Shimbi 13:15 - MUKANDA USANDU WA ZAMBI 1975

¹⁵ nukashihe ni katana akwa limbo lize, nikulionwona liakulu ni yeswe yilimo, ni yimuna jamo ni katana.

Mukanda Wa Zambi 1970

¹⁵ hishihenu atu eswe a limbo lize ni e ngombe jo. Limbo lize nulionona liakulu.

Shimbi 13:15 Iomraidhean Croise

Ezra 10:16

Chocho atu ja ku unjize yachilinga. Mwe sasendote Ezera ni amwe akwa lutwe mu minyachi ya atato nikulita ni mazuwo ja atato, eswe ku majina jo yaahandununa. Yatwama no ha tangwa litangu lia kakweji wamuchikumi akasope che chikuma.

Kutuhuka 22:20

Yoze matambula kuli kazambi keswako shina Yehova wika, akamwonwone liakulu.

Kutuhuka 23:24

Kanda ukafukama kuli tuzambi two chipwe kwalingila, ka, chipwe kanda ukalinga nikulita ni yitanga yo alioze ukaapuzule liakulu. Ukapalwole yipinji tuponya two.

Alevi 27:28

Alioze nichimwe chuma lunga machitumbikila hakachi ka yuma yenyi kuli Yehova, kechi kuhasa kulanda hanji kukula, chipwe mutu, chipwe chimuna, hanji cha ku minda yenyi ya kuhinga. Yuma yeswe ya kutumbikila ni shingo muyipwa yisandu yahiana kuli Yehova.

Shimbi 13:14

Henaho nuhule, nuhengule, nusunge kanawa, kumanyi, nyi chamwenemwene, cha pundu ngwo, Ungulungulu upwa hoho anaulingi mukachi kenu,

Shimbi 13:5

Yoze profeta, hanji yoze mukwa kulota yilota mushihenu, mumu te iye hahanjika maliji a kukolema Yehova Zambi yenu, yoze wanuchijile mu chifuchi cha Engitu, nikunukula ku zuwo lia upinji ngwenyi, Nuhambuluke ku jila yize Yehova Zambi yenu anwambileyo ngwenyi, Nwendemo. Chocho nukatwise che chipi hakachi kenu.

Shimbi 17:4

kachi manwambulwitacho, mba nwachivwa, mba munuhuta kanawa, nyi chamwenemwene, nyi cha pundu, ngwo, Hanalingi chizelwokeso chipwa hoho mu Izalele,

Shimbi 2:34

Yitulwa membo jenyi eswe ha mwaka uze. Yitwonwona liakulu membo eswe, ni malunga, ni mapwo, ni ana akepe. Kutwalajhichikile niumwe, chipwe umuwika, ka.

Shimbi 7:16

Munukamanuna mavungu eswe Yehova Zambi yenu makakunjika kuli yenu, meso jenu kanda akaavwila keke. Kanda nukavumbika tuzambi two, mumu acho muchipwa kambwila kuli yenu.

Shimbi 7:2

ha kwakunjika kumeso jenu kuli Yehova Zambi yenu munukaalamba, nukaakuwise liakulu, kanda nukakolesa no usendo niumwe, chipwe kanda nwavwila keke,

Yoshua 6:24

Ochele chihunda ni kahia ni yuma yeswe yapwilemo. Prata wika ni oru, ni yikwachilo ya unengu ni ya utale asele mu milambu ya zuwo lia Yehova.

Usolwelo 17:16

Ni kumi lia mbinga jize hiwamona, ni ngongo, wano kumakapwa ni kole kuli chikoi, makamupwisa wa hululu, makamupwisa ni uselesele, makalia musunya wenyi, makamwocha ni kahia.

Akwa Kuyula 20:3

(Achi A-Mbenjamine hanevu ngwo, A-Izalele haswila ku Mizepa.) Mba A-Izalele ambile ngwo, Nutwambulwile kama, ungulungulu uno kuchi wapwile.

Akwa Kuyula 20:48

Mba A-Izalele ahilukile kulimika ni A-Mbenjamine nikwashiha ni tutana; malunga ni yimuna ni cheswacho awanyine. Membo jo eswe awanyine aochele ni kahia.