Shimbi 18:21 - MUKANDA USANDU WA ZAMBI 1975

²¹ Kachi munwamba mu mbunge jenu ngwenu, Kuchi mutunyingika liji kalihanjikile kuli Yehova?

Mukanda Wa Zambi 1970

²¹ “Tangwa likwo munulihula ngwenu: ‘Ngwe kuchi mutunyingika nyi maliji a mukwa munanyi kaali a kuli Mwene Zambi?’

Shimbi 18:21 Iomraidhean Croise

Jeremia 28:9

Mba profeta yoze maprofeteza ngwenyi, Sambukila, muze liji lia profeta yoze mulimanunuka, mba eswe manyingika ngwo, Pundu, Yehova hatuma yono profeta.

Zakaria 2:13

Enu akwa musunya weswe, holenu kúlú kumeso ja Yehova, mumu hakasumuka ku zuwo lienyi lisandu.

Shimbi 18:20

Alioze profeta mweswe mahanjika liji lia kulengumuka mu jina liami, ami chamwambilelio kuhanjika, hanji mahanjika ni jina lia tuzambi tweka, profeta yoze afwe.

Shimbi 18:22

Muze profeta mahanjika ni jina lia Yehova, nyi chuma kuchejile hanji kuchasolokele, che chize Yehova kachihanjikile; mwe profeta hachihanjika cha kulengumuka, kanda manuvwila woma.

1 Tesalonika 5:24

Mukwa kunutambika wamwenemwene, iye kumakachilinga.

Usolwelo 2:2

Ngunanyingika yitanga ye, ni kukilikita che, ni kunyongonona che, kwahashile kutayiza atu api, hiuneseka waze alitayilile kupwa apostolo, ni hi apostolo ko, hiunaawane akwa mahuza;

1 Samuel 3:20

A-Izalele eswe chize ku Ndane ndo ku Mbia-shipa yanyingika ngwo, Hanakolesa Samuel akapwe profeta wa Yehova.