Shimbi 17:11 - MUKANDA USANDU WA ZAMBI 1975

¹¹ Nukalinge nikulita ni liji lia shimbi o manulongesalio, nikulita ni upatwilo o manwambulwilawo; kanda nukondoloka ku upatwilo manulwezawo, chipwe ku chindume, hanji ku chimeso.

Mukanda Wa Zambi 1970

¹¹ Nutayiza ubatwilo wo ni kukaula longeso lio ku chikuma ni chikuma.

Shimbi 17:11 Iomraidhean Croise

2 Samuel 14:19

Mwanangana yamba ngwenyi, Ngwami, kwoko lia Joabe lili hamwe ni yena mu pande jino jeswe nyi? Pwo yakumbulula ngwenyi, Ni mwono wenu, mwene wami mwanangana, niumwe mahasa kupiasukila ku chindume hanji ku chimeso ku chimwe chuma mwene wami mwanangana hanahanjika. Pundu kavumbi kenu Joabe iye wangutumanga, ni iye nawa wasanga maliji wano eswe mu kanwa lia yami kavumbi kenu.

Yishima 4:27

Kanda ukapiasukila chipwe ku chindume chipwe ku chimeso. Chiza kulu lie ku yipi.

Alevi 10:11

Nukalongese A-Izalele yiyulo yeswe yize Yehova haakunjika kuli Mose.

Shimbi 17:10

Nukalinge nikulita ni liji lia upatwilo o manulwezalio kuma kuze Yehova matongola. Nukanyame kulinga nikulita ni yeswe o manulongesa.

Shimbi 17:20

kuchina mbunge yenyi muyilifuza ni atu jenyi, kuchina mahambuluka ku liji lia shimbi nikuya ku chindume, hanji ku chimeso, hanga akokese matangwa jenyi mu wanangana wenyi, neye ni ana jenyi, hakachi ka A-Izalele.

Shimbi 25:1

Kachi kulihangujola chimwe muchipwa hakachi ka malunga, maheta ha lwaza mba ngaji maapatwila, asambise mukwa ululi, ahise chingulungulu.

Shimbi 28:14

Kanda nukondoloka ku liji nilimwe lia maliji ngunanwambe musono, chipwe ku chindume, chipwe ku chimeso, mukukaula tuzambi tweka nikutuvumbika.

Shimbi 5:32

Kashika nukanyame kanawa, nuyilinge ngwe Yehova Zambi yenu hanwamba; kanda nuhambuluka ku chindume chipwe ku chimeso.

Titu 3:1

Ukaewulwise kuzeyela kuli mianangana, ni akwa kuyula, akononoke, akalulike kulinga yitanga yeswe yipema.

Yoshua 1:7

Takama wika. Pwako ni hamu linji, nikufunga kanawa shimbi jeswe kavumbi kami Mose wakutumine. Kanda upiasuka ku chindume hanji ku chimeso, hanga yuma ye yikawahe kweswako muoya.

Yoshua 23:6

Kashika jikizenu kufunga nikulinga yuma yeswe yinasonewa mu mukanda wa shimbi ya Mose. Kanda nukapiangukako, chipwe ku chindume, chipwe ku chimeso.

2 Petulu 2:10

aiioze kuhiana chikolo waze akwenda nikulita ni musunya ni usolo wa luchisa, akulelesa ulemu. Akwa kuhunuka, akwa pami, keshi woma wa kutuka alemu.

Yuda 1:8

Hindu chizechene ni wano nawa, ha kulota cho kakuchisa musunya, kakulelesa yiyulo, kakutuka e alemu.