Shimbi 16:11 - MUKANDA USANDU WA ZAMBI 1975

¹¹ Nuwahilile kumeso ja Yehova Zambi yenu, ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, ni njize, ni shiwa, ni twamishi ali hakachi kenu, kuze Yehova Zambi yenu matongola kusa jina lienyi.

Mukanda Wa Zambi 1970

¹¹ Nukawahilila ku meso ja Mwene Zambi, Zambi yenu, hamwe ni ana ni akwa milimo jenu, ni Alevi, ni mapwo waze haanafwisa malu nga, ni shiwa, ni yilambala waze atwama mu membo jenu. Nukachilingila he homa hamuwika ha kuwayila.

Shimbi 16:11 Iomraidhean Croise

Kutuhuka 20:24

Ukangutungile chilumbilo cha mavu. Ukalambwileho milambu ye ya kulumba ni milambu ye ya sambukila, ni mapanga je ni ngombe je. Mu yihela yeswe kuze mungukaewulwisa jina liami kumungukakundama kuli yena. Kumungukakuwahisa.

Izaya 64:5

Ena wakutakana ni yoze malinga ululi nikuwahilila, ni waze akwiwuluka ndako je. Ena watenukine, ni yetu twavulumwine; twatwamine shimbu linene mu milonga yetu, mba makatulamwina?

Joele 1:16

Yifwo hanayitete kumeso jetu. Chiseke ni uwahililo hanayitete ku zuwo lia Zambi yetu.

Habakuke 3:18

hindu munguwahilila muli Yehova; mungulikwiza muli Zambi ya ulamwino wami.

A-ROMA 5:11

hi chize wika ko, alioze twakulisamba muli Zambi kuli Mwene wetu Yesu Kristu, kuli iye haliapwila hitunatambula uwanyino.

2 Korintu 1:24

Kuchapwile ngwe twakuyula Ufulielo wenu, alioze tuli yikwashi ya uwahililo wenu: mumu ku Ufulielo nunamana.

Shimbi 12:12

Nukawahilile kumeso ja Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, se o keshi chihanda chipwe chihinga hamwe ni yenu.

Shimbi 12:18

Alioze nukayilile kumeso ja Yehova Zambi yenu kuze makatongola Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, nukawahilile kumeso ja Yehova Zambi yenu ni yeswe munulinga ni moko jenu.

Shimbi 12:5

Alioze kuze Yehova Zambi yenu manutongwela ku minyachi yenu yeswe mukusa jina lienyi, te matwama iye, nukafupeko.

Shimbi 12:7

Munukalilako kulia kumeso ja Yehova Zambi yenu, nukawahilile ni yeswe munukalinga ni moko jenu; ni yenu, ni akwa mazuwo jenu, ni yuma yeswe hananuwahishilamo Yehova Zambi yenu.

Shimbi 14:29

A-Levi mumu te o keshi chihanda chipwe chihinga hamwe ni yenu, ni njize, ni shiwa, ni twamishi aze ali mu yihunda yenu, aye, alie, ni kukuta, hanga Yehova Zambi yenu anuwahise ku milimo yeswe ya moko jenu munulinga.

Shimbi 16:10

Nulinge chiwanyino cha masemana kuli Yehova Zambi yenu nikumbata ha moko jenu mulambu wa mbunge, nuuhane nikulita ngwe anuwahishile Yehova Zambi yenu.

Shimbi 16:14

Nuwahilile ku chiwanyino chenu, ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi, ni njize, ni shiwa, ni twamishi ali mu yihunda yenu.

Shimbi 26:11

Nukawahilile ni yeswe yipema Yehova Zambi yenu hananweheyo, ni akwa mazuwo jenu, ni yenu, ni Ka-Levi, ni njize yoze uli mukachi kenu.

Filipu 4:4

Wahililenu muli Mwene matangwa eswe: cheka nawa mungwamba ngwami, Wahililenu.