Shimbi 18:10 - MUKANDA USANDU WA ZAMBI 1975

¹⁰ Kanda awana kuli yenu niumwe yoze masa mu kahia mwanenyi wa lunga hanji mwanenyi wa pwo, chipwe tahi, chipwe mukwa munanyi, chipwe mukwa kupanda, chipwe chimbanda,

Mukanda Wa Zambi 1970

^10-11 Kanda nulambula ana jenu mu kahia ha yilumbilo yenu. Kanda nutayiza atu jenu kubwa tahi, hanji akwa kupanda, hanji akwa kutuhwisa mahamba.

Shimbi 18:10 Iomraidhean Croise

Ubutukilo 44:5

Uno ngwami musenge mwata wami akunwinamo. Chipwe kutaha kakutahilamo ngombo. Chino nwalinganga, chipi.

1 MIANANGANA 16:3

Wendele mu ndako ja mianangana ja Izalele, chipwe mwanenyi wa lunga wamupalikishile mu kahia nikulita ni yizelwokeso ya mavungu aze Yehova wakatwishile kumeso ja A-Izalele.

1 MIANANGANA 17:15

Yalituna yiyulo yenyi, ni usendo wenyi uze akolesele ni tulamba two, ni Shindakenyo yenyi yize waashindakenyene. Akawile yuma yamokomoko mba alumukine atu amokomoko. Embulwile mavungu aze aajingilikile waze te Yehova waambile ngwenyi, Kanda nukaembulula.

1 MIANANGANA 17:17

Apalikishile mu kahia ana jo a malunga ni a mapwo. Atahile ngombo ni kukwata ku yuma ya umbanda. Alilanjishile kulinga chipi kumeso ja Yehova akamwihie atenuke.

1 MIANANGANA 21:6

Wapalikishile mwanenyi wa lunga mu kahia. Watahile ngombo; walingile umbanda; wayile kuli akwa mahamba ni kuli akwa wanga; walingile yipi yinji kumeso ja Yehova kumwihia atenuke.

1 MIANANGANA 23:24

Chikwo nawa waze eswe apwile ni mahamba, ni akwa umbanda, ni terafimi, ni tuponya, ni yizelwokeso yize yeswe awanyine mu chifuchi cha Yunda ni mu Yerusaleme, Josia yayichiza akalite ni maliji a shimbi aze a kusoneka mu mukanda sasendote Hilekia wawanyine mu zuwo lia Yehova.

1 Sango Ja Mianangana 10:13

Chocho yafwa Saulu ha mukunda wa Utanguko wenyi wavulumwine ni kulimika ni Yehova, mumu kafungile liji lia Yehova. Chikwo nawa wahulile chiyulo kuli mukwa mahamba;

2 Sango Ja Mianangana 28:3

Chikwo nawa wochelele insensu mu chikulo cha mwana Hinome, ni kwocha ana jenyi mu kahia, nikulita ni yizelwokeso ya akwa mavungu waze Yehova wambilile kumeso ja A-Izalele.

2 Sango Ja Mianangana 33:6

Wapalikishile ana jenyi mu kahia mu chikulo cha mwana wa Hinome. Walingile nawa yuma ya munanyi, ni ya umbanda, ni ya wanga; wayile kuli akwa mahamba ni akwa tufutafuta. Walingile yipi yinji kumeso ja Yehova kumwihia ku utenu.

Kutuhuka 22:17

Kachi tato ya mwana-pwo kasolo pundu kumwahaye, mwe lunga akafwete mbongo nikulita ni yihako ya ana-mapwo waze kanda achipomba ni malunga.

Kutuhuka 22:18

Kanda ukatayiza chimbanda kutwama ni mwono.

Izaya 47:13

Jakuhwa ni yiyulo ye yinji; alimanyine akulamwine, waze akwa kufunjika malilu, akwa kutala matongonoshi, waze ha kumona kakweji mwaha kakukulweza yize muyiza kukuwana.

Jeremia 27:10

Mumu yize anaprofeteza kuli yenu mahuza kashika manuchiza ku chifuchi chenu ni yami mungukanuhumako, munukakuwa.

