Shimbi 16:3 - MUKANDA USANDU WA ZAMBI 1975

³ Kanda nulia nacho mbolo ya futunwiso. Nuchilie ni mbolo kuyishi futunwiso matangwa shimbiliali; te ye mbolo ya luyinda, mumu yinukatuka ku chifuchi cha Engitu nikawashi; hanga nwiwuluke lie tangwa nwakatukile ku chifuchi cha Engitu, matangwa eswe a mwono wenu.

Mukanda Wa Zambi 1970

³ Muze munukalia chiwanyino chino, nukalia mbolo yize kuyishi yitumbo, ndoo matangwa shimbiali, ngwe chize nwalingile muze nwatuhukile kapupushi mu Egiptu. Matangwa eswe a mwono wenu mbolo yino kumaakayivuluka ngwo, mbolo ya lamba, ha kunwiwulula tangwa lize nwatuhukile mu Egiptu, mu chifuchi cha lamba.

Shimbi 16:3 Iomraidhean Croise

1 Yitanga Ya Mianangana 22:27

ngwenu, Mwanangana kanambe ngwenyi, Yikila yono mu zuwo lia ususu nukamulise kulia cha luyinda ni meya a luyinda ndo mungwiza nawa ni sambukila.

Miaso (Masamu) 102:9

Mumu hingunali uto ngwe shima. Hinachinga kunwa chami ni masoji,

Miaso (Masamu) 111:4

Hanewulula atu yitanga yenyi ya kukomwesa. Yehova mukwa vumbi kanda mukwa keke.

Miaso (Masamu) 127:2

Chamokomoko kuli yena kulaula chimenemene, nikuhwima hakachi ka ufuku, nikutambula kulia cha kukilikita, mumu chocho kakuhana tulo kuli yoze wamuzanga.

Kutuhuka 12:11

Chocho nukamulie, miya yenu ya kulijichika mu zalilo, nikuzala haku jenu, nikukwata milumbu yenu mu moko jenu, nukamulie ni kapupushi. Che Chizomboka cha Yehova.

Kutuhuka 12:17

Nukafunge chiwanyino cha mbolo kuyishi futunwiso mumu te ha tangwa lioliene hinachiza yizavu yenu ku chifuchi cha Engitu, kashika nukafunge lino tangwa ni shimbi ya mutolo ndusu yisemuko yenu.

Kutuhuka 12:39

O yocha tumbolo kutushi futunwiso twa ku wunga uze akatukile nawo ku Engitu, mumu te kuushi futunwiso mumu yaahuma ku Engitu, te kahashile kulaluka chipwe kulilulikila kulia, ka.

Kutuhuka 12:8

Ufuku uze akalie ye yifwo ya kwocha ni kahia hamwe ni mbolo kuyishi futunwiso. Akayilie hamwe ni yilimalima yisasu.

Kutuhuka 34:18

Ukafunge chiwanyino cha mbolo kuyishi futunwiso. Ukalie mbolo kuyishi futunwiso matangwa shimbiali, ngwe nakwambile, ha shimbu liacho ha kakweji ka Ambimbi, mumu ha kakweji ka Ambimbi wakatukile ku Engitu.

Izaya 52:12

Mumu kunuchi kakatuka kapupushi; kunuchi kakatuka ngwe nunachina, mumu Yehova kumakanutetekela ni Zambi ya Izalele manufunga kunyima.

Alevi 23:6

Mba ha tangwa kumi ni liamuchitano lia kakweji yomwene muhapwa chiwanyino kuli Yehova cha mbolo kuyishi futunwiso. Matangwa shimbiali munukalia mbolo kuyishi futunwiso.

Zakaria 12:10

Mungukazukula ha munyachi wa David ni hali akwa Yerusaleme Spiritu ya vumbi ni kulembela. Kumakahulikila meso yoze amutuwile. Kumakalishimwoka hali iye ngwe mutu kakulishimwoka hali mwanenyi wa lunga wa wika. Makamuvwila chinyengo ngwe chinyengo chize cha mutu hali mwanenyi mutangu.

Kwalula 28:17

Ha tangwa kumi ni liamuchitano lia kakweji yoze chiwanyino chikapweko. Akalie mbolo kuyishi futunwiso ha matangwa shimbiali.

Kwalula 9:11

Ha kakweji wamuchiali, ha tangwa kumi ni liamuchiwana, ha chingoloshi, o akachifunge. Akachilie hamwe ni mbolo kuyishi futunwiso ni yilimalima yisasu.

Luka 22:19

Iye wanjile mbolo, ni muze te hasakwila, wayipalwile, waaheleyo, ngwenyi, Yino mujimba wami auhanyine hali yenu: chino lingenu nukangwiwuluke.

1 Korintu 5:8

kashika tufungenu chiwanyino, hi ni futunwiso yikulu ko chipwe ni futunwiso ya uhuka ni ungulungulu, ka, alioze ni mbolo kuyishi futunwiso ya kutuwika cha mbunge ni umwenemwene.

Shimbi 16:2

Che Chizomboka nukachilambule chitapo kuli Yehova Zambi yenu cha ku mapanga, hanji cha ku ngombe, kuze Yehova matongola kusa jina lienyi.

Shimbi 4:9

Chino wika ngwami, Nukanyame, nufunge chikolo mbunge jenu kuchina munuvulama yuma yize hinunayimono, kuchina muyikatuka ku mbunge jenu matangwa eswe a mwono wenu, ni ana jenu ni ajikulu jenu nwanyingikiseyo.

1 Tesalonika 1:6

Ni yenu nwalumukine akwa kutwimbulula, ni akwa kwimbulula Mwene, se nwatambwile liji lia Mwene mu luyinda munji hamwe ni uwahililo wa Spiritu Musandu.

Yoshua 4:7

Mba munwaambulwila ngwenu, Meya a Yordau apatukile kumeso ja mushete wa usendo wa Yehova. Muze mushete wazaukile Yordau mba meya a Yordau apatukile. Chocho mawe ano mapwa Chiwulwiso cha mutolo kuli A-Izalele.