Shimbi 12:6 - MUKANDA USANDU WA ZAMBI 1975

⁶ Kwenako munuya, nukaheteseko milamba yenu ya kulumba, ni yitapo yenu, ni yihanda yenu ya ku kumi, ni milambu ya kuzundula ni moko jenu, ni yilakenyo yenu, ni milambu yenu ya mbunge, ni tupula-majimo a ngombe jenu, ni a yimuna jenu.

Mukanda Wa Zambi 1970

⁶ Kwenako chatamba kulambwila milambu yenu ya kwocha, ni ya chakumi, ni yawana yize nwakulakenya Mwene Zambi, ni milambu ya kuzanga chenu, ni atangu kusemuka ku ngombe jenu ni ku mapanga jenu, ni milambu yeka ni yeka yikwo.

Shimbi 12:6 Iomraidhean Croise

2 Sango Ja Mianangana 31:14

Ni Kore mwana Ka-Levi Ima, kafunga ka chikolo cha ku Chivumbuko, iye wapwile ni chiyulo ha milambu ya mbunge kuli Zambi akapangile milambu ya Yehova ni yuma yisandu yahiana.

2 Sango Ja Mianangana 7:12

Mba Yehova yasoloka kuli Solomone ha ufuku; yamba kuli iye ngwenyi, Hinevwa kulemba che, hinalitongwela chihela chino kuli yami mwene chikapwe chilambwilo.

Ezra 3:2

Henaho kwakatukile Yeshua mwana Jozadake ni asasendote ni akwo, ni Zorobabele mwana Salatiele ni usoko wenyi. Yatunga chilumbilo cha Zambi ya Izalele akalambwileho milambu ya kulumba ngwe chinasonewa mu shimbi ja Mose mwe mutu wa Zambi.

Nehemia 10:36

Tukanehe nawa tupula-majimo twa ana jetu a malunga, ni twa yimuna yetu, ngwe chinasonewa mu shimbi, ni atangu a kuli pembe, ni mapanga, kuneha ku zuwo lia Zambi yetu kuli asasendote aze akuvumbika mu zuwo lia Zambi yetu.

Nehemia 10:39

Mumu A-Izalele ni A-Levi maneha mulambu wa kuzundula wa mbuto, ni wa vinyu, ni wa maji mu yipatulo, muze mwatwama yikwachilo ya muma musandu, ni asasendote akwa kuvumbika, ni akwa mapito, ni njimba. Kutuchi kwehuka nawa zuwo lia Zambi yetu.

Miaso (Masamu) 116:17

Munguhana kuli yena mulambu wa kusakwila. Mungusanyika ha jina lia Yehova.

Ezekiel 20:40

Mumu Mwene Yehova kanambe ngwenyi, Ha mulundu wami, we mulundu usuku wa Izalele, akwa munyachi wa Izalele e eswe makangulingila mu chifuchi. Kwenako mungukaatambula; kwenako mungwita milambu yenu ni ye yipema hakachi ka yawana yenu, hamwe ni yitapo yenu yisandu.

Alevi 1:3

Nyi mulambu wenyi muupwa ngombe wa kulumba, akamutambule kuji keshi chipa. Akamulambule ku chikolo cha mbalaka ya chikungulwila, akamutambule kumeso ja Yehova.

Malaki 3:10

Nehenu yihanda yeswe ya kumi ku zuwo lia kutulikila hanga mukapwe kulia mu zuwo liami, nukangweseke nacho nyi chanwazulwilile manjanela a malilu nikunuzukwila yiwape ya kulumbama. Chocho kanambe Yehova-wa-Tujita.

Malaki 3:8

Mutu mahasa kwiya kuli Zambi? Hindu yenu nunangwiyi. Alioze nunambe ngwenu, Tunakwiyi kuchi? Ha yihanda yenu ya kumi, ni milambu yenu.

Luka 11:42

Alioze lamba lienu A-Fwariseu! nwakutambula chihanda cha kumi cha chimbumba ni aluta, ni yilimalima yeswe, alioze nwakulelesa ululi ni zango lia Zambi: Chanutamba Shinaho kulinga yino ni kulitwamina yikwo, ka.

Luka 18:12

Nakulitwamina kulia kaali ha semana, nakuhana chihanda cha kumi cha yuma yeswe nguli nayo.

Shimbi 12:17

Kanda nukalila mu yihunda yenu chihanda cha ku kumi cha mbuto yenu, chipwe cha vinyu yenu, chipwe cha maji jenu, chipwe cha tupula-majimo a ngombe jenu, chipwe a yimuna jenu, chipwe cha yilakenyo yenu yeswe nunalakenya, chipwe cha milambu yenu ya mbunge, chipwe cha milambu ya kuzundula ni moko jenu.

Shimbi 26:2

Ukande mbuto yitangu ya ku mbuto yeswe muyima hashi, mukunga ku chifuchi Yehova Zambi ye anakwehecho, uyise mu mutonga, uye kuze Yehova Zambi ye matongola kusa jina lienyi.

Yoshua 22:27

alioze chikapwe uchela hakachi ketu ni yenu, ni hakachi ka yisemuko yize yili kulutwe ngwetu, Twakuvumbika Yehova kumeso jenyi ni milambu yetu ya kulumba, ni yitapo, ni milambu ya sambukila, kuchina ana jenu mamba kuli ana jetu ku miaka ya kulutwe ngwo, Chihanda kunushi nacho muli Yehova.

1 Samuel 1:21

Mwe lunga Elekana ni akwa zuwo lienyi eswe ayile kulambula kuli Yehova mulambu wa mwaka ha mwaka hamuwika ni chilakenyo chenyi.

1 Samuel 1:24

Mba muze hamusumuna wamutwalile, ni kuji a ngombe atatu, ni* efa yimuwika ya wunga, ni tuku yimuwika ya vinyu. Yamutwala ku zuwo lia Yehova ku Shilo, achili te mwana.