Shimbi 16:14 - MUKANDA USANDU WA ZAMBI 1975

¹⁴ Nuwahilile ku chiwanyino chenu, ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi, ni njize, ni shiwa, ni twamishi ali mu yihunda yenu.

Mukanda Wa Zambi 1970

¹⁴ Nukawahilila hamwe ni ana ni akwa milimo jenu, ni Alevi ni mapwo waze haanafwisa malunga, ni shiwa ni yilambala, waze atwama mu membo jenu.

Shimbi 16:14 Iomraidhean Croise

Estere 9:22

Mumu e matangwa A-Yunda awanyine uhwimino kuli akwa kole jo. Mwe kakweji walumwine chinyengo chikapwe chiseke, ni tangwa lia kulinyenga mu tangwa lia kuwaha. Ngwenyi, Asele matangwa ano matangwa a kulia ni chiseke, ni a kutuma yihanda umwe kuli mukwo ni mukwo, ni yawana kuli yiswale.

Longeshi 9:7

Yako ukalie mbolo ye ni uwahililo; nwako vinyu ye ni mbunge ya chiseke, mumu Zambi hanatayiza kulu chize unalingi.

Izaya 30:29

Kumunukapwa ni mwaso ngwe wa ha Ufuku muze munupwa ni chiwanyino chisandu. Munukapwa ni chiseke cha mbunge ngwe umwe kanakatuka ni liji lia lundembo akaye ku mulundu wa Yehova, kuli Luliwe lwa Izalele.

Izaya 35:10

Kule ja Yehova makahiluka nikwiza ku Zaione nikwimba, ni uwahililo wa mutolo ha mitwe yo. Kumakawana uwahililo ni chiseke; mba chinyengo ni mikuma muyikachina.

Joele 1:16

Yifwo hanayitete kumeso jetu. Chiseke ni uwahililo hanayitete ku zuwo lia Zambi yetu.

Shimbi 12:12

Nukawahilile kumeso ja Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, se o keshi chihanda chipwe chihinga hamwe ni yenu.

Shimbi 14:29

A-Levi mumu te o keshi chihanda chipwe chihinga hamwe ni yenu, ni njize, ni shiwa, ni twamishi aze ali mu yihunda yenu, aye, alie, ni kukuta, hanga Yehova Zambi yenu anuwahise ku milimo yeswe ya moko jenu munulinga.

Shimbi 16:11

Nuwahilile kumeso ja Yehova Zambi yenu, ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, ni njize, ni shiwa, ni twamishi ali hakachi kenu, kuze Yehova Zambi yenu matongola kusa jina lienyi.

Shimbi 16:15

Nulinge chiwanyino kuli Yehova Zambi yenu matangwa shimbiali kuze Yehova matongola. Nuwahilile wika mumu Yehova Zambi yenu kumakanuwahisa ku kwoka cheswe cha mbuto jenu ni ku milimo yeswe ya moko jenu.

Shimbi 26:11

Nukawahilile ni yeswe yipema Yehova Zambi yenu hananweheyo, ni akwa mazuwo jenu, ni yenu, ni Ka-Levi, ni njize yoze uli mukachi kenu.

1 Tesalonika 5:16

Wahililenu matangwa eswe.