Shimbi 18:16 - MUKANDA USANDU WA ZAMBI 1975

¹⁶ nikulita ni yeswe nwazangile kuli Yehova Zambi yenu mu Horepe, ha tangwa lia chikungulwila ngwenu, Kanda twivwa nawa liji lia Yehova Zambi yetu, chipwe kanda tutala nawa ke kahia kano kanene, kuchina mutufwa.

Mukanda Wa Zambi 1970

¹⁶ “Ha tangwa lize nwakungulukile ku mulundu wa Sinai, nwambile ngwenu: ‘Kanda twivwa nawa liji lia Mwene Zambi yetu, chibwe kutala nawa ku milengi yenyi ya kahia yize yinalekwoka, nyi ka, kumutufwa.’

Shimbi 18:16 Iomraidhean Croise

Kutuhuka 20:18

Mba e atu eswe amwene kukulunguza ni mihenyo ni lie liji lia chitavwi ni mulundu unatuhwisa mwishi. Muze atu achimwene, yachikima, yamana kusuku.

Kutuhuka 20:19

O yamba kuli Mose ngwo, Hanjika yena ni yetu mba kumutwivwa, alioze Zambi kanda ahanjika kama kuchina mutufwa.

Jeremia 1:9

Mba Yehova yazoza kwoko lienyi yalisa ku kanwa liami; Yehova yamba kuli yami ngwenyi, Tala, hinasa maliji jami mu kanwa lie.

Shimbi 1:6

Yehova Zambi yetu wambile kuli yetu ku Horepe ngwenyi, Nwashimbula ku mulundu uno, miaka hiyacha.

Shimbi 10:4

Iye yasoneka ha mawe nikulita ni kusoneka chitangu, kumi lia shimbi, Yehova wajambile kuli yenu ha mulundu, liji Unatuhuka mukachi ka kahia ha tangwa lia chikungulwila. Yehova yangwaho yami.

Shimbi 9:10

Yehova yakunjika kuli yami ye mikanda yiali ya mawe ya kusoneka ni munwe wa Zambi, kwasoneweneho nikulita ni maliji eswe Yehova wambile kuli yenu ha mulundu, liji Unatuhuka mukachi ka kahia, ha tangwa lia chikungulwila.

Hebreu 12:19

ni kuhanjika cha chitavwi, ni kuhanjika cha maliji; chize waze evwile, alembele nilimwe liji likwo kanda akahanjika kama kuli ayo;