Shimbi 12:23 - MUKANDA USANDU WA ZAMBI 1975

²³ Chino wika, nuse chinyingi ngwami, Kanda nulia manyinga; mumu te manyinga kapwa mwono; kanda nulia mwono hamwe ni yifwo.

Mukanda Wa Zambi 1970

²³ Kanda nulia yifwo ya manyinga, mumu mwono uli mu manyinga, kuchatambile kulia mwono hamwe ni yifwo.

Shimbi 12:23 Iomraidhean Croise

Ubutukilo 9:4

Alioze kuchi kulia yifwo yize yikwete manyinga jayo, acho chinalumbunuka we mwono.

Ezekiel 33:25

Kashika amba kuli ayo ngwe, Mwene Yehova kanambe ngwenyi, Nwakulia yifwo ni manyinga, ni kuhetula meso jenu ku mahamba jenu, ni kumwanga manyinga; mba munukazuka chifuchi chocho?

Alevi 17:10

Nyi mutu mweswawo, apwe wa vungu lia Izalele, apwe wa njize atwama hakachi ko, malia amwe manyinga, mungusa meso jami a kulimika ni mukwa kulia manyinga, ngukamutete hakachi ka atu jenyi.

Alevi 17:11

Mumu mwono wa musunya watwama mu manyinga mba hinaahana ha chilumbilo hali yenu kufuka mwono wenu. Mumu manyinga akufuka, mumu apwa we mwono.

Alevi 19:26

Kanda nukalia yifwo niyimwe hamuwika ni manyinga jayo. Kanda nukalinga yuma ya kutaha ni ya wanga.

Alevi 7:26

Chikwo nawa mu mazuwo jenu eswe kanda nulia manyinga niamwe, apwe a kajila hanji a kashitu.

Mateu 20:28

Chizechene ngwe mwe Mwana Mutu kejileko akamuvumbike, alioze mukuvumbika, nikuhana mwono wenyi ndando ya ukule hali anji.

Yilinga 15:20

alioze tutume mukanda kuli ayo akasúle ku luchisa wa mahamba, ni ku utanji, ni kuli tushitu a kuhonda, ni ku manyinga.

Shimbi 12:16

Chino wika, kanda nulia manyinga, nukaazujile hashi ngwe meya.

Shimbi 12:22

Ngwe malia kai ni kapaji, chocho nukalie, ni mutu wa luchisa ni mutu mupema, munuhasa kulia chizechene.

Shimbi 12:24

Kanda nwalia, nukaazujile hashi ngwe meya.

Shimbi 15:23

Chino wika, kanda nulia manyinga jenyi, nukaazujile hashi ngwe meya.

Usolwelo 5:9

O yemba mwaso waha, ngwo, Yena kuwatela kwanda mukanda, ni kupakula yijikilo yawo: mumu akushihile, walanjile kuli Zambi ni manyinga je, amwe a ku mavungu eswe, ni ku malimi eswe, ni kuli atu eswe, ni ku minyachi yeswe,

1 Samuel 14:32

Atu alundumukinyine ha upite nikutambula mapanga, ni ngombe, ni ana-ngombe. Yaashiha chizechene hashi lume nikwalia hamwe ni e manyinga.

1 Samuel 14:33

Yambulwila Saulu ngwo, Atu kanavulumuna Yehova ha kulia yifwo hamwe ni e manyinga. Iye yamba ngwenyi, Hinwalinga ni mafwefwe. Langumunenu luliwe lunene kuli yami musono.