Shimbi 12:25 - MUKANDA USANDU WA ZAMBI 1975

²⁵ Kanda nwalia, hanga nutwame kawape, ni ana jenu atwame kawape kulutwe lienu, ha kulinga chize chinate kumeso ja Yehova.

Mukanda Wa Zambi 1970

²⁵ Nyi nwafunga Shimbi yino, Mwene Zambi makawahilila nenu. Yenu ni vungu lienu munukawaha.

Shimbi 12:25 Iomraidhean Croise

1 Yitanga Ya Mianangana 11:38

Nyi mupanjika ku yuma yeswe ngunakwambe ukende mu majila jami, ukalinge yize yinapeme kumeso jami, ukafunge yiyulo yami ni shimbi jami ngwe kavumbi kami David, nyi chocho mungukapwa hamwe ni yena, mungukakolesa munyachi we ngwe nakolesele wa David; mungukwaha Izalele.

Miaso (Masamu) 112:2

Munyachi wenyi kumuukapwa wa ndundo hano hashi. Chisemuko cha mukwa ululi kumakaawahisa.

Kutuhuka 15:26

Yamba ngwenyi, Kachi yenu munuhalakana pundu ku liji lia Yehova Zambi yenu, nikulinga chize chinate ku meso jenyi, nikupanjika ku maliji jenyi a shimbi, nikufunga yiyulo yenyi yeswe, kachi chichi kusa hali yenu kuyiza nichimwe nasele hali A-Engitu, mumu Yami Yehova, mukwa kunuwuka.

Longeshi 2:26

Mumu kuli yoze wamuwahila Zambi mahana mana, ni yinyingi, ni uwahililo; alioze kuli chivulumunyi mahana milimo, akahondangane akalumbike yuma ya kuhana kuli yoze wapemena Zambi. Chino nawa chapwa chamokomoko ngwe kuhanga ye fuji.

Longeshi 8:12

Chipwe chivulumunyi malinga chipi kulakaji lia yisuho ni kusuhisa matangwa jenyi, hindu ngunanyingika pundu waze mavwila woma Zambi kumakawaha, ngwami waze akuvwila woma kumeso jenyi.

Izaya 3:10

Ambulwila akwa ululi ngwe, Muchipwa kawape no, mumu makalia mihuko ya yitanga yo.

Ezekiel 33:25

Kashika amba kuli ayo ngwe, Mwene Yehova kanambe ngwenyi, Nwakulia yifwo ni manyinga, ni kuhetula meso jenu ku mahamba jenu, ni kumwanga manyinga; mba munukazuka chifuchi chocho?

Shimbi 12:24

Kanda nwalia, nukaazujile hashi ngwe meya.

Shimbi 12:28

Nufunge, nwivwe maliji ano eswe ngunanwambe hanga nutwame kawape, ni ana jenu atwame kawape kulutwe lienu ndo ku miaka ya mutolo, ha kulinga chipema chize chinate kumeso ja Yehova Zambi yenu.

Shimbi 13:18

ha kuzeya ku liji lia Yehova Zambi yenu mukufunga maliji jenyi a shimbi eswe ngunanwambe musono, mukulinga chize chinate kumeso ja Yehova Zambi yenu.

Shimbi 21:9

Chocho munukatwisa manyinga a kusamba mukachi kenu, ha kulinga chize chinate kumeso ja Yehova.

Shimbi 4:40

Nufunge yiyulo yenyi ni maliji jenyi a shimbi, ngunanwambeyo musono, hanga nutwame kanawa; ana jenu nawa kulutwe lienu akatwame kanawa, hanga nwokese matangwa jenu mu chifuchi Yehova Zambi yenu ananwehecho cha mutolo.

Shimbi 5:16

Lemesa tatenu ni noko ngwe Yehova Zambi ye yakwamba, hanga matangwa je akapwe anji, hanga Utwame kawape mu chifuchi chize Yehova Zambi ye kanakwehe.

Shimbi 5:33

Nwende mu jila yeswe Yehova Zambi yenu hanwamba, hanga nupwe ni mwono, nutwame kawape, hanga nwokese matangwa jenu mu chifuchi munuzuka.

Shimbi 6:18

Nulingelinge chize Chinalulama, chipema kumeso ja Yehova; hanga nutwame kawape, hanga nunjile, nuzuke chifuchi chipema chize alishingile Yehova kuhana kuli tulamba twenu,