Shimbi 12:7 - MUKANDA USANDU WA ZAMBI 1975

⁷ Munukalilako kulia kumeso ja Yehova Zambi yenu, nukawahilile ni yeswe munukalinga ni moko jenu; ni yenu, ni akwa mazuwo jenu, ni yuma yeswe hananuwahishilamo Yehova Zambi yenu.

Mukanda Wa Zambi 1970

⁷ Kwenako ku meso ja Mwene Zambi, Zambi yenu, munukayilila, yenu ni akwa jiko lienu, ni kuwahilila ni yeswe yize Mwene Zambi hananuwahisa nayo.

Shimbi 12:7 Iomraidhean Croise

1 Sango Ja Mianangana 29:22

Yalia, yanwa kumeso ja Yehova ha tangwa lize ni uwahililo wunji. Mba yaswanyisa Solomone mwana David wanangana chisuho chamuchiali nikumuzu jila maji kuli Yehova akapwe mwanangana, ni Zadoke aye akapwe sasendote.

Nehemia 8:9

Nehemia mukwa kuyula, ni sasendote Ezera mukwa kusonyeka, ni A-Levi waze alongesele atu, yamba kuli atu eswe ngwo, Tangwa lino lisandu kuli Yehova Zambi yenu, kanda nulinyenga chipwe kulila. Mumu atu eswe alilile ha kwivwa maliji a shimbi.

Longeshi 3:12

Hali ayo chuma chikwo chahiana kupema chakuhi shina kuwahilila ni kulinga yipema miaka yeswe ya mwono wo.

Longeshi 3:13

Chikwo nawa nyi mutu malia, manwa nikuyuka ni yipema ya kuhondangana chenyi cheswe, acho chawana cha kuli Zambi.

Longeshi 5:18

Chize namona kupema ni kuwaha ngwami, Mutu akalie, akanwe, akawahe ni yipema ya kuhondangana chenyi cheswe chize anahondangana nacho kushi lia tangwa matangwa eswe a mwono uze Zambi hamwaha. Chihanda chenyi chenacho.

Izaya 23:18

Yuma yenyi ya kutalika ni fweto yenyi makayitumbikila kuli Yehova. Kechi kayitulika hanji kuyitongowenya, alioze yuma yenyi ya kutalika muyipwa kulia cha kulumbama ni mazalo apema kuli waze anatwama kumeso ja Yehova.

Izaya 62:9

Alioze waze mayicha mayilia, nikuhalisa Yehova, ni waze mayihela mayinwa mu maze ja zuwo liami lisandu.

Ezekiel 44:3

Mwe mulemu wika, iye mu ulemu wenyi makatwamamo nikulia mbolo kumeso ja Yehova. Makanjilila ku senge lia chikolo; makatuhukila nawa muze mwene.

Joele 1:16

Yifwo hanayitete kumeso jetu. Chiseke ni uwahililo hanayitete ku zuwo lia Zambi yetu.

Joele 2:26

Munukalia nikulumbama; munukuta, mba munukahalisa jina lia Yehova Zambi yenu yoze hanulingila yikomokeso. Atu jami kechi kevwa nawa sonyi.

Alevi 23:40

Ha tangwa litangu munutambula mihuko ya mitondo yipema, mitango ya mingaji, ni mitango ya mitondo ya mafwo, ni misombo ya ku lwiji. Mba munuwahilila kumeso ja Yehova Zambi yenu matangwa shimbiali.

Malaki 2:13

Ni chikwo nawa nwakulinga. Nwakufuka chilumbilo cha Yehova ni masoji, ni kulila, ni mikuma mumu katalile nawa mulambu chipwe kuutambula ni vumbi ku moko jenu.

Yilinga 2:46

O, tangwa ha tangwa, nikunyongo nona ni mbunge yimuwika mu tembele, nikupatula mbolo ku zuwo ni zuwo, alile kulia cho ni uwahililo ni kutuwika cha mbunge,

Shimbi 12:12

Nukawahilile kumeso ja Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, se o keshi chihanda chipwe chihinga hamwe ni yenu.

Shimbi 12:18

Alioze nukayilile kumeso ja Yehova Zambi yenu kuze makatongola Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, nukawahilile kumeso ja Yehova Zambi yenu ni yeswe munulinga ni moko jenu.

Shimbi 12:8

Kanda nukalinga nikulita ni yeswe tunapu nikulinga kuno musono, mutu ni mutu ngwe chinate ku meso jenyi mwene.

Shimbi 14:23

Nukalile kumeso ja Yehova Zambi yenu kuze iye matongola kusa jina lienyi, chihanda cha ku kumi cha mbuto jenu, ni cha vinyu yenu, ni cha maji jenu, ni tupula-majimo a ngombe jenu, ni a yimuna jenu, hanga nulilongese kuvwila woma Yehova Zambi yenu matangwa eswe.

Shimbi 14:26

Nulande ni je mbongo cheswacho mbunge jenu mujizanga, hanji ngombe, hanji mapanga, hanji vinyu, hanji yakunwa yisasu, hanji cheswacho mbunge jenu mujizanga. Nukalileko kumeso ja Yehova Zambi yenu, nukawahilile, ni yenu, ni akwa mazuwo jenu.

Shimbi 15:20

Mwaka ha mwaka kumeso ja Yehova Zambi yenu nukaalile kuma kuze matongola kuli Yehova, ni yenu, ni akwa mazuwo jenu.

Shimbi 26:11

Nukawahilile ni yeswe yipema Yehova Zambi yenu hananweheyo, ni akwa mazuwo jenu, ni yenu, ni Ka-Levi, ni njize yoze uli mukachi kenu.

Shimbi 27:7

Nukalambule milambu ya sambukila, nukalileko, nukawahilile kumeso ja Yehova Zambi yenu.

Shimbi 28:47

Mumu te kunwavumbikile Yehova Zambi yenu ni chiseke ni kuwaha cha mbunge, mumu ha kwoka cha yuma yeswe.

Filipu 4:4

Wahililenu muli Mwene matangwa eswe: cheka nawa mungwamba ngwami, Wahililenu.