Shimbi 13:6 - MUKANDA USANDU WA ZAMBI 1975

⁶ Kachi yayenu, hanji mwanakwenu, ana ja noko, hanji ana je a malunga, hanji ana je a mapwo, hanji pwo lie wamuzanga, hanji sepa lie wamuzanga ngwe mbunge ya yena mwene, makusongojola ku tenga ngwenyi, Tatuye, tuvumbike tuzambi tweka, yena kwatunyingikine, ni yena, chipwe akakenu;

Mukanda Wa Zambi 1970

⁶ “Tangwa likwo yayenu, hanji mwane wa lunga hanji wa pwo, hanji pwo yoze wakuzanga kuhiana, chibwe sepa lie yoze wakuzanga kuhiana, makutwala ku tenga ha kuwayila mazambi eka, waze yenu hanji tushakulu twenu kanda nuchiwayila kama.

Shimbi 13:6 Iomraidhean Croise

Ubutukilo 16:5

Serai yamba kuli Apalama ngwenyi, Chipi chami chikapwe hali yena; ami nahanyine ndungo yami wa pwo mu tulo ye, mba muze iye hamona ufumba kanangulelesa. Kashika Zambi akapatule hakachi ka yena ni yami.

2 Samuel 1:26

Yaya Jonatas, ngunalifwichi mu mbunge mumu hali yena. Wapwile mupema chikolo kuli yami. Zango lie liapwile lia kukomwesa; liahianyine zango lia mapwo.

1 Yitanga Ya Mianangana 18:40

Eliya yamba kuli ayo ngwenyi, Kwatenu aprofeta a Mbale; niumwe kanda omboka. Yaakwata, mba Eliya yaatwala ku chitwetwe Kishone yaashihilako.

1 MIANANGANA 11:18

Mba atu eswe a chifuchi yapalumuka ku zuwo lia Mbale; yalipuzula. Yapalwola yipalupalu yilumbilo ni tuponya; Matane sasendote ya Mbale yamushihila kulutwe lia yilumbilo. Mba mwe sasendote yasela tupitau helu lia zuwo lia Yehova.

2 Sango Ja Mianangana 15:13

ni mweswawo kechi kufupa Yehova Zambi ya Izalele akamushihe, apwe mukepe, apwe munene, apwe lunga, apwe pwo.

2 Sango Ja Mianangana 23:17

Atu eswe yaya ku zuwo lia Mbale, yalipuzula. Yapalwola yipalupalu yilumbilo venyi ni tuponya twenyi, ni kushiha Matane sasendote ya Mbale kulutwe lia yilumbilo.

Jobe 31:27

mba mbunge yami yongoloka muchima, ngumbeje kwoko liami ni kanwa,

Kutuhuka 13:3

Mose yamba kuli atu ngwenyi, Iwulukenu lino tangwa muze nwakatukile ku Engitu, ewa ku zuwo lia upinji, mumu Yehova yanuchiza ku chihela chize ku tachi ja kwoko lienyi. Kanda nukalia mbolo niyimwe ya futunwiso.

Kutuhuka 32:27

Iye yamba kuli ayo ngwenyi, Chocho anambe Yehova Zambi ya A-Izalele ngwenyi, Lunga mweswe alipakate katana kenyi, aye ndusu mu chilombo ku chikolo ni chikolo. Lunga mweswe ashihe mwanakwo chipwe yayo. Lunga mweswe ashihe sepa lienyi. Lunga mweswe ashihe mwenyembo wenyi.

Yishima 18:24

Yoze malizukila masepa anjianji malikokela kwonwona; alioze kwali sepa umwe wakulalaminya kuhiana yoze wasemuka nenyi.

Yishima 5:20

Mumu kuchi te ena mwanami, muliwahise ni pwo weka? Kuchi te mukwata ku tulo ya kandaka?

Jeremia 28:15

Mba profeta Jeremia yamba kuli profeta Hanania ngwenyi, Panjika Hanania, Yehova kakutumine alioze yena hiwakoka akwa vungu lino akafuliele mahuza.

