Shimbi 17:18 - MUKANDA USANDU WA ZAMBI 1975

¹⁸ Mba muze hatwama ha ngunja ya wanangana wenyi, iye akalisonekene shimbi yino mu mukanda umwe; machiza maliji ku mukanda uli kumeso ja asasendote, A-Levi.

Mukanda Wa Zambi 1970

¹⁸ Muze habutuka kulinga milimo ya wanangana, akasoneka mukanda wa Shimbi ni longeso lia Zambi nikulita ni mukanda uze akufunga mahako ja Alevi.

Shimbi 17:18 Iomraidhean Croise

1 Yitanga Ya Mianangana 2:3

Funga shimbi ya Yehova Zambi ye ukende mu majila jenyi ukafunge yiyulo yenyi, ni shimbi jenyi, ni upatwilo wenyi, ni Shindakenyo yenyi nikulita ni chize chinasonewa mu shimbi ya Mose hanga Ukawahe mu yuma yeswe mukalinga kweswako mutalikisa,

1 MIANANGANA 11:12

Mba yatuhwisa mwana wa mwanangana; yamusa chipangula; yamukunjika ye Shindakenyo. Yamupwisa mwanangana; yamuwayisa ni maji, mba yasakwila koshi nikwamba ngwo, Vulie mwanangana!

1 MIANANGANA 22:8

Sasendote mukwa lutwe Hilekia yamba kuli Shafane mukwa kusonyeka ngwenyi, Hinawana mukanda wa shimbi mu zuwo lia Yehova. Hilekia yakunjika mukanda kuli Shafane, mba yautanga.

2 Sango Ja Mianangana 34:15

Hilekia yamba kuli Shafane mukwa kusonyeka ngwenyi, Hinawana mukanda wa shimbi mu zuwo lia Yehova. Hilekia yahana mukanda kuli Shafane.

Shimbi 31:9

Mose yasoneka shimbi yino, yayihana kuli asasendote, A-Levi, waze ambachile mushete wa usendo wa Yehova, ni kuli makulwana eswe a Izalele.

Yoshua 1:8

Mukanda uno wa shimbi kanda ukatuka mu kanwa lie, alioze ukaupukune mwalwa ni ufuku, ukalinge kanawa nikulita ni yize yeswe yasonewenamo. Chocho muwahisa jila ye; chocho yuma ye muyiwaha.