Shimbi 16:13 - MUKANDA USANDU WA ZAMBI 1975

¹³ Nulinge chiwanyino cha yisakila matangwa shimbiali, ha kumana kukunga ya ku yizungwilo yenu ni ya ku ukamino wenu wa uva.

Mukanda Wa Zambi 1970

¹³ “Muze hinwakunga mbuto jenu jeswe ni kukama vinyu yenu yeswe, nukalinga chiwanyino cha Yikulika ha matangwa shimbiali.

Shimbi 16:13 Iomraidhean Croise

2 Sango Ja Mianangana 5:3

Mba malunga eswe a Izalele yakungulukila kuli mwanangana ha matangwa a chiwanyino ha kakweji wamuchishimbiali wa mwaka.

2 Sango Ja Mianangana 8:13

nikulita ni uvumbiko wa tangwa ha tangwa. Yalambula nikulita ni shimbi ya Mose, ha masambata, ni ha kakweji mwaha, ni ha yiwanyino ya kutongola, katatu ha mwaka, ngwami, chiwanyino cha mbolo kuyishi futunwiso, ni chiwanyino cha masemana, ni chiwanyino cha yisakila.

Ezra 3:4

Yafunga nawa chiwanyino cha yisakila, ngwe chinasonewa; yalambula milambu ya kulumba ya tangwa ha tangwa nikulita ni shimbi, ngwe aaselelecho cha tangwa ha tangwa.

Kutuhuka 23:16

Chiwanyino cha kuhela mbuto, (mbuto yitangu ya ku kuhondangana che), wakulima ku munda, ni chiwanyino cha kukungila mbuto ha kuhwa cha mwaka, muze mukunga ya ku kuhondangana che ku munda.

Kutuhuka 34:22

Ukafunge chiwanyino cha masemana, cha tiliku yitangu ya kulianga kuhia. Ukafunge nawa chiwanyino cha kukungila mbuto ha kuhwa cha mwaka.

Jeremia 40:10

Nyi yami, mungutwama mu Mizepa ngukanuhanjikile kuli A-Kaletea waze meza kuli yetu, alioze yenu kungululenu vinyu, ni mihuko ya lwiza, ni maji, nukayitulikile mu yikwachilo yenu, nukatwame mu yihunda yenu yize hinwatambula.

Kwalula 15:20

Nukalambule kuli Yehova chandanda cha ku mwaha wenu utangu, chikapwe mulambu wa kuzundula, ngwe mulambu wa kuzundula wa ku chizungwilo chocho munuulambula.

Yoano 7:2

Achi, chiwanyino cha A-Yunda, chiwanyino cha yisakila, chapwile hakamwihi.

Shimbi 31:10

Mose yaamba ngwenyi, Ha kusula cha miaka shimbiali, miaka shimbiali, ha mwaka wa kutusula, ha kakweji wa kutongola, ha chiwanyino cha yisakila,