Jeremia 28:16

Kashika Yehova kanambe ngwenyi, Mungukuchiza hano hashi. Mwaka uno wene kumuofwa mumu hiwamba yuma ya kukatukila Yehova.

Jeremia 44:3

mumu ha ungulungulu uze alingile nikungwihia ngutenuke, ha kuya nikwocha insensu ni kulingila mazambi eka aze kaanyingikine, chipwe o, chipwe yenu, chipwe tulamba twenu.

Zakaria 13:3

Mba nyi umwe masoloka nawa ngwenyi, Yami profeta, tato ni naye waze amusemene, makamba kuli iye ngwo, Kuchi kutwama ni mwono, mumu unahanjika mahuza mu jina lia Yehova. Mba tato ni naye waze amusemene makamutuwa ndusu muze maprofeteza.

2 Korintu 5:16

Kashika, chize ku haliapwila ndo ku miaka, kutushi kunyingika niumwe nikulita ni musunya: chipwe kachi twanyingikine Kristu nikulita ni musunya, hindu haliapwila kutwamunyingikine chocho nawa.

Galashia 2:4

Alioze mumu hali mandumbu a kwonga aanjishile ku tenga, eno anjilile ku tenga mukutala ngwe ngendeshi utuswilo uze tuli nawo muli Kristu Yesu, hanga akatutwale ku undungo;

Efesu 4:14

hanga kutuchi kapwa ana-akemba nawa, ngwe tukahunguke ni mikanya ni kuhungumioka kweka ni kweka ni fuji yeswe ya longeso, ku kwonga cha atu ni unjiliji nikulita ni maliji a kuhengesa;

Shimbi 11:32

nukanyame, nulinge yiyulo yeswe ni upatwilo ngunase kumeso jenu musono.

Shimbi 13:2

mba che chilayi, hanji che chikomokeso muchiza kupwa ngwe iye te hamba kuli yenu ngwenyi, Tukaulenu tuzambi tweka tutuvumbike, enu kunwatunyingikine;

Shimbi 13:7

tuzambi twa mavungu anakujingilika, hehi ni yena, hanji kusuku ni yena, chize ku songo limwe lia hashi ndo ku songo likwo lia hashi,

Shimbi 17:12

Mutu yoze malengumuka, kechi kupanjika kuli sasendote akumana kuvumbika kumeso ja Yehova Zambi yenu, hanji kuli ngaji, iye afwe. Chocho munukatwisa che chipi hakachi ka A-Izalele.

Shimbi 18:20

Alioze profeta mweswe mahanjika liji lia kulengumuka mu jina liami, ami chamwambilelio kuhanjika, hanji mahanjika ni jina lia tuzambi tweka, profeta yoze afwe.

Shimbi 19:19

munulinga kuli iye chizechene ngwe iye amba kulinga kuli mukwo, chocho nukakatwise che chipi mukachi kenu.

Shimbi 21:21

Malunga eswe a limbo lize amwase mawe afwe, chocho munukatwisa chipi mukachi kenu, A-Izalele eswe evwe, apwe ni woma.

Shimbi 22:21

ahetese mwana-pwo ku chikolo cha zuwo lia tato, malunga a limbo lienyi amwase mawe, hanga afwe, mumu te iye hanalingi uhepuke mu Izalele, hapwa chikoi mu zuwo lia tato. Chocho munukatwisa che chipi mukachi kenu.

Shimbi 24:7

Kachi mawana mutu uneyi umwe wa kuli usoko wenyi, wa A-Izalele, mamupwisa ngwe ndungo, hanji mamulanjisa; mwe mwiji afwe. Chocho munukatwisa che chipi mukachi kenu.

Shimbi 28:54

Lunga mukwa sonyi ni mukwa ngenye hakachi kenu, meso jenyi makapwa api kuli mukwo, ni kuli pwo yoze amuzanga, ni kuli ana jenyi anamusalila.

