Shimbi 16:7 - MUKANDA USANDU WA ZAMBI 1975

⁷ Nuchioche nikuchilila kuze Yehova Zambi yenu matongola, mba ha chimene nutewuluke, nuye ku mbalaka jenu.

Mukanda Wa Zambi 1970

⁷ Nukayiteleka, nukayilila homa haze ha kuwayila; mba ha chichamene nukahiluka ku mahienu.

Shimbi 16:7 Iomraidhean Croise

1 MIANANGANA 23:23

Alioze ha mwaka kumi ni nake wa mwanangana Josia afungile Chizomboka chino kuli Yehova mu Yerusaleme.

2 Sango Ja Mianangana 35:13

Yocha chitapo cha Chizomboka ni kahia nikulita ni shimbi, ni milambu yisandu yayiteleka mu ndeho, ni mu ndeho ya kwochela yifwo, ni mu yikango nikuyimbata fuji kuli ana ja atu eswe.

Yoano 11:55

Alioze Chizomboka cha A-Yunda chakundamine: ni anji a ku chifuchi chize akandukile ku Yerusaleme muze te Chizomboka kanda chipwa, hanga akalipemese.

Yoano 2:13

Chizomboka cha A-Yunda muchikundama, mba Yesu wakandukile ku Yerusaleme.

Yoano 2:23

Muze apwile mu Yerusaleme ku Chizomboka, ku chiwanyino, anji afulielele jina lienyi, ha kumona yilayi yenyi yize apwile nikulinga.

Shimbi 12:5

Alioze kuze Yehova Zambi yenu manutongwela ku minyachi yenu yeswe mukusa jina lienyi, te matwama iye, nukafupeko.

Shimbi 16:2

Che Chizomboka nukachilambule chitapo kuli Yehova Zambi yenu cha ku mapanga, hanji cha ku ngombe, kuze Yehova matongola kusa jina lienyi.

Shimbi 16:6

Alioze kuze Yehova Zambi yenu matongola kusa jina lienyi, nulambwileko chitapo cha Chizomboka ha chingoloshi, ha kutoka cha tangwa, ola yize nwakatukile ku Engitu.