Shimbi 16:21 - MUKANDA USANDU WA ZAMBI 1975

²¹ Kanda nulitumbila Ashera ja mitondo niyimwe ku kulwa chilumbilo cha Yehova Zambi yenu, chize munutunga.

Mukanda Wa Zambi 1970

²¹ “Muze munulingila Mwene Zambi, Zambi yenu, chilumbilo, kanda nujika ko nawa hamba wa pwo Ashera,

Shimbi 16:21 Iomraidhean Croise

1 Yitanga Ya Mianangana 14:15

Mumu Yehova kumakalamba Izalele ngwe mbungu ja kunyika mu meya. Kumakatukula Izalele mu chifuchi chino chipema wachihanyine kuli tulamba two. Kumakaamwanga mu sali lia mwe Lwiji mumu halinga Ashera jo akehie Yehova ku utenu.

1 Yitanga Ya Mianangana 16:33

Ahabe yalinga Ashera. Ahabe walingile yuma ya kwihia Yehova Zambi ya Izalele ku utenu kuhiana mianangana eswe ja Izalele waze a kushi.

1 MIANANGANA 17:16

Ehukile shimbi jeswe ja Yehova Zambi yo nikulilingila tuponya twa kuzuzulula, te ana-a-ngombe aali. Alingile Ashera nawa, nikuwayila mbunga yeswe ya mwilu, nikuvumbika Mbale.

1 MIANANGANA 21:3

Watungile cheka nawa manangamo aze tato Hezekia wapuzwile. Watungile yilumbilo kuli Mbale; walingile umwe Ashera ngwe Ahabe mwanangana wa Izalele. Wawayilile mbunga yeswe ya mwilu nikwalingila.

1 MIANANGANA 21:7

Wamikine kaponya umwe wa kwola wa Ashera mu zuwo lize Yehova wambile kuli David ni kuli mwanenyi Solomone ngwenyi, Mungusa jina liami ndo ku miaka yeswe mu zuwo lino mwe mu Yerusaleme, kuno natongwele hakachi ka mavungu eswe a Izalele.

2 Sango Ja Mianangana 33:3

Mumu watungulwile manangamo aze tato Hezekia wapuzwile. Yatunga nawa yilumbilo ya Ambale; yatunga nawa Ashera nikuwayila mbunga yeswe ya mwilu nikwalingila.

Kutuhuka 34:13

Alioze ukapuzule yilumbilo yo, Ukapalwole yipinji tuponya two, ukapakule Ashera yo.

Alevi 26:1

Kanda nulilingila tuponya. Kanda numika kulifwa chimwe cha kwola hanji liwe limwe. Kanda numika liwe lia kwola mu chifuchi chenu. Kanda nulihetamina ku yino yuma mumu yami Yehova Zambi yenu.

Shimbi 7:5

Alioze chocho munulinga no. Nukaapuzule yilumbilo yo, nukapuzwole yipinji manguji jo, nukapakule Ashera jo, nukoche ni kahia tuponya two twa kusonga.

Akwa Kuyula 3:7

A-Izalele alingile chipi kumeso ja Yehova nikuvulama Yehova Zambi yo nikulingila Ambale ni Ashera.