Shimbi 17:12 - MUKANDA USANDU WA ZAMBI 1975

¹² Mutu yoze malengumuka, kechi kupanjika kuli sasendote akumana kuvumbika kumeso ja Yehova Zambi yenu, hanji kuli ngaji, iye afwe. Chocho munukatwisa che chipi hakachi ka A-Izalele.

Mukanda Wa Zambi 1970

¹² Nyi ngwe umwe wahamuka ha kukolema ngaji hanji hako wa Zambi, chatamba kumushiha. Chenacho munukachiza yibi yize mu Israele.

Shimbi 17:12 Iomraidhean Croise

Ezra 10:8

Chikwo nawa ngwo, Mweswe kejile ha matangwa atatu, nikulita ni longeso lia alemu ni makulwana, yikumba yenyi yeswe mamutambulayo, ni mwene mamuteta ku chikungulwila cha akwa unjize.

Miaso (Masamu) 19:13

Chinda kama kavumbi ke ku milonga ya kulengumuka; kanda yinguzeyesa. Chocho mungupwa mungunu, chichi kuvulumuna mulonga unene.

Yishima 21:11

Muze malamba mukwa kulenya chizuzuke matambula mana. Muze mafumba mukwa mana matambula yinyingi.

Hosea 4:4

Chipwe chocho niumwe kanda alitachika; niumwe kanda asuma mumu atu je kapwa ngwe waze analitachika ni sasendote.

Zakaria 3:7

Yehova-wa-Tujita kanambe ngwenyi, Nyi muwenda mu majila jami, nikufunga shimbi jami, mukayilia zuwo liami, nikufunga maze jami, ni yami mungukwaha poko ya kunjila hakachi ka wano anamana kuno.

Kwalula 15:30

Alioze nyi mutu malinga chuma cha kulengumuka, chipwe mwenyembo chipwe njize, makashililika Yehova, auze mutu akamutete hakachi ka atu jenyi.

Kwalula 15:31

Mumu te iye halelesa liji lia Yehova, hatangula liji lia shimbi yenyi, auze mutu akamutete liakulu; uhenge wenyi ukamushate.

Mateu 10:14

Mweswawo kechi kanutambula, chipwe kechi kevwa maliji jenu, shimbu munutuhuka mu zuwo lize, hanji limbo lize, nukakukumwineho fufuta ya ku molu jenu.

Luka 10:16

Yoze manwivwa, mangwivwa yami; ni yoze malituna yenu, malituna yami; ni yoze malituna yami, malituna yoze wangutumine.

Yoano 12:48

Yoze malituna yami, keshi Kutambula maliji jami, kali ni yoze mamupatwila: liji lize nahanjikile, lienalio kumulikamupatwila ha tangwa lia kusula.

Yoano 20:23

eswo munwakonekena milonga yo, kumaakonekenayo; eswo munukasa milonga yo, kumuyikashiwa.

1 Korintu 5:13

Alioze waze ali haze Zambi kakwapatwila. Chizenu yoze chingulungulu hakachi kenu.

Shimbi 1:43

Kashika yingwamba kuli yenu, kunwapanjikile, alioze yinukolema shimbi ya Yehova, yinulengumuka, nikukanduka ku chifuchi cha milundu.

Shimbi 10:8

Ha mwaka uze Yehova yahandununa munyachi wa Levi, mukumbata mushete wa usendo wa Yehova, mukumana kumeso ja Yehova amuvumbike, akawahise ni jina lienyi ndo ku tangwa lino.

Shimbi 13:11

A-Izalele eswe achivwe, evwe woma, kanda alinga nawa ungulungulu upwa hoho ngwe uno uli mukachi kenu.

Shimbi 13:5

Yoze profeta, hanji yoze mukwa kulota yilota mushihenu, mumu te iye hahanjika maliji a kukolema Yehova Zambi yenu, yoze wanuchijile mu chifuchi cha Engitu, nikunukula ku zuwo lia upinji ngwenyi, Nuhambuluke ku jila yize Yehova Zambi yenu anwambileyo ngwenyi, Nwendemo. Chocho nukatwise che chipi hakachi kenu.

Shimbi 13:6

Kachi yayenu, hanji mwanakwenu, ana ja noko, hanji ana je a malunga, hanji ana je a mapwo, hanji pwo lie wamuzanga, hanji sepa lie wamuzanga ngwe mbunge ya yena mwene, makusongojola ku tenga ngwenyi, Tatuye, tuvumbike tuzambi tweka, yena kwatunyingikine, ni yena, chipwe akakenu;

Shimbi 17:13

Atu eswe evwe, apwe ni woma, kanda alinga nawa ni kulengumuka.

Shimbi 17:7

Moko ja yela aliange kumukwata mukumushiha, mba ha kusula, moko ja atu eswe. Chocho munukatwisa che chipi hakachi kenu.

Shimbi 18:20

Alioze profeta mweswe mahanjika liji lia kulengumuka mu jina liami, ami chamwambilelio kuhanjika, hanji mahanjika ni jina lia tuzambi tweka, profeta yoze afwe.

Shimbi 18:5

Mumu te Yehova Zambi yenu hanamutongola wa ku minyachi yenu yeswe, mukumana nikuvumbika ni jina lia Yehova, neye ni ana jenyi a malunga ku miaka ya mutolo.

Shimbi 18:7

mba avumbike ni jina lia Yehova Zambi yenyi, chizechene ngwe akulinga A-Levi-ni-akwo, akumana kumeso ja Yehova.

1 Tesalonika 4:2

Mumu nunanyingika shimbi jize twanuhele ja kuli Mwene Yesu.

1 Tesalonika 4:8

Kashika yoze malituna, malituna hi atu ko, alioze Zambi, yoze wakunwaha Spiritu yenyi Musandu.

1 Timoteu 5:20

Waze mavulumuna, ukaakumike kumeso ja atu eswe, hanga akwo nawa akapwe ni woma.

Yoshua 1:18

Mweswawo makolema shimbi je, hanji kechi kwononoka ku maliji je cheswacho mumutumina mutumushiha. Chino wika, takama, hamuka.

Akwa Kuyula 20:13

Kashika nehenu malunga aze amokomoko a mu Ngibia tukaashihe tukalichize uhenge mu Izalele. Alioze A-Mbenjamine katayile ku liji lia akwo A-Izalele.

1 Samuel 3:13

Mumu hinamulweza, ngwami, Himungupatwila munyachi wenyi ndo ku miaka mumu ha uhenge uze iye wanyingikine, mumu te ana jenyi apwile nikushililika Zambi, alioze iye kaakanjishile.