Shimbi 13:1 - MUKANDA USANDU WA ZAMBI 1975

¹ Kachi mukachi kenu mukupwa profeta, hanji mukwa kulota yilota, manwaha chilayi, hanji chikomokeso,

Mukanda Wa Zambi 1970

¹ “Nyi umwe mukwa munanyi hanji mukwa kulumbununa yilota manulakenya chimwe chilayi hanji chikomokeso,

Shimbi 13:1 Iomraidhean Croise

1 Yitanga Ya Mianangana 13:18

Iye yamukumbulula ngwenyi, Ni yami nawa nguli profeta ngwe yena, mba umwe mungelo hangwamba ni liji lia Yehova ngwenyi, Munehe hamwe ni yena ku zuwo lie akalie mbolo akanwe meya. Alioze te kanamwongo.

1 Yitanga Ya Mianangana 13:19

Chocho yahiluka nenyi yalia mu zuwo lienyi yanwa meya.

Yishima 30:6

Kanda uweza ku maliji jenyi kuchina makukanjisa mba makumona uli mukwa mahuza.

Izaya 9:15

Mukulwana mulemu iye we mutwe, profeta wa mahuza iye muchila;

Jeremia 23:11

Ni profeta ni sasendote eswe ni aali yitanganyanyi. Chipwe mu zuwo liami hinawana ungulungulu wo. Chocho kanambe Yehova.

Jeremia 23:32

Yehova kanambe ngwenyi, Kunalimika ni waze akuprofeteza yilota ya mahuza nikuyaula ni kupiangula atu jami ni mahuza jo, ni kulizelula cho, muze ami chaatumine chipwe kwaaha chiyulo, kashika kakwashile wano atu nichimwe. Chocho kanambe Yehova.

Jeremia 27:9

Kashika kanda nupanjika kuli aprofeta jenu, ni tahi jenu, ni akwa yilota jenu, hanji akwa munanyi jenu, hanji yimbanda jenu, waze anambe kuli yenu ngwo, Kunuchi kalingila mwanangana wa Babilonia.

Jeremia 29:24

Kuli Shemaia wa ku Nehelame muwamba ngwe,

Jeremia 29:26

Yehova hakupwisa sasendote kusalakana sasendote Jehoiada, ukapwe ni chiyulo cha zuwo lia Yehova helu lia chizaluke mweswawo yoze maprofeteza, ukamuse mu kuli ja ku moko ni ku kota.

Jeremia 29:8

Mumu Yehova-wa-Tujita, Zambi ya Izalele kanambe ngwenyi, Kanda nutayiza aprofeta ni tahi waze atwama hakachi kenu kunwonga. Kanda nupanjika ku yilota yize akulota,

Jeremia 6:13

Mumu chize kuli mukepe hakachi ko ndo kuli alemu eswe kali ni chipululu cha kufumbuka cha uhenge, ni chize kuli profeta ndo kuli sasendote, eswe kakulinga ni mahuza.

Ezekiel 13:23

Kashika kunuchi kamona nawa usolwelo wa kulionga hanji kutaha ngombo. Mungupatula atu jami mu moko jenu. Henaho munukanyingika yami nguli Yehova.

Zakaria 10:2

Mumu terafimi hanahanjika chize kuchalumbunukine; tahi hanamono mahuza; akwa yilota kanaula yilota ya kwonga, nikulembejeka chamokomoko. Kashika atu anendangana ngwe mapanga; kanapinji mumu ha kuhona kafunga.

Zakaria 13:4

Ha tangwa lize profeta mweswe mavwila sonyi usolwelo wenyi ha kuprofeteza. Kechi kazala uzalo wa wona akonge atu,

Mateu 24:11

Ni aprofeta anji a kwonga kumakasoloka, mamupiangula anji.

Mateu 24:24

Mumu akristu a kwonga ni aprofeta a kwonga kumakasoloka, no makasolola yilayi yinene ni yikomokeso; hanga nyi machihasa, akapiangule chipwe waze hanaatongola.

Mateu 7:15

Alioze keyelenu aprofeta a kwonga, waze akwiza kuli yenu ni mazalo ja mapanga, alioze muchima kanapu tungunga a kunuwumbula.

Marku 13:22

mumu akristu a kwonga ni aprofeta a kwonga kumakeza, makalweza yilayi ni yipekesa mukupiangula chipwe waze hanaatongola, kachi maahasa.

Luka 6:26

Lamba lienu, muze atu eswe manuchichimieka! mumu chizechene akako alingile kuli aprofeta a kwonga.

Shimbi 18:20

Alioze profeta mweswe mahanjika liji lia kulengumuka mu jina liami, ami chamwambilelio kuhanjika, hanji mahanjika ni jina lia tuzambi tweka, profeta yoze afwe.

Shimbi 4:1

Enu A-Izalele panjikenu ku yiyulo ni ku upatwilo ngunanulongesa, nuyilinge, hanga nupwe ni mwono, nunjile ni kuzuka chifuchi Yehova Zambi ya tulamba twenu ananwehecho.

Shimbi 4:2

Kanda nuweza ku liji ngunanwambelio chipwe kutepululako. Nufunge maliji a shimbi a Yehova Zambi yenu nanwamba.

2 A-TESALONIKA 2:9

Kuheta cha mwe chihulia chinalite ni kulinga cha uhenge kuli waze akutoka; Satana ni tachi jeswe ni yilayi ni yipupu ya mahuza,

2 Petulu 2:1

Alioze kwapwile aprofeta a kwonga nawa hakachi ka atu, chizechene ngwe hakachi kenu nawa kumukukapwa alongeshi a kwonga, ku tenga kumakaneha longeso lia kuhandununa lia kwonwona, nikulikala chipwe Mwata yoze waalanjile, ni kuneha hali ayo ene kwonwona cha susumuku.

1 Yoano 4:1

Akwetu a zango, kanda nufuliela maspiritu eswe, aiioze esekenu maspiritu, kachi mapwa maspiritu a kuli Zambi; mumu aprofeta a kwonga anji haneza hano hashi.