Shimbi 17:14 - MUKANDA USANDU WA ZAMBI 1975

¹⁴ Muze munukanjila mu chifuchi Yehova Zambi yenu ananwehecho, muze munuchizuka ni kutwamamo, hanji munwamba ngwenu, Mutulitongwela mwanangana wa yetu, ngwe akulinga mavungu eswe anatujingilika.

Mukanda Wa Zambi 1970

¹⁴ “Muze hinwatambula chihinga cha chifuchi chize Mwene Zambi, Zambi yenu, ananwehe ni kutwama mo, mununyonga ha kubwa ni mwanangana ngwe chize ali mavungu akwo.

Shimbi 17:14 Iomraidhean Croise

Alevi 14:34

Muze munuheta ku chifuchi cha Kanana ngunanwehecho nukachizuke, nyi mungusa musongo wa mbumba mu zuwo limwe mu chifuchi chize munuzuka,

Kwalula 33:53

Nukazuke che chifuchi, nukatwamemo, mumu hinachihana kuli yenu kuchizuka.

Shimbi 11:31

Mumu munuzauka Yordau, mukuheta mu chifuchi, mukuchizuka, Yehova Zambi yenu ananwehecho. Muze hinwachizuka, nikutwamamo,

Shimbi 18:9

Muze munuheta mu chifuchi ananwehecho Yehova Zambi yenu, kanda nulilongesa kwimbulula yizelwokeso ya mavungu.

Shimbi 26:1

Muze muheta mu chifuchi Yehova Zambi ye anakwehecho chihinga, uchizuke, ni kutwamamo,

Shimbi 26:9

Yatuneha kuno, yatwaha chifuchi chino, chifuchi kuze kunokela yamwa ni wuchi.

Shimbi 7:1

Muze Yehova Zambi yenu manuhetesa mu chifuchi nunayi kuchizuka, ha kahuma mavungu anji kumeso jenu, A-Hete, ni A-Ngikashe, ni A-Amore, ni A-Kanana, ni A-Perize, ni A-Hevwe, ni A-Yepushe, mavungu shimbiali ananuhiana ni unene, ni ndundo,

Yoshua 1:13

Iwulukenu liji lize Mose kavumbi ka Yehova wanwambile ngwenyi, Yehova Zambi yenu kananululikila uhwimino. Kumakanwaha chifuchi chino.

Yoshua 21:43

Chocho Yehova wahanyine kuli A-Izalele chifuchi chize cheswe alishingile kuhana kuli tulamba two, mba muze hachizuka achitungile.

1 Samuel 10:19

Hindu tangwa lino lia musono hinwalituna Zambi yenu mukwa kunulamwina ku luyinda wenu mweswe ni lamba lienu lieswe, nikwamba kuli iye ngwenu, Hi chocho ko, alioze nutusele mwanangana kutuyula. Kashika solokenu kumeso ja Yehova nikulita ni minyachi yenu ni tununu twenu.

1 Samuel 10:25

Mba Samuel yalumbununa kuli atu je shimbi ja wanangana; yajisoneka mu mulanda nikuutumbikila kumeso ja Yehova. Samuel yashika ni atu, yaatuma mutu mweswe ku zuwo lienyi.

1 Samuel 12:19

Atu eswe yamba kuli Samuel ngwo, Nutulembele etu ngamba jenu kuli Yehova Zambi yenu, kanda tufwa, mumu ha kwita mwanangana hitwaweza chuma chino chipi ku milonga yetu yeswe.

1 Samuel 16:3

Sanyika Yese eze ku chitapo, mba mungukulweza chize mulinga. Mukawayisa ni maji yoze mungumutongola.

1 Samuel 8:11

Ngwenyi, Chocho mapwa mwanangana yoze manuyula. Makwata anenu a malunga nikwasela ku matemba jenyi a jita, ni kupwa akwa tuvwalu twenyi akazomboke kulutwe lia matemba jenyi.