Shimbi 29:18

Kuchina mukupwa mukachi kenu lunga, hanji pwo, hanji akwa jiko limwe, hanji munyachi, mbunge yenyi yinatewuluka musono kuli Yehova Zambi yetu, nikuya, nikuvumbika tuzambi twa mavungu aze, kuchina mukupwa mukachi kenu muji umwe unemi kasashisa ni musase.

Shimbi 8:14

hanji mbunge jenu mujikazunduka, munukavulama Yehova Zambi yenu wanuchijile mu chifuchi cha Engitu, ku zuwo lia upinji.

Kolosu 2:4

Chino ngunambe, hanga niumwe kanda anwonga ni maliji a kulembejeka.

Yoshua 7:13

Katuka! Selenu e atu ku usandu. Amba ngwe, Liselenu ku usandu ha tangwa lia hamene. Mumu chocho kanambe Yehova Zambi ya Izalele ngwenyi, Yuma yajila kuyili hakachi kenu A-Izalele. Kunuchi kuhasa kumana kumeso ja akwa kole jenu ndo munuchiza yino yuma yajila hakachi kenu.

2 Petulu 2:1

Alioze kwapwile aprofeta a kwonga nawa hakachi ka atu, chizechene ngwe hakachi kenu nawa kumukukapwa alongeshi a kwonga, ku tenga kumakaneha longeso lia kuhandununa lia kwonwona, nikulikala chipwe Mwata yoze waalanjile, ni kuneha hali ayo ene kwonwona cha susumuku.

Usolwelo 12:9

Ni ndragau munene amunyashine hashi, mwe kapela wa shakulu, jina lienyi ngwo, Ndiapu kanda Satana, mwe mukwa kupiangula yifuchi yeswe ya hashi; amunyashine ndo hashi, ni anyashine angelo jenyi hamwe nenyi hashi.

Usolwelo 13:14

Iye yapiangula akwa hashi mumu ha yilayi yize amuhele mukulinga kumeso ja mwe ngongo; nikwamba kuli akwa hashi akatange kaponya kuli ngongo, yoze uli ni mbandu ya katana Watwamine ni mwono.

Usolwelo 20:3

Wamunyashine mu jondo, waliajilile, walijikile ni Chijikilo helu lienyi, hanga kechi kapiangula nawa mavungu ndo kanunu ka miaka mamanunuka: kulutwe lia yino yuma, chatamba kumutusula ha shimbu likepe.

Akwa Kuyula 10:6

Mba A-Izalele alingile chipi kumeso ja Yehova cheka nawa, nikulingila Ambale ni Asatarote mazambi ja A-Seria, ni mazambi ja A-Sendone, ni mazambi ja A-Moape, ni mazambi ja A-Amone, ni mazambi ja A-Filistea. Yehuka Yehova. Kamulingilile.

Akwa Kuyula 2:13

Ehukile Yehova nikuvumbika Ambale ni Asatarote.

Akwa Kuyula 20:13

Kashika nehenu malunga aze amokomoko a mu Ngibia tukaashihe tukalichize uhenge mu Izalele. Alioze A-Mbenjamine katayile ku liji lia akwo A-Izalele.

Akwa Kuyula 5:8

Muze asakwile mazambi aha, mba kwapwile jita mwe mu yikolo. Chipwe hakachi ka makumi awana a tununu twa atu mu Izalele, te mawana hanji lukepwe hanji kunga, nyi?

1 Samuel 18:1

Muze iye hamana kuhanjika ni Saulu, mbunge ya Jonatas yiyilinunga ni mbunge ya David. Jonatas yamuzanga ngwe mbunge yenyi mwene.

1 Samuel 18:3

Jonatas ni David akolesele usendo mumu wamuzangile ngwe mbunge yenyi mwene.

1 Samuel 20:17

Jonatas yashingisa David nawa ha zango lienyi mumu wamuzangile chizechene ngwe wazangile mwono wenyi mwene.