Jeremia 27:9

Kashika kanda nupanjika kuli aprofeta jenu, ni tahi jenu, ni akwa yilota jenu, hanji akwa munanyi jenu, hanji yimbanda jenu, waze anambe kuli yenu ngwo, Kunuchi kalingila mwanangana wa Babilonia.

Jeremia 32:35

Atungile manangamo a Mbale mu mungulunga wa mwana Hinome akalambule ana jo a malunga ni a mapwo kuli Moleke, chuma yami chaatuminecho chipwe kuchinyonga akalinge chuma chino cha kuzelwokesa akavulumwise Yunda.

Jeremia 7:31

Hanatungu nangamo lia Tofete lize lili mu mungulunga wa mwana wa Hinome, akalumbe ana jo a malunga ni a mapwo mu kahia, chuma chachitumine, kuchanjilile mu mbunge yami.

Alevi 19:26

Kanda nukalia yifwo niyimwe hamuwika ni manyinga jayo. Kanda nukalinga yuma ya kutaha ni ya wanga.

Alevi 19:31

Kanda nukatewulukila kuli akwa mahamba ni akwa tufutafuta. Kanda nukaafupa nukalipihise no. Yami Yehova Zambi yenu.

Alevi 20:6

Nyi umwe mutu makatewulukila kuli akwa mahamba ni akwa tufutafuta nikulipwisa ngwe chikoi kuli ayo, mungusa meso jami a kulimika nenyi. Mungukamuteta hakachi ka atu jenyi.

Mika 5:12

Mungukatetaho wanga mu chifuchi chenu, kunuchi kapwa nawa ni tahi.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Yilinga 19:19

Anji a kuli waze apwile nikulinga tufutafuta, anehene mikanda yo, ayochele kumeso ja eswe; ha kwalula ndando jayo, ajiwanyine makumi atano a tununu twa mbongo ja prata.

Yilinga 8:9

Alioze kwapwile umwe lunga, jina lienyi Semone, yoze matangwa a kunyima mu limbo walingile ni tufutafuta, washimine vungu lia Samaria ngwenyi, Yami mutu munene:

Galashia 5:20

ni kukombelela mahamba, ni kupanda, ni kole, ni vunda, ni ukwa, ni ufwatulo, ni kulipula, ni kulimanangana, ni kulihandununa,

Shimbi 12:31

Kanda nulinga chocho kuli Yehova Zambi yenu, mumu yizelwokeso yeswe Yehova anayivwila lwaji, o te hanalingi ku tuzambi two; mumu o, chipwe ana jo a malunga ni ana jo a mapwo anaochela kuli tuzambi two.

1 Samuel 15:23

Mumu kukolema kuchapwa ngwe mulonga wa umbanda, ni upama kuwapwa ngwe uhenge ni kukombelela. Ena hiunalitunu liji lia Yehova; kashika aye hanalitunu yena. Kuchi kupwa mwanangana.

1 Samuel 28:3

Samuel te hanafu, ni A-Izalele hanamulili nikumufunda mu Rama, chihunda chenyi mwene. Saulu iye hahuma akwa mahamba ni yimbanda mu chifuchi.

1 Samuel 28:7

Kashika Saulu yamba kuli ngamba jenyi ngwenyi, Ngufupilenu umwe pwo mukwa mahamba hanga ngukaye kuli iye ngumuhule. Ngamba jenyi yamba kuli iye ngwo, Kwali umwe mukwa mahamba ku Endore.

1 Samuel 28:8

Kashika Saulu yalihipula, yazala mazalo eka, yaya ni malunga aali hamwe nenyi, yaheta kuli mwe pwo ha ufuku. Ngwenyi, Ngunazange unguhulile umwe hamba, ukangunehene mweswawo mungutongola.

1 Samuel 28:9

Pwo yamba ngwenyi, Te kwanyingikine chize Saulu halinga? Chize hamanununa akwa mahamba ni yimbanda mu chifuchi. Nyi chocho kuchi te unatela muheto mbunge yami ukangushihe?