Shimbi 18:1 - MUKANDA USANDU WA ZAMBI 1975

¹ Asasendote, A-Levi, te munyachi weswe wa Levi, kanda apwa ni chihanda, chipwe chihinga hamwe ni A-Izalele, o alie milambu ya Yehova ya kulumba ni kahia, te chihinga chenyi.

Mukanda Wa Zambi 1970

¹ “Vungu lia mahako Alevi, kaahashile kutambula chimwe chifuchi mu Israele, kulia cho shina milambu yize atu akulambula kuli Mwene Zambi.

Shimbi 18:1 Iomraidhean Croise

Jeremia 33:18

ni asasendote ja Levi kechi kahona lunga kumeso jami kulambula milambu ya kulumba, ni kulumba milambu ya wunga nikulambula yitapo ndo ku miaka ya mutolo.

Ezekiel 44:28

O kechi kapwa ni chihinga mumu yami nguli chihinga cho. Kunuchi kwaaha yikumba mu Izalele mumu yami nguli yikumba yo.

Kwalula 18:20

Yehova yamba kuli Arone ngwenyi, Kanda ukapwa ni chihinga nichimwe mu chifuchi cho, chipwe kanda ukapwa ni chihanda hakachi ko. Chihanda che—yami. Chihinga che hakachi ka A-Izalele—yami.

Kwalula 26:62

A kwalula yapwa makumi aali a tununu ni tununu atatu, malunga eswe chize kuli akwa kakweji umuwika ndo kuli makulwana; mumu kaalwile hakachi ka A-Izalele, se kaahele chihinga hakachi ka A-Izalele.

Shimbi 10:9

Kashika A-Levi keshi chihanda chipwe chihinga hamwe ni akwo. Chihinga cho, Yehova, nikulita ngwe ambile kuli iye Yehova Zambi yenu.)

Shimbi 12:19

Nukanyame ngwami, Kanda nwehuka A-Levi miaka yeswe munutwama mu chifuchi chenu.

Yoshua 13:14

Ku munyachi wa Levi wika Mose kahanyine chihinga nichimwe. Milambu ya kahia kuli Yehova Zambi ya Izalele yapwa chihinga cho ngwe Zambi wamwambile.

Yoshua 13:33

Alioze ku munyachi wa Levi Mose kahanyine chihinga nichimwe. Yehova Zambi ya Izalele iye chihinga cho chocho hanambe kuli ayo.

Yoshua 18:7

A-Levi keshi ni chihinga hakachi kenu mumu usasendote wa Yehova wapwa chihinga cho. A-Ngate, ni A-Rupene, ni chihanda cha ha muchima cha munyachi wa A-Manase hanatambula chihinga cho mu sali lia Yordau ku Chivumbuko, kuze Mose mwe kavumbi ka Yehova waahelecho.