Shimbi 15:6 - MUKANDA USANDU WA ZAMBI 1975

⁶ Mumu Yehova Zambi yenu kumakanuwahisa, ngwe anulakenyene, munukahana mikuli ku mavungu anji, ahoze kanda nukatambula mikuli. Munukayula mavungu anji, alioze o kechi kayula yenu.

Mukanda Wa Zambi 1970

⁶ Mwene Zambi, Zambi yenu, makanuwahisa ngwe chize alakenyene. Munukasondamisa mavungu anji, alioze yenu kunuchi kasondama nichimwe. Yenu munukayula mavungu anji, alioze yenu vungu nilimwe mulikanuyula.

Shimbi 15:6 Iomraidhean Croise

1 Yitanga Ya Mianangana 4:21

Solomone wayulile yifuchi yeswe chize ku mwe Lwiji ndo ku chifuchi cha A-Filistea ni ndo ku njiza ya Engitu. Yaneha milambu nikulingila Solomone matangwa eswe a mwono wenyi.

1 Yitanga Ya Mianangana 4:24

Mumu te kali ni chiyulo cha chifuchi cheswe sali lino lia mwe Lwiji chize ku Tifesahe ndo ku Ngeza, helu lia mianangana eswe sali lino lia mwe Lwiji. Kwapwile kuhwima kweswe kwa kumujingilika.

1 Sango Ja Mianangana 17:27

Kashika wahisa kama munyachi wa kavumbi ke ukalinduluke kumeso je wa mutolo. Mumu yena Yehova hiwauwahisa, Ukawahe ku miaka yeswe.

2 Sango Ja Mianangana 9:26

Aye wayulile helu lia mianangana eswe chize ku Lwiji ndo ku chifuchi cha A-Filistea ni ku njiza ya Engitu.

Ezra 4:20

Kwapwile nawa mianangana a ndundo mu Yerusaleme akwa kuyula chifuchi cheswe lize sali lia Lwiji nikutambula milambu, ni lijimu, ni mwombo.

Nehemia 9:27

Kashika waakunjikile kuli akwa kulimika no. O aapinjishile mba ha mwaka wa lamba lio, muze atetele kuli yena, ena mwilu waapanjikile; mba nikulita ni keke ye yeka ni yeka waatumine yilamwina waze aalamwinyine ku moko ja akwa kulimika no.

Miaso (Masamu) 112:5

Chapwa chipema kuli yoze malinga ni vumbi nikuhana kuli akwo; kumakamuhakwila chikuma chenyi ha usopelo.

Miaso (Masamu) 37:21

Yingulungulu kakulambula alioze keshi kuhilwisa, alioze akwa ululi kakulinga ni vumbi, kakuhana lume.

Miaso (Masamu) 37:26

Tangwa lieswe iye mukwa vumbi; kakuhana, mba munyachi wenyi muukawaha.

Yishima 22:7

Pichi kakuyula chiswale ni mukwa kutambula mukuli mapwa ndungo ya mwenya mukuli

Luka 6:35

Alioze zangenu akwa kole jenu, lingenu yipema kuli ayo, hanenu mukuli, kanda nutalatala chize mahilwisa; ni kwononona chenu kumuchikapwa chinene; kumunukapwa ana ja mwe Chitunda: mumu iye mukwa utu kuli akwa kaleleso ni yingulungulu.

Shimbi 15:5

nyi munupanjika kanawa ku liji lia Yehova Zambi yenu, ni kukanyama kulinga liji lino lieswe ha shimbi ngunanwambelio musono.

Shimbi 28:44

Iye makahana mikuli kuli yenu, yenu kunuchi kahana mikuli kuli iye. Iye makapwa mutwe; yenu munukapwa muchila.