Shimbi 17:16 - MUKANDA USANDU WA ZAMBI 1975

¹⁶ Chino wika, kanda aliokesela tuvwalu, hanji kuhilwisa atu ku Engitu hanga okese tuvwalu, mumu te Yehova wambile kuli yenu ngwenyi, Kunuchi kuhilukila ku jila yize nilimwe tangwa.

Mukanda Wa Zambi 1970

¹⁶ Mwe mwanangana kanda abwa ni tuvwalu anji a jita. Kanda atuma atu ku Egiptu ha kulanda tuvwalu, mumu Mwene Zambi hanambe ngwenyi, atu jenyi kanda akahiluka nichimwe ku Egiptu.

Shimbi 17:16 Iomraidhean Croise

2 Samuel 8:4

David yatambula kuli iye kanunu ka akwa tuvwalu ni kulakaji shimbiali a akwa tuvwalu, ni makumi aali a tununu a maswalale a kwenda hashi. Tuvwalu eswe a matemba-a-jita David yaateta mijipa, yafunga tuvwalu kukoka kulakaji lia matemba-a-jita.

1 Yitanga Ya Mianangana 1:5

Kulutwe Adonija mwana Hagita yalinangamisa ngwenyi, Yami mungupwa mwanangana. Yalilulikila matemba-a-jita, ni akwa tuvwalu, ni makumi atano a malunga akwa kuzomboka kulutwe henyi.

1 Yitanga Ya Mianangana 4:26

Solomone wapwile ni makumi awana a tununu a tuvwalu ha matemba jenyi a jita, ni kumi lia tununu twa akwa kwendesa tuvwalu ni tununu aali.

1 Yitanga Ya Mianangana 5:6

Kashika tuma haliapwila akangutetele mitondo ya sedru ku Lebano mba ngamba jami makapwa hamwe ni ngamba je. Mungukwaha fweto ya ngamba je, cheswacho mutongola, mumu unanyingika ngwami, Hakachi ketu akwa kuselala mitondo akuhi a kulita ni A-Sendone.

2 Sango Ja Mianangana 1:16

Tuvwalu a Solomone aalanjile mu Engitu. Akwa kulanda a mwanangana aatambwile mu matanga, tanga ndando Chinganji, tanga ndando Chinganji.

2 Sango Ja Mianangana 9:25

Solomone wapwile ni tununu awana a yipatulo ya tuvwalu ni matemba, ni kumi lia tununu ni tununu aali a akwa tuvwalu, a kusela ku yihunda ya matemba ni mu Yerusaleme hamwe ni mwanangana.

Miaso (Masamu) 20:7

Amwe kakufuliela matemba, amwe tuvwalu, alioze yetu mutuvulwoka jina lia Yehova Zambi yetu.

Kutuhuka 13:17

Muze Falau echele atu kuya, Zambi te kaatwalile ku jila ya kupalikila ku chifuchi cha A-Filistea chipwe kwapwile kwihi; mumu Zambi ngwenyi, Kuchina hanji e atu makalikonyeka muze makamona jita mba makahiluka ku Engitu.

Kutuhuka 13:18

Alioze Zambi yajingisa e atu ku jila ya puya, ya kupalikila ku Kalunga-lwiji Muchila. A-Izalele nikwenda mu mikana akatukile ku chifuchi cha Engitu.

Kutuhuka 14:13

Mba Mose yamba kuli e atu ngwenyi, Kanda nwivwa woma, manenu, numone ulamwino wa Yehova, manulingilawo musono. Mumu A-Engitu nwamona musono, kunuchi kwiza kwamona nawa nilimwe tangwa.

Izaya 2:7

Chifuchi cho chazala tò ni prata ni oru, upite wo kuushi ni haze wasulila. Chifuchi cho chazala tò ni tuvwalu, matemba jo keshi ni haze asulila.

Jeremia 42:19

Yehova hanambe kuli yenu masalila ja A-Yunda ngwenyi, Kanda nuya ku Engitu. Kashika nyingikenu pundu hinanutoweza musono

Ezekiel 17:15

Alioze wamukatukilile ha kutuma mikeji ku Engitu akamwehe tuvwalu ni tujita anji. Te machihasa? Ha kulinga yuma ngwe yino mutu mahasa kulilamwina? Mahasa kulilamwina ha kutangula usendo?

Hosea 11:5

Kumakahiluka nawa ku chifuchi cha Engitu, alioze Ka-Asuria makapwa mwanangana wo, mumu katayile kuhiluka kuli yami.

Hosea 14:3

A-Asuria kechi kutulamwina; kutuchi kwenda hali tuvwalu; mba kutuchi kamba nawa ngwetu, Zambi yetu ku yuma ya kulinga ni moko jetu. Muli yena ana-ashiwa kakuwana keke.

Mika 5:10

Yehova kanambe ngwenyi, Ha tangwa lize mungukateta tuvwalu twenu hakachi kenu nikwonwona matemba jenu a jita.

Shimbi 28:68

Yehova makanuhetesa nawa ku Engitu mu mato, ku jila nambile kuli yenu ngwami, Kunuchi kayimona nawa nichimwe. Mba, kuli akwa kole jenu munukalikulisa tupinji a malunga, ni tupinji a mapwo, niumwe makanulanda, wakuhi.

1 Samuel 8:11

Ngwenyi, Chocho mapwa mwanangana yoze manuyula. Makwata anenu a malunga nikwasela ku matemba jenyi a jita, ni kupwa akwa tuvwalu twenyi akazomboke kulutwe lia matemba jenyi.