Shimbi 14:1 - MUKANDA USANDU WA ZAMBI 1975

¹ Enu nuli ana ja Yehova Zambi yenu. Kanda nulichata, chipwe kulitewula ha mahuma jenu hali afu, ka.

Mukanda Wa Zambi 1970

¹ “Yenu nuli a mbala a Mwene Zambi. Kashika muze nuli ni kufwa, kanda nulichata hanji kulitewula ha mahuma jenu, ngwe chize akulinga mavungu akwo.

Shimbi 14:1 Iomraidhean Croise

Ubutukilo 6:2

ana a Zambi a malunga amwene ana a mapwo ja atu ngwo, Apema, kashika ambachile mapwo hakachi ka waze eswe azangile.

Ubutukilo 6:4

Kwapwile yindululu hashi ha matangwa aze. Mba kulutwe nawa muze ana a malunga a Zambi anjilile kuli ana ja atu a mapwo, o aasemenene ana. Ana aze apwile akwa ndundo a shakulu; akwa lufuma.

1 Yitanga Ya Mianangana 18:28

O yatambika nikulipulapula ni poko ni kunga nikulita ni ndako jo ndo manyinga apukumukine hali ayo.

Izaya 63:16

Mumu yena uli Tata, chipwe Apalahama katunyingikine, chipwe Izalele katutayijile. Yena Yehova, uli Tata. Chize ku shakulu jina lie ngwo, Mukwa-Kutukula.

Jeremia 16:6

Ni anene ni akepe mafwa mu chifuchi chino. Kechi kwafunda; kechi kwalila; niumwe malilemeka mumu hali ayo chipwe kulitewula.

Jeremia 3:19

Nangyonga chize mungukusa hakachi ka ana jami a malunga nikukwaha chifuchi chipema, chihinga chahiana kuwaha hakachi ka mavungu eswe. Nanyonga ngwami, Mangutongola ngwenyi, Tata. Mangukaula, kechi kapianguka.

Jeremia 31:9

Meza nikulila, mungwakoka ni kwalembejeka. Mungwaendesa ku yitwetwe ya meya mu jila yimwe yalulama muze kechi katalinga; mumu nguli tato kuli A-Izalele. Eframe mwe mwanami mutangu.

Jeremia 41:5

makumi nake a malunga yaheta a kukatuka ku Shekeme, ni Shilo, ni Samaria, ni wevu wo wa kutewula ni mazalo a kupulapula, ni mijimba yo ya kulemieka. Kananeha te milambu ya wunga ni insensu akayilambule ku tembele ya Yehova.

Jeremia 47:5

Ngeza hapwa ni lwole, Asekalone hanonga. Enu masalila ja A-Anake, ndo mwiji muka munulitetateta?

Hosea 1:10

Hindu kwalula cha A-Izalele muchipwa ngwe masekeseke a ku kalunga-lwiji aze kechi kuhasa kwaeseka hanji kwaalula, mba kuze ambile kuli ayo ngwo, Hi nuli atu jami ko, kwenako mamba kuli ayo ngwo, Nuli ana ja Zambi ya mwono.

Alevi 21:5

Kanda alitewula kawewe, hanji kuteta chihanda cha wevu, hanji kulitetateta ha mujimba wenyi.

Yoano 1:12

alioze kuli waze eswe amutambwile wahanyine chiyulo cha kupwa ana a Zambi, te kuli waze akufuliela ku jina lienyi;

Yoano 11:52

ni hi vungu wika ko, alioze hanga akakungulule nawa kuli umuwika ana a Zambi waze anamwangana.

A-ROMA 8:16

Spiritu iye mwene kakushindakenya hamwe ni Spiritu yetu, ngwenyi, Nuli ana a Zambi.

A-ROMA 9:26

Mba kumuchikapwa muma muze achambile kuli ayo ngwo, Yenu hi nuli atu jami ko, muze mwene kumakaavuluka ngwo, Nuli ana a Zambi ya mwono.

A-ROMA 9:4

o A-Izalele; waze aapwishile ana, ni uhenya, ni usendo, ni kuhana cha shimbi nicho; ni uvumbiko wa Zambi, ni yilakenyo;

A-ROMA 9:8

Te hi ana a musunya ko anapu ana a Zambi; alioze ana a chilakenyo kanaalula ngwo, Munyachi.

2 Korintu 6:18

mungukapwa kuli yenu Tatenu, yenu munukapwa kuli yami, anami a malunga ni anami a mapwo, chocho anambe Mwene Mukwa-Ndundo-Jeswe.

Galashia 3:26

Mumu yenu eswe muli Kristu nuli ana a Zambi ku Ufulielo.

Shimbi 13:18

ha kuzeya ku liji lia Yehova Zambi yenu mukufunga maliji jenyi a shimbi eswe ngunanwambe musono, mukulinga chize chinate kumeso ja Yehova Zambi yenu.

Shimbi 32:6

Chocho munukundulula kuli Yehova, enu atu a uhepuke ni lwelia? Te hi tatenu ko? Yoze wanutangile, wanuwumbile, wanukolesele?

1 Tesalonika 4:13

Alioze kutwazangile nukalajale, mandumbu, ha kutwala kuli waze hanayi tulo; kunuchi kevwa chinyengo ngwe akwo waze keshi kutalatala.

Hebreu 2:10

Mumu yoze, hali iye yuma yeswe kuyili, ni kuli iye yuma yeswe yakatuka, ha kuneha ana anji ku uhenya, chatamba kaputu ka ulamwino wo akamupwise mungunu ha kumona lamba.

1 Yoano 3:10

Muno kanasoloka ana a Zambi, ni ana a Ndiapu: mweswawo keshi kulinga ululi hi wa kuli Zambi ko, ni yoze keshi kuzanga ndumbwenyi.

1 Yoano 5:2

Ku chino tunanyingika tunazange ana a Zambi, muze tunazange Zambi, ni muze tunafungu shimbi jenyi.