Shimbi 13:11 - MUKANDA USANDU WA ZAMBI 1975

¹¹ A-Izalele eswe achivwe, evwe woma, kanda alinga nawa ungulungulu upwa hoho ngwe uno uli mukachi kenu.

Mukanda Wa Zambi 1970

¹¹ Muze Aisraele eswe maachivwa, meevwa woma. Ha chino niumwe kechi kalinga nawa chibi chize.

Shimbi 13:11 Iomraidhean Croise

Kutuhuka 13:3

Mose yamba kuli atu ngwenyi, Iwulukenu lino tangwa muze nwakatukile ku Engitu, ewa ku zuwo lia upinji, mumu Yehova yanuchiza ku chihela chize ku tachi ja kwoko lienyi. Kanda nukalia mbolo niyimwe ya futunwiso.

Yishima 19:25

Lamba mukwa kulenya mba chizuzuke malilongesa kukanyama; kanjisa mukwa malinjekela mba yinyingi muyimulumbunuka.

Yishima 21:11

Muze malamba mukwa kulenya chizuzuke matambula mana. Muze mafumba mukwa mana matambula yinyingi.

Alevi 20:2

Amba kuli A-Izalele ngwe, Mutu mweswawo wa A-Izalele, hanji wa njize waze atwama mu Izalele, mahana umwe mwanenyi kuli Moleke, akamushihe, akwa chifuchi akamwase mawe.

Kwalula 25:4

Yehova yamba kuli Mose ngwenyi, Utwale akwa lutwe eswe a atu, wasukike kumeso ja Yehova ha mwalwa, hanga utenu usasu wa Yehova ukakatuke kuli A-Izalele.

Shimbi 13:12

Kachi manwambulwila mu limbo Umwe hakachi ka membo aze Yehova Zambi yenu ananweho kutwamamo ngwo,

Shimbi 17:13

Atu eswe evwe, apwe ni woma, kanda alinga nawa ni kulengumuka.

Shimbi 19:20

Atu anasalako evwe, apwe ni woma, mba kulutwe kanda akalinga chipi chipwa hoho nawa mukachi kenu.

Shimbi 21:21

Malunga eswe a limbo lize amwase mawe afwe, chocho munukatwisa chipi mukachi kenu, A-Izalele eswe evwe, apwe ni woma.

1 Timoteu 5:20

Waze mavulumuna, ukaakumike kumeso ja atu eswe, hanga akwo nawa akapwe ni woma.

Yoshua 7:25

Yoshua yamba ngwenyi, Kuchi te hiwatukokela lamba? Kashika Yehova makulamba musono. A-Izalele eswe yamwasa mawe. Yaocha ni kahia nikwaasa mawe.