Shimbi 15:4 - MUKANDA USANDU WA ZAMBI 1975

⁴ Hindu kanda kupwa kuli yenu chiswale niumwe, mumu chamwenemwene Yehova makanuwahisa mu chifuchi ananwehecho kuli Yehova Zambi yenu, chikapwe chihinga, nukachizuke,

Mukanda Wa Zambi 1970

⁴ “Mwene Zambi, Zambi yenu, makanuwahisa mu chifuchi chize ananwehe. Niumwe wa kuli atu jenu kechi kabwa chiswale,

Shimbi 15:4 Iomraidhean Croise

Yishima 14:21

Mukwa kulelesa mwenyembo wenyi kanavulumuna; alioze kawaha yoze mavwila keke yiswale.

Yishima 28:27

Mukwa kuhana kuli yiswale kechi kahona; alioze mukwa kufuka meso jenyi mapwa ni mashingo anji.

Shimbi 14:29

A-Levi mumu te o keshi chihanda chipwe chihinga hamwe ni yenu, ni njize, ni shiwa, ni twamishi aze ali mu yihunda yenu, aye, alie, ni kukuta, hanga Yehova Zambi yenu anuwahise ku milimo yeswe ya moko jenu munulinga.

Shimbi 15:5

nyi munupanjika kanawa ku liji lia Yehova Zambi yenu, ni kukanyama kulinga liji lino lieswe ha shimbi ngunanwambelio musono.

Shimbi 28:11

Yehova makanuwahisa ni yikumba, ni ana a mijimba yenu, ni ana a yimuna jenu, ni mbuto ya mavu jenu, mu chifuchi chize Yehova walishingile kuli tulamba twenu kunwahacho.

Shimbi 3:18

Yingunwamba ha mwaka uze ngwami, Yehova Zambi yenu hananwehe chifuchi chino chihinga. Munuzauka ni yitwa yenu kumeso ja akwenu, A-Izalele, malunga eswe a hamu.

Shimbi 4:21

Chikwo nawa, Yehova yatenuka ni yami mumu hali yenu, yalishinga ngwenyi, Kuchi kuzauka Yordau hanji kunjila mu chifuchi chize chipema, Yehova Zambi yenu ananwehecho, chikapwe chihinga.