iomraidhean Croise

Kutuhuka 29:27

Lie pambo lia mulambu wa kuhungisa ukalisele ku usandu ni chilama cha mulambu wa kuzundula cha kuhungisa, cha kuzundula cha ku kuji ya panga wa kwatumbikila ku uvumbiko te kuli yoze wapwa hali Arone ni kuli yoze wapwa hali ana jenyi a malunga.

Kutuhuka 29:28

Yikapwe ya Arone ni ana jenyi a malunga ya kuli A-Izalele ni chiyulo cha mutolo. Kuwapwa mulambu wa kuzundula. Ukapwe mulambu wa kuzundula wa kuli A-Izalele wa ku milambu yo ya sambukila te milambu yo ya kuzundula kuli Yehova.

Alevi 22:7

Muze tangwa hilianjila makapema. Mba kulutwe makalia yuma yisandu mumu yapwa kulia chenyi.

Kwalula 18:11

Niye yino: mulambu wa kuzundula wa yawana yo, te milambu yeswe ya kuhungisa ya A-Izalele. Hingunakweheyo, ni kuli yena, ni kuli ana je a malunga, ni kuli ana je a mapwo hamwe ni yena, yikapwe chiyulo cha mutolo. Akwa jiko lie eswe anapeme akayilie.

Kwalula 18:12

Maji eswe apema ahiana, ni vinyu yeswe yipema yahiana, ni ya mbuto, ye mihuko yitangu mayilambula kuli Yehova, hingunakweheyo yena.

Shimbi 12:27

nulambule milambu yenu ya kulumba, ni yifwo, ni manyinga ha chilumbilo cha Yehova Zambi yenu. Manyinga a yitapo yenu nukaazujile ku chilumbilo cha Yehova Zambi yenu, nulie ye yifwo.