Shimbi 15:10 - MUKANDA USANDU WA ZAMBI 1975

¹⁰ Chamwenemwene nukamwehe, mbunge jenu kanda jivwa kupiha ha kunwahacho, mumu te ha chuma chino Yehova Zambi yenu makanuwahisa ku milimo yenu yeswe ni ku yeswe munulinga ni moko jenu.

Mukanda Wa Zambi 1970

¹⁰ Mwehenu ni mbunge yibema kanda nwivwa kubiha, hanga Mwene Zambi, Zambi yenu, anuwahise mu yeswe yize munulinga.

Shimbi 15:10 Iomraidhean Croise

Yishima 22:9

Yoze uli ni liso lia chihanyi mamuwahisa, mumu kakuhana kulia chenyi kuli yiswale.

Longeshi 11:1

Mbila mbolo ye ha meya, mumu muyiwana nawa kulutwe lia matangwa anji.

Izaya 32:8

Alioze mutu wa mbunge yipema kakunyonga yuma yipema, ni ku yuma yipema kanajikijila.

Izaya 58:10

nyi munukalizukula kuli akwa zala, ni kuyukisa akwa lamba, henaho pangu lienu mulikavumbuka mu milima, ni milima yenu muyipwa ngwe tangwa ha muchima.

Mateu 25:40

Mwanangana makaakumbulula ngwenyi, Pundu ngwami, Mumu te nwachilingile kuli umwe wa kuli akepe ahiana eswe a kuli wano mandumbu jami, nwachilingile kuli yami.

Yilinga 20:35

Mu yuma yeswe nanuhele cheseko, ngwe nikukilikita chocho, Chanutamba kukwasa akwa ulelu, nikwiwuluka maliji a Mwene Yesu, iye mwene wambile ngwenyi, Chinawaha kutambula alioze Shinaho kuhana.

A-ROMA 12:8

hanji yoze wakushinjila maliji, akashinjile; yoze wakulianyina, akahane nikuvungumiona; ni yoze wakusongwela asongwele ni mbunge yeswe; yoze wakulweza keke, akalweze keke nikusehejela.

Shimbi 14:19

Ni tututu eswe a mapulwa anapu a luchisa kuli yenu, kanda nwalia.

Shimbi 14:29

A-Levi mumu te o keshi chihanda chipwe chihinga hamwe ni yenu, ni njize, ni shiwa, ni twamishi aze ali mu yihunda yenu, aye, alie, ni kukuta, hanga Yehova Zambi yenu anuwahise ku milimo yeswe ya moko jenu munulinga.

Shimbi 15:18

Kanda chipwa chikalu kuli yena ha kumutusula kuli yena, mumu iye hanakuvumbika miaka yisambano, ngwe milimo ya kufweta ngamba aali. Yehova Zambi ye kumakuwahisa ku yeswe mulinga.

Shimbi 15:4

Hindu kanda kupwa kuli yenu chiswale niumwe, mumu chamwenemwene Yehova makanuwahisa mu chifuchi ananwehecho kuli Yehova Zambi yenu, chikapwe chihinga, nukachizuke,

Shimbi 23:20

Munuhasa kuhana makongo kuli tundaka nutambule mbwezo. Alioze kuli mukwenu kanda nuhana makongo mukutambula mbwezo, hanga Yehova Zambi yenu akanuwahise ni yeswe nunalingi ni moko jenu, mu chifuchi nunayi mukuzuka.

Shimbi 24:19

Ha kucha mbuto jenu mu munda, nyi munuvulama chichita chimwe mu munda, kanda nuya nawa nuchisake, chikapwe cha yilambala, cha shiwa, cha twamishi, hanga Yehova Zambi yenu akanuwahise mu milimo yeswe ya moko jenu.

Shimbi 28:8

Yehova kumakanuwahisa ku machila jenu, ni ku yuma yeswe munulinga ni moko jenu. Iye makanuwahisa mu chifuchi chize Yehova Zambi yenu ananwehecho.

Hebreu 13:16

Alioze kulinga yipema, ni kulianyina, kanda nuvulama; mumu ni yitapo ngwe yino Zambi kakuwahilila chikolo.

1 Petulu 4:11

Kachi umwe mahanjika ahanjike ngwe iye liji lia Zambi; kachi umwe mavumbika, avumbike ngwe ku ngolo jize akumwaha Zambi: hanga mu yuma yeswe achichimieke Zambi ku tachi ja Yesu Kristu, yoze uhenya ni ndundo niyenyi ndo ku miaka yeswe ya mutolo. Amene.