Shimbi 18:13 - MUKANDA USANDU WA ZAMBI 1975

¹³ Nupwe angunu ni Yehova Zambi yenu.

Mukanda Wa Zambi 1970

¹³ Lingilenu Mwene Zambi ni mbunge jeswe.”

Shimbi 18:13 Iomraidhean Croise

Ubutukilo 17:1

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

Ubutukilo 6:9

Yino ye yisemuko ya Noe. Noe wapwile mukwa ululi, keshi kapalia mu chisemuko chenyi. Noe waliendelele ni Zambi.

1 Yitanga Ya Mianangana 8:61

Kashika mbunge jenu jikapwe jingunu kumeso ja Yehova Zambi yetu kwenda mu yiyulo yenyi nikufunga shimbi jenyi ngwe musono.

Jobe 1:1

Kwapwile umwe lunga mu chifuchi cha Uze; jina lienyi Jo. Mwe lunga te keshi kapalia, mukwa ululi, mukwa kuvwila woma Zambi, keshi kutala ku chuma chipi.

Jobe 1:8

Yehova yamba kuli Satana ngwenyi, Hiwazewula kavumbi kami Jo? Kuheshi niumwe hashi wa kulifwa nenyi; mumu iye keshi kapalia; mukwa ululi; mukwa kuvwila woma Zambi; keshi kutala ku chuma chipi.

Miaso (Masamu) 37:37

Usele chinyingi hali mutu mungunu; tala mwe mukwa kululama, mumu songo lienyi mulipwa sambukila.

Mateu 5:48

Kashika pwenu angunu, ngwe Tatenu wa mwilu kapwa mungunu.

Filipu 3:12

Kuchapwile ngwe hingunazuku kulu, hanji hingunapu mungunu, ka; alioze nakukaula, kachi nawa ngukazuke chuma chize ha chiyo anguzukile nawa kuli Kristu Yesu.

Filipu 3:15

Kashika waze hakachi ketu tuli angunu, tupwe nikunyonga chocho; nyi kachi ha chuma chimwe munupwa ni kunyonga cheka, chino nawa Zambi kumachisolola kuli yenu.

Yoshua 24:14

Kashika vwilenu woma Yehova haliapwila, numulingile ni mbunge yimuwika ni kushishika. Chizenu hakachi kenu mazambi aze tulamba twenu akombelelele sali lize lia Lwiji, ni mu Engitu, hanga nukalingile Yehova.

Usolwelo 3:2

Lako, utakamise yuma yize yinasala, yize yinambe kufwa: mumu chawanyine yitanga ye yingunu kumeso ja Zambi yami.