Shimbi 16:19 - MUKANDA USANDU WA ZAMBI 1975

¹⁹ Kanda nuhengesa upatwilo; kanda nupwa ni katonde; chipwe kanda nutambula chindo, mumu chindo kuchapupuchisa meso ja mukwa mana, kuchahengesa chikuma cha mukwa ululi.

Mukanda Wa Zambi 1970

¹⁹ Mu ubatwilo wo kanda abwa akwa kuhengesa ha kubatula, kanda abatula ni katonde, kanda atambula mbongo ja mbenga, mumu mbongo ja mbenga kujakupupuchisa meso ja akwa mana ni chikuma cha mukwa ululi, kujakukoka ubatwilo wa uhenge.

Shimbi 16:19 Iomraidhean Croise

Alevi 19:15

Kanda nupatula ni uhenge hanji ni katonde kuli chiswale, hanji ni ulemeso kuli mulemu. Alioze munukapatwila mukwenu ni ululi.

Kutuhuka 23:2

Kanda ukakaula mbunga mukulinga chipi. Chipwe ha kusopa mutonga kanda ukashindakenya nikukaula mbunga mukuhengesa upatwilo.

Yishima 17:23

Chingulungulu kakuchiza chindo mu tulo akahengese majila ja upatwilo.

Habakuke 1:4

Chocho shimbi yakokoloka ni upatwilo wa kulita kuushi kumoneka. Mumu yingulungulu kanaseleka akwa ululi; kashika kakuhengesa upatwilo.

Shimbi 24:17

Kanda nuhengesa upatwilo wa chilambala, chipwe wa shiwa, chipwe kanda nuchiza mazalo a twamishi kupwa chifungo,

Shimbi 10:17

Mumu Yehova Zambi yenu iye Zambi ya tuzambi, Mwene wa ene, Zambi munene, mukwa ndundo, kole ni mwongo, keshi katonde, chipwe keshi kutambula chindo, ka.

Izaya 1:17

lilongesenu kulinga yipema; fupenu ululi; yulenu uswi; fungenu ana-ashiwa, hakwilenu tuliwa.

Longeshi 7:7

Pundu kufwetesa naye chakwalumuna mukwa mana akapwe chihepuke, ni chindo kuyakulumbula yinyingi.

Yishima 24:23

Yino nawa yambo ya mukwa mana. Kupwa ni katonde ha kupatula, kuchapemene.

Shimbi 27:19

Kashingiwa mutu yoze mahengesa upatwilo wa chilambala, ni wa shiwa, ni wa twamishi. Atu eswe até ngwo, Amene.

Yilinga 23:3

Hohene Paulu wambile kuli iye ngwenyi, Zambi kumakakulamba, yena unapu ngwe yishimi ya kutomesa ni pemba; yena kumanyi, unatwama ukangusopese nikulita ni shimbi, mba nikutangula shimbi unambe angulambe, nyi?

Yilinga 16:37

Alioze Paulu wambile kuli ayo ngwenyi, Kanatulambe kumeso ja atu eswe, kutushi chitela, yetu tuli A-Roma, hanaumbila mu zuwo lia ususu; ni haliapwila kanatumbila haze ku tenga, nyi? Ka wate; alioze eze ayo ene akatutwale haze.

Yilinga 10:34

Mba Petulu Wapakwile kanwa lienyi, wambile ngwenyi, Chamwenemwene ngunamono Zambi keshi katonde:

Mika 7:3

Moko jo kakukwata ku chuma chipi achilinge ni mbunge yeswe. Ni mulemu ni ngaji eswe kakwita chindo; ni mutu munene kakwamba usolo upi wa muchima wenyi. Chocho kakuyiseleka yeswe hamuwika.

Ezekiel 22:12

Hakachi kenu atu matambula chijiko akamwange manyinga. Nwakutambula mbwezo ni upite, ni kufumbula kuli enyembo jenu ni mbenga, ni yami hinwanguvulama. Chocho kanambe Mwene Yehova.

Jeremia 5:28

Hatoha, hasenena. Keshi ni haze mapwisa ha kulinga ungulungulu; Kapatwile ni kulita chikuma cha ana-shiwa chikawahe; keshi kufunga chize chinalite kuli yiswale.

Izaya 33:15

Yoze kakwenda ni ululi nikuhanjika chize chinate; yoze kakulelesa upite uze unakatuka ku kupinjisa akwo, kakusakumuna moko jenyi kuchina makwata ku chijiko, kakujika matwi jenyi kuchina mevwa yuma ya kumwanga manyinga, kakutuka meso jenyi kuchina mamona uhenge.

Izaya 1:23

Alemu jenu o akwa kukolema, masepa je eji. Mutu mweswe kanazange chindo, kakufupa chijiko. Kafungile ana-ashiwa, ni chikuma cha tuliwa kuchaahetele.

Yishima 24:28

Kanda upwa chela wa kuhisa mukwenu chitela chakuhi; kanda wonga ni mivumbo ye.

1 Samuel 12:3

Yami uno. Shindakenyenu ha kutwala kuli yami kumeso ja Yehova ni kumeso ja yono hanawayisa. Ngombe jaya natambula? Hanji chimbulu? ya mbongo, iya? Napinjisa iya? Kuli iya natambula chindo ngujike nacho meso jami? Ambenu nguchihilwise.

1 Samuel 8:3

Anenyi kendele mu ndako ja tato. Apiasukile nikukaula upite. Atambwile chindo nikuhongesa upatwilo.

Kutuhuka 18:21

Chikwo nawa ukalitalile malunga yitakame a kuli atu, a kuvwila woma Zambi, malunga amwenemwene, a kuvwila lwaji chipululu. Ukaapwise miata jo; akapwe akwa kuyula tununu twa atu, akwa kuyula makulakaji, akwa kuyula makumi atano, akwa kuyula kumi lia atu.

Kutuhuka 23:3

Chipwe kanda ukalemesa chiswale ni chikuma chenyi.

Shimbi 16:18

Ni ngaji ni yilolo nulisakwilo mu yihunda yenu yeswe, Yehova Zambi yenu ananweheyo, nikulita ni minyachi yenu, o akayule atu ni upatwilo wa ululi.

1 Samuel 8:1

Muze Samuel wakukwokele wapwishile anenyi a malunga akwa kuyula A-Izalele.

Miaso (Masamu) 15:5

Yoze keshi kuhana mbongo jenyi ha mbwezo; keshi kutambula mbongo ja kuhisa yoze keshi mulonga. Yoze wakulinga yino yuma keshi kukokoloka nilimwe tangwa. Mikatame ya David.

Yishima 15:27

Mukwa chipululu kakupinjisa zuwo lienyi mwene; alioze yoze keshi kuzanga yawana matwama ni mwono.

Yishima 18:5

Kupwa ni katonde kuli chingulungulu kuchapemene; chipwe kuhisa mukwa ululi ha upatwilo.

Yishima 31:5

Kuchina manwa mba mavulama shimbi akahengese upatwilo wa umwe mukwa kuyindama.

Shimbi 27:25

Kashingiwa mutu yoze matambula chindo hanga ashihe mukwa kusamba. Atu eswe até ngwo, Amene.

Ezekiel 18:8

keshi kuhana mbongo ha mbwezo hanji ha kulifumbula chimwe; kakuchiza kwoko lienyi ku uhenge; kakupatula ni ululi wamwenemwene hakachi ka mutu ni mutu;