Shimbi 13:16 - MUKANDA USANDU WA ZAMBI 1975

¹⁶ Nukakungile upite walio weswe mukachi ka tapalo lialio, nwoche lie limbo ni kahia, ni upite weswe lukombo kuli Yehova Zambi yenu, likapwe mulumba wa mutolo. Kanda alitunga nawa.

Mukanda Wa Zambi 1970

¹⁶ Kungulenu yikumba yeswe ya waze atwama mu limbo, mba munwocha lie limbo ni yuma yalio yeswe ngwe mulambu kuli Mwene Zambi, Zambi yenu. Chatamba kubwa chingina ndoo ku miaka yeswe, kanda akalitungulula nawa nichimwe.

Shimbi 13:16 Iomraidhean Croise

Kutuhuka 22:19

Mweswawo mapomba ni kashitu, akamushihe lume.

Izaya 17:1

Liji lia kutwala ku Ndamaseku ngwo, Ndamaseku kuyichi kupwa limbo nawa; muyipwa mulumba wa yiswaswa.

Izaya 25:2

Mumu hiwalumuna chihunda ngwe mulumba wa yiswaswa, chihunda cha kukolesa chapwa cha hululu; mbala ya tundaka kuyapwile chihunda nawa, kechi kayitunga nilimwe tangwa.

Jeremia 49:2

Kashika Yehova kanambe ngwenyi, Matangwa kaneza muze munguneha mutambi wa jita mu matwi, wa kulimika ni Raba ya A-Amone. Muyalumuka mulumba wa hululu, ni tuyihunda twako matwocha ni kahia, mba henaho Izalele makasalakana waze amusalakanyine. Chocho kanambe Yehova.

Ezekiel 26:14

Mungukakupwisa luliwe lwamokomoko; mukalumuka chihela cha kwanyika manda a yishi. Kechi kakutungulula nawa nilimwe tangwa mumu yami Yehova hinachamba. Chocho kanambe Mwene Yehova.

Mika 1:6

Kashika mungupwisa Samaria mulumba mu chifuchi cha washi, kuma kwa kulimina minda ya uva. Munguzukula mawe jenyi mu chikulo ni kufukula fundamentu jenyi.

Shimbi 7:25

Nukoche ni kahia tuponya two twa kusonga, kanda nwivwa chipululu cha prata ni oru jiliho, kanda nulichijilajo kuchina manutelamo kambwila, mumu hijapwa chizelwokeso kuli Yehova Zambi yenu.

Shimbi 7:26

Kanda nunjisa mu mazuwo jenu chizelwokeso chimwe, kuchina munulifwa nacho mba munupwa ajila; nukachichine, nukachivwile lwaji lume; mumu kuchapwa chuma chajila.

Yoshua 6:21

Aho onwene liakulu waze eswe apwile mu chihunda, ni malunga ni mapwo, twanuke ni makulwana, ni ngombe, ni mapanga, ni yimbulu, eswe ni katana.

Yoshua 6:24

Ochele chihunda ni kahia ni yuma yeswe yapwilemo. Prata wika ni oru, ni yikwachilo ya unengu ni ya utale asele mu milambu ya zuwo lia Yehova.

Yoshua 6:26

Yoshua waasele shingo tangwa lize ngwenyi, Mweswe makatuka kutunga chihunda chino cha Yeriku akashingiwe kuli Yehova. Masela fundamentu mu kufwa cha mwanenyi mutangu, Masaho mapito mu kufwa cha mwanenyi wasula.

Yoshua 8:28

Chocho Yoshua yocha Ayi. Yachipwisa mulumba wa yiswaswa wa mutolo, chize chapwa ndo musono.